Best smartphone under 15000 : రూ. 15వేల బడ్జెట్​లో వివో కొత్త స్మార్ట్​ఫోన్​- సూపర్​ అంతే!

రూ. 15వేల బడ్జెట్​లోపు ఫీచర్​ లోడెడ్​ స్మార్ట్​ఫోన్ కొనాలని ప్లాన్​ చేస్తున్నారా? అయితే ఇది మీకోసమే. వై29 5జీ పేరుతో సరికొత్త స్మార్ట్​ఫోన్​ని వివో సంస్థ భారతీయులకు తాజాగా పరిచయం చేసింది. ఈ స్మార్ట్​ఫోన్​ ఫీచర్స్​, ధర వంటి వివరాలను ఇక్కడ తెలుసుకోండి..

వివో వై29 5జీ- ఫీచర్లు..

వివో వై29 5జీ 120 హెర్ట్జ్ రిఫ్రెష్ రేట్, 1000 నిట్స్ పీక్ బ్రైట్​నెస్​తో 6.68 ఇంచ్​ ఎల్​సీడీ డిస్​ప్లేను కలిగి ఉంది. ఈ స్మార్ట్​ఫోన్​కి ఎస్​జీఎస్ సర్టిఫికేషన్ లభించింది. ఇది దాని మిలిటరీ-గ్రేడ్ ఇంపాక్ట్ రెసిస్టెన్స్​ని సూచిస్తుంది. డస్ట్​ అండ్​ వాటర్​ రెసిస్టెన్స్​ కోసం ఐపీ64 రేటింగ్​తో వస్తుంది. ఈ స్మార్ట్​ఫోన్​లో 300% వాల్యూమ్ బూస్ట్​తో డ్యూయల్ స్టీరియో స్పీకర్లు ఉన్నాయి. ఇది స్పష్టమైన సౌండ్ క్వాలిటీని అందిస్తుంది.

వివో వై29 5జీ స్మార్ట్​ఫోన్​లో మీడియాటెక్ డైమెన్సిటీ 6300 ప్రాసెసర్, 8 జీబీ ర్యామ్, 256 జీబీ ఇంటర్నల్ స్టోరేజ్ ఉన్నాయి. ఇందులో 50 మెగాపిక్సెల్ ప్రైమరీ కెమెరాతో కూడిన డ్యూయల్ కెమెరా సెటప్ ఉంది. ఏఐ నైట్ మోడ్, సీన్ మోడ్స్, ఏఐ ఫోటో ఎన్​హాన్స్​మెంట్, ఏఐ ఎరేజ్ వంటి పలు ఏఐ ఆధారిత కెమెరా ఫీచర్లను ఇందులో అందిస్తోంది దిగ్గజ సంస్థ వివో. సెల్ఫీల కోసం ముందువైపు 8 మెగాపిక్సెల్ కెమెరాను అందించింది. 44వాట్ ఫాస్ట్ ఛార్జింగ్ సపోర్ట్​తో 5500 ఎంఏహెచ్ బ్యాటరీని ఇందులో ఇచ్చింది. ఇది 19.7 గంటల యూట్యూబ్ ప్లేబ్యాక్ సమయాన్ని అందిస్తుంది.

ఈ వివో వై29 5జీ బడ్జెట్ రేంజ్​ స్మార్ట్​ఫోన్ కొనాలని చూసే వారిని ఆకట్టుకుంటుంది. ఆండ్రాయిడ్ 14 ఆధారిత ఫన్​టచ్ ఓఎస్ 14 ఆపరేటింగ్ సిస్టంపై వివో వై29 పనిచేస్తుంది.

వివో వై29 5జీ- ధర..

వివో వై29 5జీ 3 కలర్ ఆప్షన్లలో లభిస్తుంది: గ్లేసియర్ బ్లూ, టైటానియం గోల్డ్, డైమండ్ బ్లాక్. 4జీబీ+128జీబీ స్టోరేజ్ వేరియంట్ ధరను రూ.13,999గా నిర్ణయించింది సంస్థ. 6 జీబీ/128 జీబీ, 8 జీబీ/128 జీబీ, 8 జీబీ/256 జీబీ స్టోరేజ్ ఆప్షన్లు వరుసగా రూ.15,499, రూ.16,999, రూ.18,999 ధరకు లభిస్తున్నాయి. వివో వై29 5జీ వివో ఆన్​లై స్టోర్ నుంచి కొనుగోలు చేయడానికి అందుబాటులో ఉంది.

వివో ఎక్స్​200 ప్రోని చెక్​ చేశారా..?

వివో ఎక్స్​200 సిరీస్​ని ఈ నెల 12న లాంచ్​ చేసింది దిగ్గజ స్మార్ట్​ఫోన్​ తయారీ సంస్థ. ఇందులో వివో ఎక్స్​200, ఎక్స్​200 ప్రో గ్యాడ్జెట్స్​ ఉన్నాయి.  వీటిల్లో ప్రో200 మోడల్​కి కస్టమర్స్​ నుంచి మంచి ఆసక్తి కనిపిస్తోంది. ఈ నేపథ్యంలో ఈ మోడల్​ వివరాలతో పాటు ఎక్స్​100 ప్రోతో పోల్చి చూస్తే ఏది బెస్ట్​? అన్నది తెలుసుకనేందుకు ఇక్కడ క్లిక్​ చేయండి.