బెస్ట్​ ఫ్యామిలీ ఎంపీవీ కియా క్యారెన్స్ క్లావిస్ వేరియంట్లు- వాటి ఫీచర్లు..

కియా క్యారెన్స్​ ఎంపీవీకి ప్రీమియం వర్షెన్​గా ఇటీవలే ఇండియా ఆటోమొబైల్​ మార్కెట్​లోకి అడుగుపెట్టింది కియా క్యారెన్స్​ క్లావిస్​. ఈ మోడల్​కి సంబంధించిన బుకింగ్స్​ ఇప్పటికే ప్రారంభమయ్యాయి. రూ. 25వేల టోకెన్​ అమౌంట్​తో మీ సమీపంలోని డిలర్​షిప్​ షోరూమ్​లో కియా క్యారెన్స్​ క్లావిస్​ని బుక్​ చేసుకోవచ్చు. మూడు ఇంజిన్​ ఆప్షన్లు ( 1.5 లీటర్ ఎన్​ఏ పెట్రోల్ (113 బీహెచ్​పీ), 1.5 లీటర్ టర్బో పెట్రోల్ (158 బీహెచ్​పీ), 1.5 లీటర్ డీజిల్ (114 బీహెచ్​పీ), 7 వేరియంట్లలో ఈ ఎంపీవీ అందుబాటులో ఉంది. ఈ నేపథ్యంలో కియా క్యారెన్స్​ క్లావిస్​ వేరియంట్లు, వాటి ఫీచర్స్​ వివరాలను ఇక్కడ తెలుసుకోండి..

కియా క్యారెన్స్ క్లావిస్: హెచ్​టీఈ..

కియా క్యారెన్స్ క్లావిస్ బేస్ వేరియంట్​ పేరు హెచ్​టీఈ. ఎలక్ట్రానిక్ స్టెబిలిటీ కంట్రోల్ (ఈఎస్సీ), వెహికల్ స్టెబిలిటీ మేనేజ్​మెంట్ (వీఎస్ఎం), ఆరు ఎయిర్​బ్యాగులు వంటి ముఖ్యమైన భద్రతా ఫీచర్లు ఈ బేస్​ వేరియంట్​లో ఉన్నాయి. ఈ వేరియంట్​లో ఆల్ వీల్ డిస్క్ బ్రేక్స్, ఏబీఎస్, హిల్-స్టార్ట్ అసిస్ట్ కంట్రోల్, బ్రేక్ అసిస్ట్ సిస్టెమ్, డౌన్ బ్రేక్ కంట్రోల్, టైర్ ప్రెజర్ మానిటరింగ్ సిస్టెమ్ (టీపీఎంఎస్ - హైలైన్) వంటివి ఉన్నాయి. డిజైన్ పరంగా, ఇది మెటల్ ఫినిష్​తో ముందు- వెనుక స్కిడ్ ప్లేట్లు, పెట్రోల్ వేరియంట్ కోసం 15 ఇంచ్​ బ్లాక్ అల్లాయ్ వీల్స్- డీజిల్ వేరియంట్ కోసం 16-ఇంచ్​ స్టీల్ వీల్స్​ను కియా మోటార్స్​ అందిస్తోంది.

కియా క్యారెన్స్​ క్లావిస్​ ఎంపీవీ ఇంటీరియర్.. బ్లాక్ అండ్ బీజ్ డ్యూయెల్-టోన్ థీమ్​తో బ్లాక్ మెటల్ పెయింట్ డ్యాష్​బోర్డ్​తో వస్తుంది. నలుపు, నేవీలో సెమీ లెథర్ సీట్లను ఈ బెస్ట్​ ఫ్యామిలీ ఎంపీవీ కలిగి ఉంది. నాలుగు దశల స్పీడ్ కంట్రోల్​తో కూడిన రెండు, మూడొవ వరుస డిఫ్యూజ్డ్ ఏసీ వెంట్​లు, అన్ని డోర్లకు పవర్ విండోస్, టిల్ట్ అడ్జెస్ట్​తో ఎలక్ట్రిక్ పవర్ స్టీరింగ్, ఫోల్డింగ్ కీ, థెఫ్ట్​ అలారంతో కీలెస్ ఎంట్రీ, రేర్ పార్కింగ్ సెన్సార్లు, ఇంపాక్ట్ సెన్సింగ్ ఆటో డోర్ అన్ లాక్, మాన్యువల్​గా అడ్జెస్టెబుల్ డ్రైవర్ సీట్ హైట్ వంటి సౌకర్యాలు ఉన్నాయి.

