Best 6 seater car : ఈ మారుతీ సుజుకీ 6 సీటర్లో కంఫర్టెబుల్గా ప్రయాణం- ఆన్రోడ్ ప్రైజ్ ఎంతంటే..
Maruti Suzuki XL6 : ఫ్యామిలీకి కంఫర్టెబుల్గా ఉండే విధంగా మంచి కారు కొనాలని ప్లాన్ చేస్తున్నారా? అయితే ఇది మీకోసమే! హైదరాబాద్లో మారుతీ సుజుకీ ఎక్స్ఎల్6 ఆన్రోడ్ ప్రైజ్ వివరాలను ఇక్కడ తెలుసుకోండి..
ఇండియాలో 5 సీటర్ కార్లు చాలానే ఉన్నాయి. కానీ ఒక్కోసారి ఇవి ఫ్యామిలీలకు సరిపోవు! అయితే, మారుతీ సుజుకీకి చెందిన ఒక బెస్ట్ సెల్లింగ్ కారులో 6 సీట్స్ లభిస్తున్నాయి. అదే.. మారుతీ సుజుకీ ఎక్స్ఎల్6. ప్రీమియం లుక్స్తో వచ్చే ఈ మారుతీ సుజుకీ ఎక్స్ఎల్6.. బడ్జెట్ రేంజ్లో ఫ్యామిలీ ట్రిప్స్కి బాగా ఉపయోగపడుతుంది. ఈ నేపథ్యంలో హైదరాబాద్లో ఈ మోడల్ ఆన్రోడ్ ప్రైజ్ వివరాలను ఇక్కడ తెలుసుకుందాము.

హైదరాబాద్లో మారుతీ సుజుకీ ఎక్స్ఎల్6 ఆన్రోడ్ ప్రైజ్
- మారుతీ సుజుకీ ఎక్స్ఎల్6 జీటీ- రూ. 14.15 లక్షలు
- జీటా సీఎన్జీ- రూ. 15.28 లక్షలు
- ఆల్ఫా- రూ. 15.35 లక్షలు
- జీటా ఏటీ- రూ. 15.84 లక్షలు
- ఆల్ఫా ప్లస్- రూ. 16.08 లక్షలు
- ఆల్ఫా ప్లస్ డ్యూయెల్ టోన్- రూ. 16.27 లక్షలు
- ఆల్ఫా ఏటీ- రూ. 17.04 లక్షలు
- ఆల్ఫా ప్లస్ ఏటీ- రూ. 17.77 లక్షలు
- ఆల్ఫా ప్లస్ ఏటీ డ్యూయెల్ టోన్- రూ. 17.96 లక్షలు
అంటే హైదరాబాద్లో మారుతీ సుజుకీ ఎక్స్ఎల్6 ఆన్రోడ్ ప్రైజ్ రూ. 14.15 లక్షల నుంచి రూ. 17.96 లక్షలు వరకు ఉంటుంది. జీటా సీఎన్జీ మినహా మిగిలిన అన్ని వేరియంట్లు పెట్రోల్ ఇంజిన్తోనే వస్తాయి. జీటా పెట్రోల్, జీటా సీఎన్జీ వేరియంట్లు బెస్ట్ సెల్లింగ్గా కొనసాగుతున్నాయి.
సాధారణంగా వెహికల్కి ఎక్స్షోరూం ప్రైజ్, ఆన్రోడ్ ప్రైజ్లు వేరువేరుగా ఉంటాయి. వెహికిల్ని లాంచ్ చేసే సమయంలో ఆటోమొబైల్ సంస్థలు ఎక్స్షోరూం ధరలను మాత్రమే చెబుతాయి. కాగా ఆన్రోడ్ ప్రైజ్ అనేది వివిధ రాష్ట్రాల్లో ట్యాక్స్లు వేరువేరుగా ఉండటంతో మారుతుంటూ ఉంటుది. అందుకే కస్టమర్లు వెహికిల్ని కొనే ముందు, ఎక్స్షోరూం ప్రైజ్ కాకుండా ఆన్రోడ్ ప్రైజ్ తెలుసుకుని బడ్జెట్ వేసుకోవాలి.
మీ సమీప డీలర్షిప్ షోరూమ్ని సందర్శిస్తే మారుతీ సుజుకీ ఎక్స్ఎల్6 టెస్ట్ డ్రైవ్ చేయొచ్చు. అంతేకాదు ఆఫర్స్, డిస్కౌంట్స్ వంటి వివరాలపైనా క్లారిటీ వస్తుంది. ఆ మేరకు మీరు మీ బడ్జెట్ని ప్లాన్ చేసుకోవచ్చు.
మారుతీ సుజుకీ ఎక్స్ఎల్6..
ఈ మారుతీ సుజుకీ ఎక్స్ఎల్6లో 1462 సీసీ ఇంజిన్ ఉంటుంది. ఇది 86.63 బీహెచ్పీ పవర్ని, 121.5 ఎన్ఎం టార్క్ని జనరేట్ చేస్తుంది. గ్లోబల్ ఎన్సీఏపీ సేఫ్టీ టెస్ట్లో మారుతీ సుజుకీ ఎక్స్ఎల్6కి 3 స్టార్ రేటింగ్ లభించింది.
ఇక 1.5 లీటర్ ఎంటీ వేరియంట్ గరిష్ఠంగా 20.97 కేఎంపీఎల్ మైలేజ్ ఇస్తుంది. 1.5 లీటర్ ఏటీకి అది 20.27 కేఎంపీఎల్. 1.5 లీటర్ ఎంటీ సీఎన్జీ మైలేజ్ 6.32 కేఎంపీకేజీగా ఉంది.
సంబంధిత కథనం