స్టూడెంట్స్​కి ఈ మ్యూచువల్​ ఫండ్స్​ బెస్ట్​! నెలకు రూ. 1000 సిప్​ చేసినా కోట్లల్లో రిటర్నులు..

మనం ఎంత సంపాదించామన్నది కాదు.. సంపాదించిన దాన్ని ఎలా ఖర్చు చేస్తున్నాము అనేది ముఖ్యం! చాలా మంది లక్షల్లో సంపాదిస్తున్నా, 'ఫైనాన్షియల్​ ప్లానింగ్​' సరిగ్గా లేకపోవడంతో ఆర్థిక ఇబ్బందుల్లో కూరుకుపోతుంటారు. అదే సమయంలో, కొందరు తక్కువ సంపాదిస్తున్నా, సరైన రూల్స్​- ఇన్వెస్ట్​మెంట్​ ప్లాన్స్​ని పాటించి జీవితంలో ఫైనాన్షియల్​ ఫ్రీడంని సంపాదించుకుంటున్నారు. అయితే, ఫైనాన్షియల్​ ప్లానింగ్​ని విద్యార్థి దశ నుంచే అలవాటు చేసుకుంటే చాలా మంచిది! మరీ ముఖ్యంగా విద్యార్థి దశ నుంచి సేవింగ్స్​తో పాటు ఇన్వెస్ట్​మెంట్స్​ ప్లానింగ్​ ఉంటే.. డబ్బు విషయంలో, ఇతరుల కన్నా చాలా వేగంగా ఫైనాన్షియల్​ ఫ్రీడంని సంపాదించుకోవచ్చు. అలా అని, ఉన్న తక్కువ డబ్బులను కూడా ఎక్కడపడితే అక్కడ పెట్టుబడి పెడితే నష్టాలు వస్తాయి. మరి స్టూడెంట్స్​ ఇన్వెస్ట్​ చేయడానికి ఏ మ్యూచువల్​ ఫండ్స్​ బెస్ట్​? ఇక్కడ తెలుసుకోండి..

స్టూడెంట్స్​ ఎందుకు ఇన్వెస్ట్​ చేయాలి?

ఇన్వెస్ట్​మెంట్​ జర్నీని ఎంత ఆలస్యంగా మొదలుపెడితే అంత నష్టపోతాము! అదే చిన్న వయస్సు నుంచే ఇన్వెస్ట్​మెంట్స్​ని అలవాటు చేసుకుంటే ఉద్యోగం వచ్చిన తర్వాత వండర్స్​ క్రియేట్​ చేయొచ్చు. పాకెట్​ మనీ, ఫ్రీలాన్స్​ వంటి వాటి ద్వారా వచ్చే డబ్బుల్లో కొంత సేవ్​ చేసి ఇన్వెస్ట్​ చేస్తే.. భవిష్యత్తులో అద్భుత రిటర్నులు చూస్తారు.

ఇక్కడ ఒక విషయాన్ని గుర్తుపెట్టుకోవాలి. స్టూడెంట్​ లైఫ్​లో సేవింగ్స్​ కన్నా ఖర్చులే ఎక్కువ ఉంటాయి. అందుకే ఉన్న సేవింగ్స్​ని 'రిస్క్​' చేయడం మంచిది కాదు. కాస్త సేఫ్​గా ఉండే చోట ఇన్వెస్ట్​ చేస్తే బెటర్​. స్టాక్​ మార్కెట్​లో రిస్క్​ ఎక్కువ ఉంటుంది కాబట్టి.. విద్యార్థులు ట్రేడింగ్​కి, డైరక్ట్​ స్టాక్స్​లో ఇన్వెస్ట్​మెంట్​కి దూరంగా ఉండాలని నిపుణులు సూచిస్తుంటారు. అందుకే స్టూడెంట్స్​కి మ్యూచువల్​ ఫండ్స్​ మంచి ఆప్షన్​! వీటిల్లోనూ రిస్క్​ ఉన్నప్పటికీ.. డైరక్ట్​ స్టాక్స్​తో పోల్చితే అది చాలా చాలా తక్కువ. అంతేకాదు, ఆ రిస్క్​ని మరింత తగ్గించేందుకు విద్యార్థులు "ఇండెక్స్​ మ్యూచువల్​ ఫండ్స్​లో" పెట్టుబడి పెట్టడం బెటర్.

అసలేంటి ఈ ఇండెక్స్​ మ్యూచువల్​ ఫండ్స్​?

మ్యూచువల్​ ఫండ్స్​లో చాలా రకాలు ఉంటాయి. వాటిల్లో ఈ ఇండెక్స్​ మ్యూచువల్​ ఫండ్స్​ ఒకటి. నిఫ్టీ50, బ్యాంక్​ నిప్టీ వంటి బెంచ్​మార్క్​ ఇండెక్స్​లలో ఇన్వెస్ట్​ చేయడాన్ని ఇండెక్స్​ మ్యూచువల్​ ఫండ్స్​ అంటారు. ఇవి యాక్టివ్​ ఫండ్స్​ కావు. ఇవి పాసివ్​ ఫండ్స్​. ఫలితంగా రిస్క్​ తక్కువగా ఉంటుంది.

