Brezza CNG vs Brezza petrol : బ్రెజా సీఎన్జీ వర్సెస్ పెట్రోల్ వేరియంట్.. ఏది కొంటే బెటర్?
Brezza CNG vs Brezza petrol : మారుతీ సుజుకీ బ్రెజాలో ఇప్పుడు పెట్రోల్, సీఎన్జీ ఆప్షన్స్ లభిస్తున్నాయి. ఈ నేపథ్యంలో ఈ రెండింటినీ ఓసారి పోల్చి.. ఏది కొంటే బెటర్ అన్నది తెలుసుకుందాము.
Brezza CNG vs Brezza petrol : దేశంలో ఎలక్ట్రిక్ వాహనాలతో పాటు సీఎన్జీ మోడల్స్పైనా దృష్టిపెట్టాయి ఆటోమొబైల్ సంస్థలు. ఈ క్రమంలోనే ఇప్పటికే అనేక మోడల్స్ మార్కెట్లో అందుబాటులోకి వచ్చాయి. ఈ విషయంలో దేశీయ దిగ్గజ ఆటో సంస్థ మారుతీ సుజుకీ ముందువరుసలో ఉంది. ఈ కంపెనీ నుంచి ఇప్పటికే ఏకంగా 14 సీఎన్జీ మోడల్స్ మార్కెట్లో లాంచ్ అయ్యాయి. బెస్ట్ సెల్లింగ్ మోడల్ బ్రెజాకు కూడా సీఎన్జీ వర్షెన్ను ఇటీవలే తీసుకొచ్చింది మారుతీ సుజుకీ. బ్రెజా పెట్రోల్- సీఎన్జీ వేరియంట్లలో ఏది తీసుకోవాలి? అని కస్టమర్లు ఆలోచిస్తున్నాయి. ఈ నేపథ్యంలో ఈ రెండింటినీ పోల్చి చూసి, ఏది కొంటే బెటర్ అన్నది ఇక్కడ తెలుసుకుందాము..
ట్రెండింగ్ వార్తలు
మారుతీ సుజుకీ బ్రెజా సీఎన్జీ వర్సెస్ పెట్రోల్ వేరియంట్- ధర..
Maruti Suzuki Brezza on road price Hyderabad : మారుతీ సుజుకీ బ్రెజా అప్డేటెడ్ వర్షెన్ 2022 జూన్లో లాంచ్ అయ్యింది. ఇది మరింత బోల్డ్గా, మరింత స్టైలిష్గా ఉంది. అప్డేటెడ్ వర్షెన్కు మంచి డిమాండ్కు లభిస్తోంది. లాంచ్ సమయంలో దీని ఎక్స్షోరూం ధర రూ. 8లక్షలు- రూ. 14లక్షల వరకు ఉంది. మేన్యువల్లో టాప్ ఎండ్ మోడల్ ఎక్స్షోరూం ధర రూ. 12.46లక్షలు. కాగా.. బ్రెజాపై పలుమార్లు ప్రైజ్ హైక్ తీసుకుంది మారుతీ సుజుకీ.
ఇక మారుతీ సుజుకీ బ్రెజా ఇటీవలే బయటకొచ్చింది. దీని ప్రారంభ ఎక్స్షోరూం ధర రూ. 9.14లక్షలు. టాప్ ఎండ్ మోడల్ ఎక్స్షోరూం ధర రూ. 12.05లక్షలుగా ఉంది. ఇవన్నీ మేన్యువల్ వేరియంట్లే.
బ్రెజా సీఎన్జీ వేరియంట్స్- ఎక్స్షోరూం ధరలు
Maruti Suzuki Brezza CNG on road price : ఎల్ఎక్స్ఐ సీఎన్జీ ఎంటీ- రూ. 9.14లక్షలు
ఎల్ఎక్స్ఐ ఎంటీ- రూ. 8.19లక్షలు
వీఎక్స్ఐ సీఎన్జీ ఎంటీ- రూ. 10.49లక్షలు
వీఎక్స్ఐ ఎంటీ - రూ. 9.54లక్షలు
జెడ్ఎక్స్ఐ సీఎన్జీ ఎంటీ రూ. 11.89లక్షలు
జెడ్ఎక్స్ఐ ఎంటీ - రూ. 10.95లక్షలు
జెడ్ఎక్స్ఐ డ్యూయెల్ టోన్ సీఎన్జీ ఎంటీ- రూ. 12.05లక్షలు
జెడ్ఎక్స్ఐ డ్యూయెల్ టోన్ ఎంటీ- రూ. 11.11లక్షలు
మారుతీ సుజుకీ బ్రెజా సీఎన్జీ వర్సెస్ పెట్రోల్ వేరియంట్- మైలేజ్..
Maruti Suzuki Brezza CNG price : మారుతీ సుజుకీ బ్రెజా పెట్రోల్ మేన్యువల్ వేరియంట్.. లీటరుకు 20.15 కి.మీల మైలేజ్ ఇస్తోంది. అంటే నెలకు 1000 కి.మీల ప్రయాణం చేసేవారు 50లీటర్ల పెట్రోల్ కొట్టించాలి. ప్రస్తుతం హైదరాబాద్లో లీటరు పెట్రోల్ ధర రూ. 109.66. అంటే.. నెలకు సుమారు రూ. 5,500 ఖర్చు అవుతుంది. ఇక బ్రెజా సీఎన్జీ మోడల్.. కిలో ఫ్యూయెల్కు 25.50 కి.మీలు ప్రయాణిస్తుంది. హైదరాబాద్లో సీఎన్జీ ధర రూ. 97గా ఉంది. అంటే.. రూ. 4,850 ఖర్చు అవుతుంది. అయితే.. సీఎన్జీ వాహనాలు కాస్ట్ ఎఫెక్టివ్ అని అంటుంటారు. వాహనాలను నడిపే కొద్ది.. కాస్ట్ ఎకనామిక్స్ తగ్గుతుంటాయి.
* పైన చెప్పిన మైలేజ్.. కంపెనీ వెల్లడించినది. భారత రోడ్ల మీద మైలేజ్లో మార్పులు ఉంటాయన్న విషయం గమనించాలి.
సంబంధిత కథనం