Skoda Kylaq : ఇక రోడ్లపై కొత్త ఫ్యామిలీ ఎస్​యూవీ హవా- స్కోడా కైలాక్​ డెలివరీ షురూ..-best family suv skoda kylaq deliveries begins heres what you need to know ,బిజినెస్ న్యూస్
తెలుగు న్యూస్  /  బిజినెస్  /  Skoda Kylaq : ఇక రోడ్లపై కొత్త ఫ్యామిలీ ఎస్​యూవీ హవా- స్కోడా కైలాక్​ డెలివరీ షురూ..

Skoda Kylaq : ఇక రోడ్లపై కొత్త ఫ్యామిలీ ఎస్​యూవీ హవా- స్కోడా కైలాక్​ డెలివరీ షురూ..

Sharath Chitturi HT Telugu
Jan 27, 2025 01:12 PM IST

స్కోడా కైలాక్​పై కీలక అప్డేట్​! ఎంతగానో ఎదురుచూస్తున్న ఈ ఫ్యామిలీ ఎస్​యూవీ డెలివరీలు సోమవారం ప్రారంభమయ్యాయి. ఈ నేపథ్యంలో కైలాక్​ పూర్తి వివరాలను ఇక్కడ తెలుసుకోండి..

స్కోడా కైలాక్​ డెలివరీ షురూ..
స్కోడా కైలాక్​ డెలివరీ షురూ..

ఇండియన్​ ఆటోమొబైల్​ మార్కెట్​లోని ఎస్​యూవీ సెగ్మెంట్​లో లేటెస్ట్​ ఎంట్రీ అయిన స్కోడా కైలాక్​పై కీలక అప్డేట్​! ఫ్యామిలీ ఎస్​యూవీగా వస్తున్న స్కోడా కైలాక్​ డెలివరీలు సోమవారం మొదలయ్యాయి. ఈ నేపథ్యంలో ఈ మోడల్​కి సంబంధించిన పూర్తి వివరాలను ఇక్కడ తెలుసుకోండి..

స్కోడా కైలాక్​ ధర..

బేస్ స్పెక్ కైలాక్ ధర రూ .7.89 లక్షలు. ఇది సెగ్మెంట్​లోనే అత్యంత సరసమైన ఆప్షన్స్​లో ఒకటి. టాప్ స్పెక్ స్కోడా కైలాక్ ప్రెస్టీజ్ వేరియంట్ ఆటోమేటిక్ ట్రాన్స్​మిషన్​​ ధర రూ .14.40 లక్షలు. ఇక మాన్యువల్ ట్రాన్స్​మిషన్ వర్షెన్ ధర రూ .13.35 లక్షలు. మిడ్ స్పెక్ సిగ్నేచర్, సిగ్నేచర్ ప్లస్ ధరలు మాన్యువల్ ట్రాన్స్​మిషన్​ ఆప్షన్ రూ.9.59 లక్షలు, రూ.11.40 లక్షలు, ఆటోమేటిక్ ట్రాన్స్​మిషన్​ ఆప్షన్ రూ.10.59 లక్షలు, రూ.12.40 లక్షలుగా ఉన్నాయి. ఇవన్నీ ఎక్స్​షోరూం ధరలను గుర్తుపెట్టుకోవాలి.

స్కోడా కైలాక్: డిజైన్..

కొత్త స్కోడా కైలాక్ బ్రాండ్​ నుంచి వస్తున్న అతిచిన్న ఎస్​యూవీ !మారుతీ సుజుకీ బ్రెజా, టాటా నెక్సాన్, కియా సోనెట్, హ్యుందాయ్​ వెన్యూ వంటి ఎస్​యూవీలకు గట్టి పోటీ ఇవ్వనుంది. కొత్త కైలాక్.. స్కోడా మాడ్రెన్-సాలిడ్ డిజైన్ లాంగ్వేజ్​లో స్ప్లిట్ హెడ్ ల్యాంప్స్, బాక్సీ ప్రొఫైల్, షార్ట్ ఓవర్ హాంగ్​లను కలిగి ఉంది. బటర్​ఫ్లై గ్రిల్ స్టైలిష్​గా ఉంది. ఈ చిన్న ఎస్​యూవీ టాప్ వేరియంట్లలో 17 ఇంచ్​ అల్లాయ్ వీల్స్​ను పొందనుండగా, ఎల్​ఈడీ డీఆర్​ఎల్​లు, హెడ్ ల్యాంప్​లు స్టాండర్డ్ రేంజ్​లో ఉంటాయి.

