Auto Expo 2025 : నేటి నుంచి ఆటో ఎక్స్​పో- కార్లు, స్కూటర్ల జాతరకు సర్వం సిద్ధం!-bharat mobility global expo 2025 location ticket prices all you need to know ,బిజినెస్ న్యూస్
తెలుగు న్యూస్  /  బిజినెస్  /  Auto Expo 2025 : నేటి నుంచి ఆటో ఎక్స్​పో- కార్లు, స్కూటర్ల జాతరకు సర్వం సిద్ధం!

Auto Expo 2025 : నేటి నుంచి ఆటో ఎక్స్​పో- కార్లు, స్కూటర్ల జాతరకు సర్వం సిద్ధం!

Sharath Chitturi HT Telugu
Jan 17, 2025 07:20 AM IST

Bharat Mobility Global Expo location : నేటి నుంచి జనవరి 22 వరకు ఆటో ఎక్స్​పో 2025 జరగనుంది.- కార్లు, స్కూటర్ల జాతరకు సర్వం సిద్ధమైంది. ఈ నేపథ్యంలో భారత్​ మొబిలిటీ గ్లోబల్​ ఎక్స్​పోకి సంబంధించిన పూర్తి వివరాలను ఇక్కడ తెలుసుకోండి..

దేశంలోనే అతిపెద్ద ఆటోమొబైల్​ ఈవెంట్​ వచ్చేస్తోంది..
దేశంలోనే అతిపెద్ద ఆటోమొబైల్​ ఈవెంట్​ వచ్చేస్తోంది..

దేశంలోనే అతిపెద్ద ఆటోమొబైల్​ ఈవెంట్​కి సమయం ఆసన్నమైంది! దేశ రాజధాని దిల్లీలో భారత్​ మొబిలిటీ గ్లోబల్​ ఎక్స్​పో 2025 నేడు ప్రారంభం కానుంది. రెండేళ్లకి ఒకసారి జరిగే ఈ మెగా ఈవెంట్​.. ఈసారి మరింత గ్రాండ్​గా జరగనుంది. దిగ్గజ బ్రాండ్స్​తో పాటు సరికొత్త ఆటోమొబైల్​ సంస్థలు సరికొత్త మోడల్స్​తో ఈసారి మరింత సందడి చేయనున్నాయి. ఈ నేపథ్యంలో ఈ ఆటో ఎక్స్​పో 2025కి సంబంధించిన పూర్తి వివరాలను ఇక్కడ తెలుసుకుందాము..

yearly horoscope entry point

భారత్​ మొబిలిటీ గ్లోబల్​ ఎక్స్​పో 2025 ఎందుకు?

వివిధ ఆటోమొబైల్​ సంస్థలు ఒక చోట చేరి తమ కొత్త ప్రాడెక్ట్స్​ని, భవిష్యత్తులో లాంచ్​ చేయబోయే మోడల్స్​కి సంబంధించిన వివరాలను పంచుకునే వేదిక ఈ ఆటో ఎక్స్​పో. దిల్లీలోని భారత్ మండపంలో ఈ ఈవెంట్​ జరుగుతుంది. అదే సమయంలో దిల్లీ ద్వారకలోని యషోభూమిలో ఆటో కాంపొనెంట్స్​ ఎక్స్​పో జరుగుతంది. గ్రేటర్​ నోయిడాలోని ఇండియా ఎక్స్​పో సెంటర్​లో భారత్​ కన్​స్ట్రక్షన్​ ఎక్విప్​మెంట్​ ఎక్స్​పో అండ్​ అర్బన్​ మొబిలిటీ- ఇన్​ఫ్రాస్ట్రక్చర్​ షో జరుగుతుంది.

హ్యుందాయ్​ క్రేటా ఈవీ, కియా సైరోస్​, టాటా సియారా ఈవీ, హీరో ఎక్స్​పల్స్​ 210, హోండా యాక్టివా ఈతో పాటు మరెన్నో ఆసక్తికర మోడల్స్​ ఈసారి భారత్​ ఆటో ఎక్స్​పోలో ప్రదర్శనకు వస్తున్నాయి.

ఆటో ఎక్స్​పో ముఖ్యమైన డేట్స్​-

ఆటో ఎక్స్​పో 2025 జనవరి 17 నుంచి జనవరి 22 వరకు జరుగుతుంది. అయితే పబ్లిక్​కి జనవరి 19 నుంచి అనుమతి ఉంటుంది.

  • జనవరి 17- మీడియా డే
  • జనవరి 18- మీడియా అండ్​ డీలర్స్​ డే
  • జనవరి 19- 22 - పబ్లిక్​ డే

ఆటో ఎక్స్​పో 2025 టైమింగ్స్​-

జనవరి 19 నుంచి 22 వరకు ఆటో ఎక్స్​పో 2025 ఉదయం 10 గంటల నుంచి సాయంత్రం 6 గంటల వరకు ఉంటుంది.

ఎంట్రీ ఫీజు-

ఆటో ఎక్స్​పో 2025కి ఎలాంటి ఎంట్రీ ఫీజు లేదు. పబ్లిక్​ డేస్​లో సందర్శకులు ఉచితంగా వెళ్లొచ్చు. అయితే భారత్​ మొబిలిటీ వెబ్​సైట్​లో ముందుగానే రిజిస్టర్​ చేసుకోవాల్సి ఉంటుంది.

ఆటో ఎక్స్​పోకి ఎలా వెళ్లాలి?

ఆటో ఎక్స్​పో కోసం భారత్​ మండపం వద్దకు వెళ్లే సందర్శకులకు సుప్రీం కోర్టు మెట్రో స్టేషన్​ (బ్లూ లైన్​) అతి సమీప ఆప్షన్​. అక్కడి నుంచి కాలి నడకన వెన్యూకు చేరుకోవచ్చు. ఆటో కాంపొనెంట్స్​ ఎక్స్​పోకి వెళుతున్న సందర్శకులు ద్వారకా సెక్టార్​ 25 మెట్రో స్టేషన్​ దగ్గర దిగాల్సి ఉంటుంది. ఇండియా ఎక్స్​పో సెంటర్​ అండ్​ మార్ట్​కి వెళుతున్న వరు పరీ చౌక్​ మెట్రో స్టేషన్​ దగ్గర దిగాలి.

ఆటో ఎక్స్​పో 2025కి సంబంధించిన లేటెస్ట్​ వివరాలను ఎప్పటికప్పుడు మేము మీకు అప్డేట్​ చేస్తాము. హెచ్​టీ తెలుగుని ఫాలో అవ్వండి!

Whats_app_banner

సంబంధిత కథనం