రెండొవ వరుస సీటు బ్యాక్ ఫోల్డింగ్ ఆర్మ్​రెస్ట్​ (ఏడు సీట్ల మోడళ్లలో), ఐసోఫిక్స్ చైల్డ్ సీట్ మౌంట్లు, మూడొవ వరుస 50:50 స్ప్లిట్ సీట్లు, రెండొవ వరుస వన్-టచ్ ఈజీ ఎలక్ట్రిక్ డంబుల్ సీట్లు వంటివి ఉన్నాయి. ఫాలో-మీ-హోమ్ హెడ్ ల్యాంప్స్, రేర్ డోర్ సన్ షేడ్ కర్టెన్లు, మ్యాప్ ల్యాంప్, ఆర్మ్​రెస్ట్, కప్ హోల్డర్స్ తో కూడిన సెంటర్ కన్సోల్, రేర్ ఆక్సిడెంట్ అలర్ట్, డబుల్ డీ-కట్ స్టీరింగ్ వీల్, ఆటో డోర్ లాక్, ఎమర్జెన్సీ స్టాప్ సిగ్నల్, స్పీడ్ సెన్సింగ్ ఆటో లాక్ వంటి అదనపు ఫీచర్లు ఉన్నాయి.

కియా క్యారెన్స్ క్లావిస్: హెచ్​టీఈ (ఓ)

కియా క్యారెన్స్​ క్లావిస్​ హెచ్​టీఈ వేరియంట్ ఆధారంగా రూపొందించిన హెచ్​టీఈ (ఓ) వేరియంట్ అదనపు టెక్, స్టైలింగ్ కోసం ఎక్స్​ట్రా ఫీచర్లను కలిగి ఉంది. షార్క్ ఫిన్ యాంటెనా, రేర్ వ్యూ కెమెరా, స్టీరింగ్​లో అమర్చిన ఆడియో కంట్రోల్స్, వాయిస్ రికగ్నిషన్​తో బ్లూటూత్ వంటి ఫీచర్లు ఇందులో ఉన్నాయి. వైర్లెస్ ఆండ్రాయిడ్ ఆటో, యాపిల్ కార్​ప్లే కంపాటబిలిటీతో కూడిన 8.0 ఇంచ్​ టచ్​స్క్రీన్​ ఇన్ఫోటైన్​మెంట్ సిస్టెమ్ కూడా ఇందులో ఉంది. ఆడియో సిస్టెమ్​ని సిక్స్ స్పీకర్ సెటప్​కు అప్​గ్రేడ్ చేశారు. అంతేకాకుండా, ఈ వేరియంట్ ఆటో లైట్ కంట్రోల్, ఇంటిగ్రేటెడ్ ఎల్​ఈడీ టర్న్ సిగ్నల్​తో ఎలక్ట్రికల్లీ అడ్జెస్టెబుల్​ ఔట్​సైడ్​ మిర్రర్లు, 16-ఇంచ్​ స్టీల్ వీల్స్​ ఈ వేరియంట్​లో ఉన్నాయి.

కియా క్యారెన్స్ క్లావిస్: హెచ్​టీకే

హెచ్​టీకే వేరియంట్ అనేది హెచ్​టీఈ (ఓ) కంటే మరింత కంఫర్ట్ ఓరియెంటెడ్- విజువల్ అప్డేటెడ్​ మోడల్​ అని చెప్పుకోవచ్చు. ఇందులో ఇంటిగ్రేటెడ్ రూఫ్ రైల్స్, లగేజీ ల్యాంప్, ఫుల్లీ ఆటోమేటిక్ ఎయిర్ కండిషనింగ్ ఉన్నాయి. ఫ్రంట్ పార్కింగ్ సెన్సార్లు ఉన్నాయి.