ఒక్క మాటలో చెప్పాలంటే ఈ ఇండెక్స్​ మ్యూచువల్​ ఫండ్స్​ అనేవి.. లో-రిస్క్​ బ్యాంక్​ ఎఫ్​డీలు!

ఉదాహరణకు నిఫ్టీ50లో 50 స్టాక్స్​ ఉంటాయి. ఇవన్నీ లార్జ్​ క్యాప్​ స్టాక్సే! వీటిల్లో రిస్క్​ చాలా తక్కువగా ఉంటుంది. ఇక నిఫ్టీ50 ఇండెక్స్​ ఫండ్స్​లో ఇన్వెస్ట్​ చేయడం అనేది.. రిస్క్​ తక్కువగా ఉన్న లార్జ్​ క్యాప్​ స్టాక్స్​లో పెట్టుబడి పెట్టడం.

పైగా ఇండియాలో ఈ లార్జ్​ క్యాప్​ స్టాక్స్​ గత కొంతకాలంగా అండర్​-పర్ఫామ్​ చేస్తున్నాయి. ఇక ఇటీవలి స్టాక్​ మార్కెట్​ ఫాల్​లో ఇవి మరింత పడ్డాయి. ఫలితంగా, వీటిల్లో ఇన్వెస్ట్​మెంట్​కి ఇదే సరైన సమయం అని నిపుణులు చెబుతున్నారు.

ఇండెక్స్​ మ్యూచువల్​ ఫండ్స్​ సిప్​తో కోట్లు..!

స్టాక్​ మార్కెట్​లో ఈ ఇండెక్స్​ మ్యూచువల్​ ఫండ్స్​ దీర్ఘకాలంలో సగటున 12శాతం రిటర్నులు ఇచ్చాయి. దీనిని స్టాండర్డ్​గా పరిగణించి.. నెలకు రూ. 1000 సిప్​ (సిస్టెమాటిక్​ ఇన్వెస్ట్​మెంట్​ ప్లానింగ్​) చేస్తే ఏమవుతుందో ఇక్కడ చూద్దాము..

ఇండెక్స్​ మ్యూచువల్​ ఫండ్స్​లో మీరు 20ఏళ్ల వయస్సులో నెలకు రూ. 1000 సిప్​ ప్రారంభించారనుకుందాము. మీ రిటైర్మెంట్​ వయస్సు (60ఏళ్లు) వచ్చేసరికి, అంటే 40ఏళ్ల ఇన్వెస్ట్​మెంట్​ కాల వ్యవధిలో 12శాతం రిటర్నుల అంచనాతో మీ పెట్టుబడి మొత్తం వాల్యూ రూ. 1,18,82,420 అవుతుంది.

పదేళ్ల ఆలస్యంగా, అంటే 30ఏళ్ల వయస్సులో మీరు రూ.2వేల ఇన్వెస్ట్​మెంట్​ ప్రారంభించినా.. రిటైర్మెంట్​ టైమ్​కి మీరు రూ. కోటి సంపాదించలేరు! 30ఏళ్ల ఇన్వెస్ట్​మెంట్​ క్లాల వ్యవధిలో 12శాతం రిటర్నులతో మీ వాల్యూ రూ. 70,59,828 మాత్రమే అవుతుంది!

తక్కువ వయస్సులో ఇన్వెస్ట్​మెంట్​ జర్నీని ప్రారంభిస్తే కలిగే ప్రయోజనం ఇదే! ఇన్వెస్ట్​మెంట్​కి డబ్బులు కాదు, వయస్సు ముఖ్యం. ఎంత తక్కువ డబ్బుతో అయినా ప్రారంభించవచ్చు. కానీ తొందరగా స్టార్ట్​ చేయాలి.

అదే మీరు 20ఏళ్ల వయస్సులో, ఇండెక్స్​ ఫండ్స్​లో నెలకు రూ. 1000 సిప్​ ప్రారంభించి, దానిని ప్రతియేటా 10శాతం పెంచుకుంటూ వేళితే.. 40ఏళ్ల తర్వాత (అంటే మీ రిటైర్మెంట్​ సమయానికి) మీ ఇన్వెస్ట్​మెంట్​ వాల్యూ ఎంత అవుతుందో తెలుసా? రూ. 3,50,44,023!

(గమనిక:- ఇది కేవలం సమాచారం కోసం రూపొందించిన కథనం మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ఇన్వెస్ట్​మెంట్​ని ప్రారంభించే ముందు సెబీ రిజిస్టర్డ్​ ఫైనాన్షియల్​ అడ్వైజర్​ని సంప్రదించడం శ్రేయస్కరం.)