స్కోడా కైలాక్: ఫీచర్లు..

స్కోడా కైలాక్​లో డిజిటల్ క్లస్టర్, 10.1-ఇంచ్​ సెంట్రల్ టచ్​స్క్రీన్ ఇన్ఫోటైన్​మెంట్ సిస్టెమ్​ వంటివి ఉన్నాయి. ఇది వైర్​లెస్ యాపిల్ కార్ ప్లే, ఆండ్రాయిడ్ ఆటోకి సపోర్ట్​ చేస్తుంది. ఇవి టాప్ వేరియంట్లకు పరిమితం కాగా, ఎంట్రీ లెవల్ వర్షెన్లు 5 ఇంచ్​ టచ్​స్క్రీన్​, సెమీ డిజిటల్ క్లస్టర్​కి పరిమితం కానున్నాయి.

కైలాక్ ఎస్​యూవీ ముందు వరుసకు వెంటిలేషన్​తో కూడిన 6-వే ఎలక్ట్రిక్ సీట్లను కలిగి ఉంది. ఎంచుకున్న వేరియంట్​ను బట్టి సింగిల్, డ్యూయల్-టోన్ క్యాబిన్​ వస్తుంది. క్లాసిక్, సిగ్నేచర్, సిగ్నేచర్ + వివిధ రకాల ఫ్యాబ్రిక్ అప్​హోలిస్ట్రీని కలిగి ఉండగా.. టాప్-స్పెక్ ప్రెస్టీజ్ ట్రిమ్ లెథరెట్ సీట్లను పొందుతుంది. ఈ వేరియంట్​తో పాటు ఎలక్ట్రిక్ సన్​రూఫ్​ను అందించనున్నారు.

కొత్త కైలాక్ ఎస్​యూవీని దేశంలోని కఠినమైన డ్రైవింగ్ పరిస్థితులకు సిద్ధం చేయడానికి 8,00,000 కిలోమీటర్ల భారతీయ భూభాగంలో పరీక్షించినట్లు స్కోడా పేర్కొంది! ఈ కారులో ఆరు ఎయిర్ బ్యాగులు, మల్టీ-కొలిషన్ బ్రేక్, రోల్ఓవర్ ప్రొటెక్షన్, ఎలక్ట్రానిక్ డిఫరెన్షియల్ లాక్, ఈబీడీతో యాంటీ-లాక్ బ్రేక్స్, ఎలక్ట్రానిక్ స్టెబిలిటీ కంట్రోల్ వంటి 25కి పైగా యాక్టివ్- పాసివ్ సేఫ్టీ ఫీచర్లు ఉన్నాయి.

స్కోడా కైలాక్: ఇంజిన్..

ఫ్యామిలీ ఎస్​యూవీగా వస్తున్న స్కోడా కైలాక్ 1.0 లీటర్ మూడు సిలిండర్ల టీఎస్ఐ పెట్రోల్ యూనిట్​తో పనిచేస్తుంది. ఇది స్కోడా కుషాక్​తో సహా ఇతర భారతదేశ 2.0 ప్రాజెక్ట్ కార్లకు ఇంజిన్​గా ఉంటోంది.

కైలాక్​లోని 1.0 లీటర్ పెట్రోల్ ఇంజిన్ గరిష్టంగా 114బీహెచ్​పీ పవర్, 178ఎన్ఎమ్ గరిష్ట టార్క్ ఉత్పత్తి చేస్తుంది. హై ఎండ్ వేరియంట్లలో, ఈ ఇంజిన్.. 6 స్పీడ్ మాన్యువల్ ట్రాన్స్​మిషన్​ లేదా 6 స్పీడ్ ఆటోమేటిక్ ట్రన్స్​మిషన్​తో కనెక్ట్​ చేసి ఉంటుంది. అయితే సబ్ కాంపాక్ట్ ఎస్​యూవీ బేస్ క్లాసిక్ వేరియంట్ మాన్యువల్ ట్రాన్స్​మిషన్​తో మాత్రమే లభిస్తుంది.

ఈ స్కోడా కైలాక్​పై సంస్థ భారీ ఆశలు పెట్టుకుంది. స్కోడా కుషాక్, స్కోడా స్లావియా కార్లు టైర్ -1 నగరాల్లో బ్రాండ్​కి సహాయపడతాయని, కైలాక్​తో టైర్ -2, టైర్ -3 నగరాల్లోనూ మంచి డిమాండ్​ వస్తుందని అంచనా వేస్తోంది.

Whats_app_banner

సంబంధిత కథనం