Dhoni Trading : ధోనీలో కొత్త యాంగిల్​.. స్టాక్​ మార్కెట్​ ట్రేడర్​ కూడా!-captain cool is a great trader dhoni cracks jokes on stock market advisors ,బిజినెస్ న్యూస్
Telugu News  /  Business  /  Captain Cool Is A Great Trader Dhoni Cracks Jokes On Stock Market Advisors

Dhoni Trading : ధోనీలో కొత్త యాంగిల్​.. స్టాక్​ మార్కెట్​ ట్రేడర్​ కూడా!

Sharath Chitturi HT Telugu
Oct 28, 2023 11:09 AM IST

MS Dhoni Stock market Trading : టీమిండియా మాజీ సారథి ధోనీకి స్టాక్​ మార్కెట్​పైనా అవగాహన ఉంది! ట్రేడింగ్​ గురించి ధోనీ మాట్లాడిన మాటలు.. ఇప్పుడు వైరల్​గా మారాయి.

ధోనీలో కొత్త యాంగిల్​.. స్టాక్​ మార్కెట్​ ట్రేడర్​ కూడా!
ధోనీలో కొత్త యాంగిల్​.. స్టాక్​ మార్కెట్​ ట్రేడర్​ కూడా! (AFP)

Dhoni Stock market Trading : క్రికెట్​లో మహేంద్ర సింగ్​ ధోనీ సృష్టించిన రికార్డుల గురించి కొత్తగా చెప్పుకోవాల్సిన అవసరం లేదు. అయితే.. వ్యాపారం రంగంలో ధోనీ కార్యకలాపాలు కూడా తరచూ వార్తల్లో నిలుస్తాయి. ఇక ఇండియా మాజీ సారథి.. స్వయంగా స్టాక్​ మార్కెట్​ గురించి మాట్లాడటం ఇప్పుడు హాట్​ టాపిక్​గా మారింది. ఇందుకు సంబంధించిన వీడియో ఒకటి సోషల్​ మీడియాలో వైరల్​గా కూడా మారింది.

ట్రెండింగ్ వార్తలు

స్టాక్​ మార్కెట్​ గురించి ధోనీ న్న మాటలు..

బెంగళూరు వేదికగా ఇటీవలే జరిగిన ఓ కార్యక్రమంలో పాల్గొన్నారు ఎం.ఎస్​ ధోనీ. అనేక మంది స్టాక్​ మార్కెట్​ నిపుణులు సైతం ఆ ఈవెంట్​లో ఉన్నారు. ఈ నేపథ్యంలో స్టాక్​ మార్కెట్​ గురించి మాట్లాడి, తనలోని మరో కోణాన్ని బయటకు తీసుకొచ్చారు ఈ టీమిండియా మాజీ కెప్టెన్​.

Dhoni on stock markets : "గత రెండు రోజులుగా నా పోర్ట్​ఫోలియో 8శాతం పడిపోయిందని, వీరందరు సంతోషంగా ఉన్నారు. 19,300 దగ్గర బలమైన సపోర్ట్​ ఉందని, కచ్చితంగా మార్కెట్​ పైకి వెళుతుందని వీరు (స్టాక్​ మార్కెట్​ నిపుణులు) చెబుతారు. కానీ ఆ మరుసటి రోజే.. నిఫ్టీ 18,800కి పడిపోయింది," అని ధోనీ అన్న మాటలు ఆ వీడియోలో రికార్డు అయ్యాయి. ధోనీ అన్న మాటలతో ఈవెంట్​లో ఉన్న వారందరు నవ్వుకున్నారు.

ఆ తర్వాత.. ఫ్యూచర్​ అండ్​ ఆప్షన్స్​ గురించి కూడా ధోనీ మాట్లాడినట్టు తెలుస్తోంది.

ఈ వీడియోకు ఇప్పటికే 77వేల వ్యూస్​ వచ్చాయి. 600కుపైగా లైక్స్​ లభించాయి.

Dhoni Viral video : ఇజ్రాయెల్​- పాలస్తీనా యుద్ధం, బాండ్​ మార్కెట్​, ద్రవ్యోల్బణం కారణాలతో గత కొన్ని రోజులుగా.. దేశీయ సూచీలు దారుణంగా పతనమవుతున్నాయి. శుక్రవారం వచ్చిన రిలీఫ్​ ర్యాలీకి ముందు.. నిఫ్టీ 18,800 మార్క్​ని టచ్​ చేసింది.

ఈ విషయాలను ధోనీ ట్రాక్​ చేస్తుండటం ఇప్పుడు హాట్​ టాపిక్​గా మారింది.

MS Dhoni latest news : "మన ధోనీ మంచి ట్రేడర్​ అయ్యే అవకాశాలు కూడా ఉన్నాయి! క్రికెట్​ అయినా, ట్రేడింగ్​ అయినా.. కూల్​గా, టెన్షన్​ పడకుండా ఉండాలి," అని నెటిజన్​ కామెంట్​ చేశారు. "వావ్​! ఆప్షన్స్​పై ధోనీకి ఉన్న జ్ఞానం నన్ను ఆశ్చర్యపరిచింది," అని మరో వ్యక్తి రాసుకొచ్చారు.

సామాజిక మాధ్యమాల్లో వైరల్​గా మారిన ధోనీ కామెంట్స్​ ఇక్కడ చూడండి :

WhatsApp channel