Smart Phone Discounts : ఈ స్మార్ట్ ఫోన్లను రూ.10 వేల కంటే తక్కువకు కొనుగోలు చేయెుచ్చు

మీరు 10 వేల రూపాయల కంటే తక్కువ బడ్జెట్‌‌లో కొత్త ఫోన్ పొందాలని ఆలోచిస్తుంటే ఫ్లిప్‌కార్ట్ సేల్ మీ కోసం అద్భుతమైన ఆఫర్లను అందిస్తుంది. జూలై 25న ముగిసే ఈ సేల్లో బెస్ట్ డీల్ లో రూ.6,999 ప్రారంభ ధరతో మంచి ఫీచర్లు కలిగిన స్మార్ట్ ఫోన్లను కొనుగోలు చేయవచ్చు. ఈ సేల్‌లో స్మార్ట్ ఫోన్లపై బంపర్ బ్యాంక్ ఆఫర్లతో పాటు భారీ క్యాష్ బ్యాక్ ను కూడా అందిస్తోంది. ప్రత్యేకత ఏమిటంటే సేల్ లో ఎక్స్చేంజ్ బోనస్ తో కూడా ఈ స్మార్ట్ ఫోన్లను కొనుగోలు చేయవచ్చు. ఎక్స్ఛేంజ్ ఆఫర్‌లో లభించే డిస్కౌంట్ మీ పాత ఫోన్, బ్రాండ్, కంపెనీ ఎక్స్ఛేంజ్ పాలసీ పరిస్థితిపై ఆధారపడి ఉంటుందని గుర్తుంచుకోండి. ప్రస్తుతానికి ఈ సేల్‌లో ఆఫర్ చేస్తున్న టాప్ 5 డీల్స్ గురించి తెలుసుకుందాం.

మోటరోలా జీ04ఎస్ 4

జీబీ ర్యామ్+ 64 జీబీ స్టోరేజ్ వేరియంట్ ధరను రూ.6,999గా నిర్ణయించారు. ఈ సేల్‌లో 5 శాతం క్యాష్ బ్యాక్‌తో కొనుగోలు చేయవచ్చు. ఈ క్యాష్ బ్యాక్ కోసం మీరు ఫ్లిప్ కార్ట్ యాక్సిస్ బ్యాంక్ కార్డుతో చెల్లించాలి. రూ.247 ప్రారంభ ఈఎంఐతో ఈ ఫోన్ మీ సొంతం చేసుకోవచ్చు. ఎక్స్ఛేంజ్ ఆఫర్‌లో దీని ధరను రూ.4,400 వరకు తగ్గించుకోవచ్చు. ఫీచర్ల విషయానికొస్తే ఈ ఫోన్‌లో 6.6 అంగుళాల హెచ్‌డీ+ డిస్‌ప్లేను కంపెనీ అందిస్తోంది. ఫోన్ ప్రధాన కెమెరా 50 మెగాపిక్సెల్. ఇందులో 5000 ఎంఏహెచ్ బ్యాటరీని అందించారు.

రియల్ మీ సీ63

రియల్మీ సీ63 4 జీబీ ర్యామ్+ 128 జీబీ స్టోరేజ్ వేరియంట్ ధర రూ.8,999గా ఉంది. ఈ సేల్‌లో మీరు ఈ ఫోన్‌ను రూ.8,999 ధరకు కొనుగోలు చేయవచ్చు. ఫ్లిప్ కార్ట్ యాక్సిస్ బ్యాంక్ కార్డుతో చెల్లించే వారికి 5 శాతం క్యాష్ బ్యాక్ లభిస్తుంది. రూ.317 నెలవారీ ఈఎంఐతో ఈ ఫోన్ కొనుగోలు చేయవచ్చు. ఎక్స్ఛేంజ్ ఆఫర్‌లో ఈ ఫోన్ రూ.5,700 వరకు చౌకగా లభిస్తుంది. ఫీచర్ల విషయానికొస్తే, ఈ ఫోన్‌ 5000 ఎంఏహెచ్ బ్యాటరీ, 45 వాట్ ఫాస్ట్ ఛార్జింగ్‌ను కంపెనీ అందిస్తోంది. దీని ప్రధాన కెమెరా 50 మెగాపిక్సెల్.

వివో వై02 వివో ఈ ఫోన్

3 జీబీ ర్యామ్, 32 జీబీ ఇంటర్నల్ స్టోరేజ్‌ను కలిగి ఉంది. యాక్సిస్ బ్యాంక్ కార్డు హోల్డర్లు ఈ ఫోన్ 5శాతం క్యాష్‌బ్యాక్ పొందుతారు. ఈ ఫోన్ ఈఎంఐ రూ.281 నుంచి ప్రారంభమౌతోంది. ఈ వివో ఫోన్లో 6.51 అంగుళాల హెచ్‌డీ+ డిస్‌ప్లే ను అందించారు. ఇందులో 8 మెగాపిక్సెల్ ప్రైమరీ కెమెరాను అందించారు. మీడియాటెక్ పీ22 ప్రాసెసర్‌పై ఈ ఫోన్ పనిచేస్తుంది. ఇందులో 5000 ఎంఏహెచ్ బ్యాటరీని చూడొచ్చు.

శాంసంగ్ గెలాక్సీ ఏ05

4 జీబీ ర్యామ్+ 64 జీబీ స్టోరేజ్ వేరియంట్ ధర రూ.8,499గా ఉంది. ఈ సేల్‌లో రూ.1500 వరకు బ్యాంక్ డిస్కౌంట్‌తో కొనుగోలు చేయవచ్చు. ఫ్లిప్ కార్ట్ యాక్సిస్ బ్యాంక్ కార్డు హోల్డర్లకు 5 శాతం క్యాష్ బ్యాక్ అందిస్తోంది. ఈ ఫోన్ రూ.299 ఈఎంఐతో మీ సొంతం చేసుకోవచ్చు. ఫీచర్ల విషయానికొస్తే ఈ ఫోన్లో 6.7 అంగుళాల ఫుల్ హెచ్డీ+ డిస్ప్లేను చూడొచ్చు. దీని ప్రధాన కెమెరా 50 మెగాపిక్సెల్. సెల్ఫీల కోసం కంపెనీ 8 మెగాపిక్సెల్ ఫ్రంట్ కెమెరాను అందిస్తోంది. ప్రాసెసర్ గా ఈ ఫోన్ లో మీడియాటెక్ హీలియో జీ85 చిప్ సెట్ ఉంది.

రెడ్‌మీ 13సీ

6 జీబీ ర్యామ్ , 128 జీబీ స్టోరేజ్ వేరియంట్ ధర రూ.8,499గా ఉంది. ఫ్లిప్ కార్ట్ యాక్సిస్ బ్యాంక్ కార్డుదారులకు 5 శాతం క్యాష్ బ్యాక్ తో ఈ ఫోన్ ను అందిస్తున్నారు. ఈ ఫోన్ ఈఎంఐ రూ.299 నుంచి ప్రారంభమౌతోంది. ఎక్స్ఛేంజ్ ఆఫర్‌లో దీని ధరను రూ.5,600 వరకు తగ్గించుకోవచ్చు. ఈ ఫోన్‌లో 6.74 అంగుళాల హెచ్‌డీ+ డిస్‌ప్లేను అందించారు. దీని ప్రధాన కెమెరా 50 మెగాపిక్సెల్. ఈ ఫోన్ బ్యాటరీ సామర్థ్యం 5000 ఎంఏహెచ్‌గా ఉంది.