Scam alert : వాట్సాప్​లో వెడ్డింగ్​ కార్డు పంపించి మొత్తం దోచేస్తున్నారు.. జాగ్రత్త!

దేశంలో సైబర్​ నేరాలు రోజురోజుకు పెరిగిపోతున్నాయి! సైబర్​ మోసగాళ్లు రోజుకో కొత్త ప్లాన్​తో ప్రజలను దోచుకుంటున్నారు. తాజాగా ఇలాంటి ఒక కొత్త రకమైన స్కామ్​ వెలుగులోకి వచ్చింది. అదే ‘వెడ్డింగ్​ ఇన్విటేషన్​ స్కామ్​’! పెళ్లి ఆహ్వానం వచ్చిందని మీరు డౌన్​లోడ్​ చేసే ఫైల్​, మీ సున్నితమైన సమాచారాన్ని మోసగాళ్ల చేతుల్లో పెడుతుంది. ఆ తర్వాత మీరు దోపిడీకి గురవుతారు. అసలు విషయం ఏంటంటే..

వెడ్డింగ్ ఇన్విటేషన్ స్కామ్..

స్కామర్లు వాట్సాప్ ద్వారా నకిలీ డిజిటల్ వెడ్డింగ్ ఇన్విటేషన్లను పంపుతున్నారు. ఈ ఆహ్వానాలు తరచుగా ‘ఏపీకే ఫైళ్ల’ రూపంలో, వివాహ ఆహ్వాన పత్రికల రూపంలో వస్తుంటున్నాయి. చూడటానికి ఇవి హానికరంగా కనిపించవు. కానీ యూజర్లు ఈ అనుమానాస్పద ఫైళ్లను డౌన్​లోడ్ చేసుకుని ఓపెన్ చేసినప్పుడు డివైజ్​లలోని సున్నితమైన సమాచారానికి రక్షణ పోతుంది!

ఈ హానికరమైన ఏపీకే ఫైల్స్​ మోసగాళ్లకు ఓటీపీలు, సందేశాలు, బ్యాంకింగ్ యాప్స్​ సహా మీ ఫోన్​లలోని సున్నితమైన సమాచారాన్ని యాక్సెస్ చేస్తుంది.

ఫేక్​ లోన్​ ఆఫర్స్​, లాటరీ సందేశాలు లేదా మీ దృష్టిని ఆకర్షించడానికి రూపొందించిన ఏదైనా ఇతర పథకాల కోసం స్కామర్లు ఇలాంటి వ్యూహాలను ఉపయోగించవచ్చు.

వీటి లక్ష్యం ఒక్కటే- హానికరమైన ఏపీకే ఫైలును డౌన్​లోడ్ చేయించడం, ఇన్​స్టాల్ చేయించడం, మిమ్మల్ని మోసం చేయడం.

అధికారుల హెచ్చరిక..

ఈ వాట్సాప్​ వెడ్డింగ్​ ఇన్విటేషన్​ స్కామ్​పై హిమాచల్ ప్రదేశ్ పోలీసులు హెచ్చరికలు జారీ చేశారు. విశ్వసనీయత లేని వారి నుంచి వచ్చిన ఫైళ్లను డౌన్​లోడ్ చేయవద్దని వారు సూచించారు. ఏపీకే ఫైళ్లతో సంబంధం ఉన్న ప్రమాదాలను నొక్కి చెప్పారు.

మిమ్మల్ని మీరు రక్షించుకోవడానికి: మీ పరికరాన్ని తాజా సాఫ్ట్​వేర్, భద్రతాపరమైన అప్డేట్స్​తో అప్​గ్రేడ్​ చేసుకోండి. అదనపు భద్రత కోసం టూ-ఫ్యాక్టర్ ఆథెంటికేషన్​ని ప్రారంభించడం.

ఈ టిప్స్​ పాటించండి..

• ఫైల్ టైప్స్​తో జాగ్రత్తగా ఉండండి: నిజమైన వివాహ ఆహ్వాన పత్రికను ఏపీకే ఫైల్​గా పంపే అవకాశం లేదు. వీడియో లేదా పీడీఎఫ్ ఫైల్ మాత్రే ఉంటుంది. ఫైల్​ని తెరవడానికి ముందు ఎల్లప్పుడూ తనిఖీ చేయండి.
• విశ్వసనీయ సోర్స్​కి కట్టుబడి ఉండండి: వివాహ ఆహ్వానాలు సాధారణంగా తెలిసిన పరిచయాల ద్వారా వస్తాయి. మీకు తెలియని నంబర్ నుంచి ఆహ్వానం అందితే, జాగ్రత్తగా ముందుకు సాగండి.
• తెలియని వారి నుంచి వచ్చిన అప్లికేషన్ ఇన్​స్టలేషన్​లను నిలిపివేయండి: మీ ఆండ్రాయిడ్ పరికరంలో ఈ ఫీచర్​ను ఆఫ్ చేయండి. ఇది మిమ్మల్ని రక్షించడానికి రూపొందించిన అంతర్నిర్మిత భద్రతా చర్య.
• మీ ఫోన్​ను అప్​డేట్ చేసుకోండి: దోపిడీ ప్రమాదాన్ని తగ్గించడానికి మీ పరికరంలో తాజా భద్రతా ప్యాచ్​లు ఉన్నాయని నిర్ధారించుకోండి.