Best electric bike : స్టైల్​తో పాటు లాంగ్​ రేంజ్​- ఈ ఎలక్ట్రిక్​ బైక్​ మీకు బెస్ట్​!

ఇండియాలో 2 వీలర్​ ఎలక్ట్రిక్​ వాహనాల మార్కెట్​కి భారీ డిమాండ్​ ఉన్న విషయం తెలిసిందే. కొత్త కొత్త సంస్థలతో పాటు ప్రముఖ కంపెనీలు కూడా ఈ సెగ్మెంట్​పై ఫోకస్​ చేయడంతో కస్టమర్స్​కి మంచి ఆప్షన్స్​ కనిపిస్తున్నాయి. మరి మీరు కూడా ఒక ఎలక్ట్రిక్​ బైక్​ కొనాలని ప్లాన్​ చేస్తున్నారా? అయితే స్టైల్​తో పాటు లాంగ్​ రేంజ్​ ఇచ్చే ఒకాయా ఫెర్రాటో డిస్రప్టర్​ గురించి మీరు తెలుసుకోవాల్సిందే. ఈ ఎలక్ట్రిక్​ బైక్​ ఫీచర్స్​, రేంజ్​, ధరతో పాటు ఇతర వివరాలను ఇక్కడ తెలుసుకోండి..

బెస్ట్​ లాంగ్​ రేంజ్​ ఎలక్ట్రిక్​ బైక్​ ఇదే..!

ప్రముఖ ఈవీ తయారీ సంస్థ ఒకాయా సబ్​-బ్రాండ్​ ఈ ఫెర్రాటో. ఈ ఫెర్రాటో నుంచి వచ్చిన తొలి ప్రాడక్ట్​ పేరు డిస్రప్టర్​. ఇందులో ఇంజిన్​ కాంబీ బ్రేక్​ సిస్టెమ్​, యూఎస్​బీ ఛార్జింగ్​ పాయింట్​, బ్లూటూత్​- వైఫై వంటి మొబైల్​ కనెక్టివిటీ ఆప్షన్స్​, రైడింగ్​ మోడ్స్ (ఈకో, సిటీ, స్పోర్ట్స్​)​, వెహికిల్​ లైవ్​ ట్రాకింగ్, జీపీఎస్​, ఫైండ్​ మై వెహికిల్​,​ డిజిటల్​ స్పీడోమీటర్​, డిజిటల్​ ఓడోమీటర్, లో- బ్యాటరీ అలర్ట్​​ వంటి ఫీచర్స్​ ఉన్నాయి. అంతేకాదు ఫెర్రాటో డిస్రప్టర్​ ఎలక్ట్రిక్​ బైక్​లో రివర్స్​ అసిస్ట్​, స్టోరేజ్​ స్పేస్, స్పీకర్స్​​ వంటివి కూడా ఉన్నాయి.

ఈ ఫెర్రాటో డిస్రప్టర్​ని కేవలం ఎలక్ట్రిక్​ బైక్​లానే కాకుండా ఒక స్పోర్ట్స్​ బైక్​గానూ ఉపయోగించే విధంగా సంస్థ రూపొందించింది. ఇందులో 3.97 కేడబ్ల్యూహెచ్​ బ్యాటరీ ప్యాక్​ ఉంటుంది. ఈ ఎలక్ట్రిక్​ బైక్​ని ఒక్కసారి ఛార్జ్​ చేస్తే దాదాపు 110 కి.మీ రేంజ్​ని ఇస్తుంది. ఈ బైక్​ టాప్​ స్పీడ్​ 95 కేఎంపీహెచ్​. ఇందులోని మోటార్​ 228 ఎన్​ఎం పీక్​ టార్క్​ని జనరేట్​ చేస్తుంది. ఈ బైక్​ని పూర్తిగా ఛార్జ్​ చేసేందుకు 5 గంటల సమయం పడుతుందని సంస్థ చెబుతోంది. సస్పెన్షన్స్​ కోసం ఫ్రెంట్​లో టెలిస్కోపిక్​ రేర్​లో మోనో షాక్​ అబ్సార్బర్స్​ని ఇందులో సంస్థ అందించింది. ఇందులో సైడ్​ స్టాండ్​ సెన్సార్​ కూడా ఉంది. ఈ బైక్​కి అలాయ్​ వీల్స్​ వస్తున్నాయి.

ఈ బైక్​ బ్యాటరీపై 3ఏళ్లు లేదా 30వేల కిలోమీటర్ల వ్యారంటీని సంస్థ ఆఫర్​ చేస్తోంది.

ఒకాయా ఫెర్రాటో డిస్రప్టర్​ బైక్​ ధర..

ఈ ఒకాయా ఫెర్రాటో డిస్రప్టర్​ ఎలక్ట్రిక్​ బైక్​ ఎక్స్​షోరూం ధర రూ. 1.59లక్షల వద్ద ప్రారంభమవుతుంది. ఇన్​ఫెర్నో రెడ్​, మిడ్​నైట్​ షైన్​, థండర్​ బ్లూ వంటి కలర్​ ఆప్షన్స్​లో ఈ ఎలక్ట్రిక్​ బైక్​ అందుబాటులో ఉంది.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. ఆటోమొబైల్​​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..