6000ఎంఏహెచ్​ బ్యాటరీతో ఐక్యూ కొత్త స్మార్ట్​ఫోన్​- ధర రూ.10,000 లోపే!

ఐక్యూ సంస్థ నుంచి ఒక కొత్త బడ్జెట్​ ఫ్రెండ్లీ స్మార్ట్​ఫోన్​ లాంచ్​కు రెడీ అవుతోంది. దాని పేరూ ఐక్యూ జెడ్​10 లైట్​. ఇదొక 5జీ స్మార్ట్​ఫోన్​. ఈ ఫోన్​ జూన్​ 18న ఇండియాలో లాంచ్​ అవుతుందని ఐక్యూ సంస్థ ఇప్పటికే స్పష్టం చేసింది. లాంచ్​ తర్వాత ఈ ఐక్యూ జెడ్​10 లైట్​.. ఇప్పటికే అందుబాటులో ఉన్న జెడ్​10, జెడ్​10ఎక్స్​ మోడల్స్​తో కూడిన జెడ్​10 సిరీస్​లో చేరుతుంది. ఈ నేపథ్యంలో ఈ గ్యాడ్జెట్​కి సంబంధించి ఇప్పటివరకు ఉన్న వివరాలను ఇక్కడ తెలుసుకోండి..

ఐక్యూ జెడ్​10 లైట్​- బెస్ట్​ బడ్జెట్​ ఫ్రెండ్లీ స్మార్ట్​ఫోన్​?

Z10 లైట్ 5Gలో 6,000ఎంఏహెచ్​ బ్యాటరీ ఉంటుందని, ఇది దాని విభాగంలోనే అతిపెద్దదని ఐక్యూ ఒక సోషల్​ మీడియా పోస్ట్​ ద్వారా వెల్లడించింది. అమెజాన్ ఇండియాలో ఈ ఫోన్ కోసం ఒక మైక్రోసైట్ కూడా లైవ్ అయింది. ఇది ప్లాట్‌ఫామ్‌లో స్మార్ట్​ఫోన్​ లభ్యతను ధృవీకరిస్తుంది.

ఈ స్మార్ట్‌ఫోన్ ధర రూ. 10,000 లోపు ఉంటుందని ఐక్యూ సూచించింది (ఇంకా ధ్రువీకరించలేదు). ఇది ఎంట్రీ-లెవల్ విభాగంలో ఒక ఆకర్షణీయమైన 5జీ ఆఫరింగ్‌గా నిలుస్తుంది. ఇప్పటికే విపరీతమై పోటీ ఉన్న బడ్జెట్​ ఫ్రెండ్లీ స్మార్ట్​ఫోన్​ సెగ్మెంట్​లో ఈ ధర జెడ్​10 లైట్‌కు ఎడ్జ్​ని ఇవ్వగలదని అంచనాలు మొదలయ్యాయి! ముఖ్యంగా మంచి బ్యాటరీ లైఫ్, 5జీ కనెక్టివిటీ కోరుకునే బడ్జెట్​ ఫ్రెండ్లీ వినియోగదారుల మధ్య ఇది ప్రసిద్ధి చెందే అవకాశం ఉంది.

• రూ. 10వేల లోపు బెస్ట్​ బ్రాండెడ్​ స్మార్ట్​ఫోన్స్​ లిస్ట్​ కోసం ఇక్కడ క్లిక్​ చేయండి.

డిజైన్ విషయానికొస్తే.. జెడ్​10 లైట్ రేర్​ ప్యానెల్ అప్పర్​ లెఫ్ట్​ ఎడ్జ్​లో పిల్​ షేప్​ మాడ్యూల్‌లో నిలువుగా అమర్చిన డ్యూయల్ రేర్ కెమెరా సెటప్‌ను కలిగి ఉన్నట్లు కనిపిస్తుంది. ఫోన్ పై అంచున స్పీకర్ గ్రిల్, కుడి వైపున స్టాండర్డ్ వాల్యూమ్, పవర్ బటన్​లు కూడా ఉన్నాయి.

ఐక్యూ జెడ్​10 లైట్ అనేది జెడ్​10, జెడ్​10ఎక్స్​ మోడళ్లకు ఒక టోన్-డౌన్ వేరియంట్ కావచ్చు. జెడ్​10, జెడ్​10ఎక్స్​ మోడల్స్ వరుసగా మీడియాటెక్ డైమెన్సిటీ 7300, స్నాప్‌డ్రాగన్ 7ఎస్​ జెన్ 3 చిప్‌సెట్‌లతో పనిచేస్తాయి. ఆ మోడల్స్‌లో పెద్ద బ్యాటరీలు (జెడ్​10లో 7,300ఎంఏహెచ్​, Z10ఎక్స్​లో 6,500ఎంఏహెచ్​) ఉంటాయి. అలాగే 50ఎంపీ డ్యూయల్ రేర్ కెమెరాలు, 8ఎంపీ ఫ్రంట్ ఫేసింగ్ సెన్సార్లతో వస్తాయి.

• రూ. 15వేల లోపు ధరలో బెస్ట్​ బ్రాండెడ్​ స్మార్ట్​ఫోన్స్​ లిస్ట్​ కోసం ఇక్కడ క్లిక్​ చేయండి.

జెడ్​10 లైట్ పూర్తి స్పెసిఫికేషన్లపై ఇంకా క్లారిటీ లేదు. అయితే, అధికారిక ఆవిష్కరణకు ముందు మరిన్ని వివరాలు వెల్లడయ్యే అవకాశం ఉంది.

పెద్ద బ్యాటరీ సామర్థ్యం, రూ. 10,000 లోపు ధరతో ఈ ఐక్యూ Z10 లైట్ 5జీ భారతదేశంలో సరసమైన 5జీ స్మార్ట్‌ఫోన్ విభాగంలో గణనీయమైన ప్రభావాన్ని చూపడానికి సిద్ధంగా ఉంది!

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం హెచ్​టీ తెలుగు వాట్సాప్​ ఛానెల్​ని ఫాలో అవ్వండి.