BSNL new plan: రూ.333కే 1300 జీబీ డేటా; ఈ బీఎస్ఎన్ఎల్ ప్లాన్ గురించి తెలుసా?

BSNL new plan: టెలికాం మార్కెట్లో జియో, ఎయిర్ టెల్ లకు గట్టి పోటీని ఇచ్చే లక్ష్యంతో బీఎస్ఎన్ఎల్ మరో కొత్త బ్రాడ్ బ్యాండ్ ప్లాన్ ను తీసుకువచ్చింది. ఈ ప్రభుత్వ యాజమాన్యంలోని టెలికాం ప్రొవైడర్ తన తాజా ప్లాన్ కింద ప్రతి నెలా 1300 జీబీ డేటాను అందిస్తోంది. దేశవ్యాప్తంగా ఇంటర్నెట్ ను ఎక్కువగా వినియోగిస్తున్న కస్టమర్లు లక్ష్యంగా ఈ ప్లాన్ ను తీసుకువచ్చింది. అయితే ఢిల్లీ, ముంబై నగరాల్లో ఈ ప్లాన్ అందుబాటులో లేదు.

భారత్ ఫైబర్ బ్రాడ్ బ్యాండ్ ప్లాన్

వింటర్ బొనాంజా ఆఫర్ గా బీఎస్ఎన్ఎల్ (BSNL new plan) ఈ ఈ కొత్త ప్లాన్ ను తీసుకువచ్చింది. రూ.333తో 1300 జీబీ పొందే ప్లాన్ తెచ్చింది. ఈ సబ్ స్క్రిప్షన్ 25 ఎంబీపీఎస్ వేగంతో 1300 జీబీ డేటా అందిస్తుంది. పరిమితిని చేరుకున్న తర్వాత వినియోగదారులు 4 ఎంబీపీఎస్ తక్కువ వేగంతో ఇంటర్నెట్ ను యాక్సెస్ చేయగలరు. డేటాతో పాటు, ఆఫర్ కాలంలో ల్యాండ్ లైన్ ఉపయోగించి వినియోగదారులు అపరిమిత కాల్స్ చేసుకోవచ్చు.

బిఎస్ఎన్ఎల్ మొబైల్ ప్లాన్ ఆఫర్లు

మొబైల్ వినియోగదారుల కోసం బిఎస్ఎన్ఎల్ రూ .599 ధరతో ప్రత్యేక ప్లాన్ ను ప్రవేశపెట్టింది. ఈ మొబైల్ ప్లాన్ 84 రోజుల పాటు రోజుకు 3 జీబీ హై-స్పీడ్ డేటా (DATA) ను అందిస్తుంది. అంటే, 84 రోజుల్లో వినియోగదారుడు మొత్తం 252 జీబీ డేటా పొందుతాడు. దాంతోపాటు, అపరిమిత కాలింగ్, రోజుకు 100 ఉచిత టెక్స్ట్ సందేశాలు వంటి సౌలభ్యాలు ఉన్నాయి.

డైరెక్ట్-టు-డివైజ్ (D2D)

బిఎస్ఎన్ఎల్ తన కస్టమర్ బేస్ ను మరింత పెంచడానికి డైరెక్ట్-టు-డివైజ్ (D2D) సేవను ప్రారంభించింది. ఈ శాటిలైట్ ఆధారిత సేవ ద్వారా మొబైల్ నెట్ వర్క్ కవరేజ్ లేని ప్రాంతాల్లో కూడా వినియోగదారులు మొబైల్ సేవలను పొందవచ్చు. మొబైల్ నెట్ వర్క్ కవరేజ్ లేని ప్రాంతాల్లోని వారు కాల్స్ చేయడానికి, అత్యవసర పరిస్థితుల్లో ఇంటర్నెట్ ను యాక్సెస్ చేయడానికి ఈ బిఎస్ఎన్ఎల్ (BSNL) డీ 2 డీ సర్వీస్ వీలు కల్పిస్తుంది.