Changes from April 1 : ప్రజలకు రిలీఫ్! ఏప్రిల్ 1 నుంచి ఈ ‘టీడీఎస్’ రూల్స్లో మార్పులు..
TDS rules changes : ఏప్రిల్ 1న 2025 బడ్జెట్ అమల్లోకి రానుంది. ఈ నేపథ్యంలో ‘టీడీఎస్’ విషయంలో భారీ మార్పులు కనిపించబోతున్నాయి. ఇది ప్రజలకు చాలా రిలీఫ్ని ఇస్తుంది. ఆ వివరాలను ఇక్కడ తెలుసుకోండి..
ఏప్రిల్లో ప్రారంభమయ్యే కొత్త ఆర్థిక సంవత్సరంతో దేశంలో అనేక మార్పులు చోటుచేసుకోబోతున్నాయి. మరీ ముఖ్యంగా 2025 బడ్జెట్లో నిర్మలా సీతారామన్ ప్రకటించిన అనేక అంశాలు ఏప్రిల్ 1 నుంచి అమల్లోకి రానున్నాయి. అనేక అంశాల్లో టీడీఎస్ పరిమితిని పెంచారు. ఈ నేపథ్యంలో ‘టీడీఎస్’ విషయంలో కనిపించే మార్పులను ఇక్కడ తెలుసుకోండి..
కొత్త టీడీఎస్ రూల్స్ గురించి తెలుసుకోండి..
"డివిడెండ్ ఆదాయంపై ఇప్పటివరకు ఉన్న రూ. 5వేల టీడీఎస్ ఇప్పుడు రూ.10వేలకు పెరుగుతుంది. ఇది సెక్యూరిటీ మార్కెట్లో తక్కువ మొత్తంలో ఇన్వెస్ట్ చేస్తున్న వారికి మంచిది," అని సీఏ నిపుణులు చెబుతున్నారు.
ఏప్రిల్ 1 నుంచి అమల్లోకి వచ్చే మరో పెద్ద మార్పు.. లాటరీలు, గేమ్స్, గుర్రం రేసుల్లో వచ్చే డబ్బుపై ఉన్న టీడీఎస్ రూల్స్. ఇప్పటివరకు ప్రతి ఆర్థిక ఏడాదిలో రూ. 10వేల లిమిట్ ఇప్పుడు ప్రతి లావాదేవీకి రూ. 10వేలుగా మారనుంది. తక్కువ అమౌంట్లో ఆదాయ లావాదేవీలు చేసే వారికి ఇది ఉపయోగకరంగా ఉంటుందని నిపుణులు అంటున్నారు. కొత్త నిబంధనతో ట్యాక్స్ డిడక్షన్ని నివారించుకోవచ్చని చెబుతున్నారు. ఇటీవలి కాలంలో ఇండియాలో ఆన్లైన్ గేమింగ్కి పెరుగుతున్న డిమాండ్ నేపథ్యంలో టీడీఎస్ భారత తగ్గుతుండటం విశేషం.
ఇక ఏప్రిల్ 1 నుంచి అమల్లోకి వచ్చే మరో మార్పు సీనియర్ సిటిజెన్లకు చాలా ఉపయోగకరంగా ఉండనుంది. బ్యాంక్ ఎఫ్డీ, బ్యాంక్ వడ్డీ వంటి వాటిపై టీడీఎస్ రూల్స్ మారనున్నాయి. గతంలో రూ. 50వేలుగా ఉన్న లిమిట్ ఇప్పుడు రూ. 1లక్షకు వెళుతుంది. అంటే వడ్డీపై టీడీఎస్ లిమిట్ని పెంచారు. కేవలం వడ్డీపై వచ్చే ఆదాయం మీద పడే టీడీఎస్ రీఫండ్ కోసం ఫైలింగ్ చేసే వారికి ఇది ఉపశమనం అవుతుందని అని నిపుణులు అంటున్నారు.
ఏప్రిల్ 1 నుంచి టీడీఎస్ రూల్స్లో కనిపించే మార్పులు..
సెక్యూరిటీస్పై వడ్డీ- ఇప్పటివరకు రూ. 5వేలు, ఇప్పుడు రూ. 10వేలు
డివిడెండ్లు- ఇప్పటివరకు రూ. 5వేలు, ఇప్పుడు రూ. 10వేలు
బ్యాంక్ కంపెనీ- కోఆపరేటివ్ సొసైటీ, పోస్టాఫీస్ల నుంచి అందే వడ్డీ మినహాయించి ఇతర వడ్డీలు (సీనియర్ సిటిజెన్ కాకుండా)- ఇప్పటివరకు రూ. 40వేలు, ఇప్పుడు రూ. 50వేలు
ఇతర అంశాల్లో (పైన పేర్కొనవి కాకుండా)- ఇప్పటివరకు రూ. 5వేలు, ఇక నుంచి రూ. 10వేలు
(పైన పేర్కొన్నవి) సీనియర్ సిటిజెన్ విషయంలో- ఇప్పటివరకు రూ. 50వేలు, ఇక నుంచి రూ. 1లక్ష
లాటరీ, గుర్రం రేసు, క్రాస్వర్డ్, పజిల్స్ గెలుపు- ఇప్పటివరకు ఆర్థిక ఏడాది మొత్తం మీద రూ. 10వేలు, ఇప్పటి నుంచి ప్రతి లావాదేవీపై రూ. 10వేలు
ఇన్సూరెన్స్ కమిషన్- ఇప్పటివరకు రూ .15వేలు, ఇప్పటి నుంచి రూ. 20వేలు
లాటరీ టికెట్ విక్రయం- ఇప్పటివరకు రూ .15వేలు, ఇప్పటి నుంచి రూ. 20వేలు
కమిషన్ లేదా బ్రోకరేజ్- ఇప్పటివరకు రూ. 15వేలు, ఇప్పటి నుంచి రూ. 20వేలు
రెంట్- ఇప్పటివరకు ఆర్థిక ఏడాదిలో రూ. 2,40,000, ఇప్పటి నుంచి నెలకు రూ. 50వేలు
టెక్నికల్ సర్వీస్ ఫీజు- ఇప్పటివరకు ఆర్థిక ఏడాదిలో రూ. 30వేలు, ఇక నుంచి నెలకు రూ. 50వేలు.
Sharath Chitturi
సంబంధిత కథనం