బడ్జెట్​ రూ.10వేల కన్నా తక్కువ ఉందా? ఈ స్మార్ట్​ఫోన్స్​ బెస్ట్​..!

ఫ్లాగ్​షిప్​ నుంచి బడ్జెట్​ ఫ్రెండ్లీ సెగ్మెంట్​ వరకు.. భారత స్మార్ట్​ఫోన్​ మార్కెట్​కి మంచి డిమాండ్​ ఉంది. అందుకు తగ్గట్టుగానే ప్రతి సెగ్మెంట్​లో ఎప్పటికప్పుడు కొత్త కొత్త గ్యాడ్జెట్స్​ని లాంచ్​ చేస్తున్నాయి స్మార్ట్​ఫోన్​ తయారీ సంస్థ. మరి మీరు కొత్త స్మార్ట్​ఫోన్​ తీసుకోవాలని చూస్తున్నారా? బడ్జెట్​ గురించి ఆలోచిస్తున్నారా? అయితే ఇది మీకోసమే! రూ. 10వేల ధరలోపు ఈ బెస్ట్​ బడ్జెట్​ ఫ్రెండ్లీ స్మార్ట్​ఫోన్స్​ (మే 2025) లిస్ట్​ని ఇక్కడ చూసేయండి. రూ. 10వేలకు ఏమొస్తుంది? అనుకుంటే పొరబడినట్టే. విపరీతమైన పోటీ ఉండటంతో కంపెనీలు కస్టమర్స్​ని ఆకర్షించేందుకు కొన్ని సెగ్మెంట్​ బెస్ట్​ ఫీచర్స్​ని ఈ గ్యాడ్జెట్స్​లో ఇస్తున్నాయి. పూర్తి వివరాలు..

రూ. 10వేల ధరలోపు బెస్ట్​ స్మార్ట్​ఫోన్స్​..

శాంసంగ్​ గెలాక్సీ ఎం05- ఇందులో 6.74 ఇంచ్​ హెచ్​డీ+ డిస్​ప్లే ఉంటుంది. 4జీబీ ర్యామ్​ అందుబాటులో ఉంది. 64జీబీ ఇన్​బిల్ట్​ స్టోరేజ్​ సైతం ఉంది. మైక్రో ఎస్​డీ కార్డుతో 1000జీబీ వరకు స్టోరేజ్​ని ఎక్స్​ప్యాండ్​ చేసుకోవచ్చు. 5000ఎంఏహెచ్​ బ్యాటరీతో ఇది వస్తోంది. ఈ బడ్జెట్​ ఫ్రెండ్లీ స్మార్ట్​ఫోన్​ రేర్​లో 50ఎంపీ ప్రైమరీ, 2ఎంపీ కెమెరా సెటప్​ ఉంది. సెల్ఫీ, వీడియో కాల్స్​ కోసం ఫ్రెంట్​లో 8ఎంపీ కెమెరా ఉంది. ఈ మొబైల్​ ప్రారంభ ధర రూ. 6,4999గా ఉంది.

పోకో ఎం7 5జీ- ఈ ఏడాది మార్చ్​లో లాంచ్​ అయ్యింది ఈ స్మార్ట్​ఫోన్​. ఇదులో 6.88 ఇంచ్​ టచ్​స్క్రీన్​ డిస్​ప్లే ఉంటుంది. 6జీబీ, 8జీ ర్యామ్​ ఆప్షన్స్​లో అందుబాటులో ఉంది. 5,160 ఎంఏహెచ్​ బ్యాటరీ ఇందులో ఉది. ఆండ్రాయిడ్​ 14 ఆధారిత హైపర్​ఓఎస్​పై ఈ స్మార్ట్​ఫోన్​ పనిచేస్తుంది. రేర్​లో 50ఎంపీ కెమెరా, ఫ్రెంట్​లో 8 ఎంపీ కెమెరాలు ఉన్నాయి. ఈ స్మార్ట్​ఫోన్​ ప్రారంభ ధర రూ. 8,799గా ఉంది. జీపీఎస్​, బ్లూటూత్​ వీ5.00, యూఎస్​బీ టైప్​-సీ, ఎఫ్​ఎం రేడియో, రెండు 4జీ స్లిమ్​ స్లాట్స్​తో ఈ మొబైల్​ వస్తోంది.

పోకో ఎం6 5జీ- పోకో కంపెనీ నుంచి వచ్చిన మరో బడ్జెట్​ ఫ్రెండ్లీ స్మార్ట్​ఫోన్​ ఇది. ఆండ్రాయిడ్​ 14 ఆధారిత హైపర్​ఓఎస్​ సాఫ్ట్​వేర్​పై ఇది పనిచేస్తుంది. గ్రఫైట్​ బ్లాక్​, ఐస్​ సిల్వర్​, మిస్టీ లావెండర్​ వంటి కలర్​ ఆప్షన్స్​లో అందుబాటులో ఉంది. ఇందులో 108ఎంపీ ప్రైమరీ, 2ఎంపీ సెకెండరీ రేర్​ కెమెరా సెటప్​ ఉంది. సెల్ఫీ, వీడియో కాల్స్​ కోసం ఫ్రెంట్​లో 13ఎంపీ కెమెరా వస్తోంది. ఈ పోకో ఎం6 5జీ స్మార్ట్​ఫోన్​ ప్రారంభ ధర రూ. 9,999.

మోటో జీ05 5జీ- ఇందులో 6.7 ఇంచ్​ స్క్రీన్​ ఉంటుంది. 5200ఎంఏహెచ్​ బ్యాటరీతో వస్తోంది. 4జీబీ ర్యామ్​ దీని సొంతం. 64జీబీ ఇన్​బిల్ట్​ స్టోరేజ్​ ఉంటుంది. డ్యూయెల్​ సిమ్​ మొబైల్​ఇది. ఆండ్రాయిడ్​ 15పై మోటో జీ45 ఇది పనిచేస్తుంది. రేర్​లో 50ఎంపీ కెమెరా, ఫ్రెంట్​లో 8ఎంపీ కెమెరా దీని సొంతం. ఈ స్మార్ట్​ఫోన్​ ధర రూ. 7,299గా ఉంది.