చౌకగా బీఎస్ఎన్ఎల్ ఏడాది ప్లాన్, మరోవైపు జియో నుంచి ఓటీటీ రీఛార్జ్ ప్లాన్స్ వివరాలు

ారత్ సంచార్ నిగమ్ లిమిటెడ్ (బీఎస్ఎన్ఎల్) దేశంలో ప్రభుత్వ యాజమాన్యంలోని టెలికమ్యూనికేషన్ సంస్థ. ఇది చౌకైన రీఛార్జ్ ప్లాన్‌లకు ప్రసిద్ధి చెందింది. ఇటీవలి కాలంలో బీఎస్ఎన్ఎల్ చౌక రీఛార్జ్ ప్లాన్‌ల కారణంగా కస్టమర్లను పెంచుకుంది. చౌకైన రీఛార్జ్ ప్లాన్‌లను సద్వినియోగం చేసుకోవడానికి చాలా మంది తమ నంబర్‌లను బీఎస్ఎన్ఎల్‌కి పోర్ట్ చేస్తున్నారు.

బీఎస్ఎన్ఎల్ రూ.1198 రీఛార్జ్

బీఎస్ఎన్ఎల్ ఇప్పటికే తన వినియోగదారుల కోసం అనేక సరసమైన రీఛార్జ్ ప్లాన్‌లను కలిగి ఉంది. బీఎస్ఎన్ఎల్ చౌకైన వార్షిక రీఛార్జ్ ప్లాన్ గురించి చూద్దాం.. ఈ ప్లాన్‌లో మీకు పూర్తి 1 సంవత్సరం చెల్లుబాటు లభిస్తుంది. ఈ దీర్ఘకాలిక చెల్లుబాటు ప్లాన్ ధర రూ.1200 కంటే తక్కువ. రూ.1198తో రీఛార్జ్ చేసుకోవాలి.

రూ.1198 రీఛార్జ్ ప్లాన్ 12 నెలల పూర్తి చెల్లుబాటుతో వస్తుంది. ప్రతి నెలా మంచి ప్రయోజనాలను అందిస్తుంది. ఈ ప్లాన్‌లో మీరు ప్రతి నెలా 300 ఉచిత కాలింగ్ నిమిషాలు పొందుతారు. ప్రతి నెలా 3జీబీ డేటా.. ప్రతి నెలా 30 ఉచిత ఎస్‌ఎంఎస్‌లు లభిస్తాయి. ఈ ప్లాన్ మీకు నెలకు దాదాపు రూ100కు అందుబాటులో ఉంటుందన్నమాట.

జియో ఓటీటీ ప్లాన్స్

రిలయన్స్ జియో చాలా కాలంగా కస్టమర్లకు అనేక ప్రీపెయిడ్ ప్లాన్లతో రీఛార్జ్ చేసే ప్రయోజనాన్ని అందిస్తోంది. ఎంపిక చేసిన ప్లాన్లతో కస్టమర్లకు ఓటీటీ సేవలకు ఉచిత యాక్సెస్ కూడా లభిస్తుంది. అదనపు డేటాతో ఓటీటీని ఆస్వాదిస్తున్న ఇలాంటి ప్లాన్ల గురించి చూద్దాం.. జియో పలు పాపులర్ ప్లాట్‌ఫామ్‌ల కంటెంట్‌ను వీక్షించే అవకాశాన్ని చందాదారులకు ఇస్తుంది. వేర్వేరు ధరల ప్రకారం ఈ ప్రయోజనాలు అందుబాటులో ఉన్నాయి.

రూ.175 ప్లాన్

రూ.175 ప్లాన్ వాలిడిటీ 28 రోజులు. ఇందులో మొత్తం 10 జీబీ అదనపు డేటాను అందిస్తున్నారు. సోనీలైవ్, జీ5, లయన్స్గేట్ ప్లే, డిస్కవరీప్లస్, సన్ఎన్ఎక్స్టీ, ప్లానెట్ మరాఠీ, చౌపాల్, హోయిచోయ్, కంచా లాన్కా సహా 10 ఓటీటీ ప్లాట్‌ఫామ్ కంటెంట్‌ను అందిస్తోంది.

రూ.100 జియో ప్లాన్

ఇండియన్ ప్రీమియర్ లీగ్(ఐపీఎల్) చూడటానికి ఓటీటీ ప్రయోజనాన్ని మీరు కోరుకుంటే ఈ ప్లాన్ జియో హాట్‌స్టార్‌ను 90 రోజుల పాటు చౌకగా యాక్సెస్ చేస్తుంది. ఈ సబ్ స్క్రిప్షన్‌ను 90 రోజుల పాటు ఇస్తారు. 90 రోజుల వ్యాలిడిటీతో 5 జీబీ అదనపు డేటా లభిస్తుంది.