కియా క్యారెన్స్​ క్లావిస్​ హెచ్​టీకే ఇంటీరియర్ నవీకరణలలో బ్లాక్ మెటల్ గార్నిష్, స్టార్ మ్యాప్ ఎల్​ఈడీ డీఆర్ఎల్స్​తో కూడిన డార్క్ మెటల్ పెయింట్ డ్యాష్​బోర్డ్​ ఉంది. ప్రీమియం ఫ్యాబ్రిక్, బ్లాక్ లెథరెట్ కాంబినేషన్ సీట్లతో బ్లాక్ అండ్ బీజ్ డ్యూయెల్ టోన్​లో క్యాబిన్​ని ఫినిష్ చేశారు. మల్టీ-సీట్ బ్యాక్ పాకెట్లు కూడా ఉన్నాయి.

కియా క్యారెన్స్ క్లావిస్: హెచ్​టీకే+

ఈ వేరియంట్ అనేక ఉపయోగకరమైన ఫీచర్లతో హెచ్​టీకేను మరింత మెరుగుపరుస్తుంది. రేర్ డీఫాగర్, క్రూయిజ్ కంట్రోల్, రేర్ వైపర్, వాషర్, పుష్ బటన్ స్టార్ట్, మోషన్ సెన్సార్​తో కూడిన స్మార్ట్ కీ ఉన్నాయి. ఇందులో స్మార్ట్ కీ రిమోట్ ఇంజిన్ స్టార్ట్, శాటిన్ క్రోమ్ బెల్ట్ లైన్ ఉన్నాయి. ఎక్స్​రియర్ స్టార్ మ్యాప్ ఎల్ఈడీ కనెక్టెడ్ టెయిల్ ల్యాంప్స్, డైమండ్ ఫినిష్​తో కియా డిజిటల్ టైగర్ ఫేస్ గ్రిల్​తో ఈ మోడల్​ని మరింత ఎలివేట్ చేసింది ఆటోమొబైల్​ సంస్థ. 7-స్పీడ్ డీసీటీ, ఆటోమేటిక్ ట్రాన్స్​మిషన్​ వంటి నిర్దిష్ట పవర్ట్రెయిన్ల కోసం, ఈ వేరియంట్​లో ఆటో హోల్డ్, మల్టిపుల్ డ్రైవ్ మోడ్లతో ఎలక్ట్రిక్ పార్కింగ్ బ్రేక్ ఉన్నాయి. ఆటో ఫోల్డ్, ఎల్ఈడీ టర్న్ సిగ్నల్​తో ఓఆర్​వీఎంలను ఎలక్ట్రికల్​గా అడ్జెస్ట్ చేసుకోవచ్చు.

కియా క్యారెన్స్ క్లావిస్: హెచ్​టీకే+ (ఓ)

హెచ్​టీకే+ కు అదనంగా, హెచ్​టీకే+ (ఓ) సౌకర్యం, శైలిపై దృష్టి సారించే ఫీచర్లను కలిగి ఉంటుంది. ఆటో హోల్డ్ (డీసీటీ వేరియంట్ల కోసం)తో ఎలక్ట్రిక్ పార్కింగ్ బ్రేక్, మొదటి వరుసకు ఎల్​ఈడీ మ్యాప్ ల్యాంప్స్, రెండొవ- మూడొవ వరుసలకు ఎల్​ఈడీ రూమ్ ల్యాంప్స్, 17-ఇంచ్​ క్రిస్టల్ కట్ డ్యూయెల్-టోన్ అల్లాయ్ వీల్స్ ఉన్నాయి. ఈ వేరియంట్​లో స్కై లైట్ ఎలక్ట్రిక్ సన్​రూఫ్ (టర్బో పెట్రోల్, డీజిల్ వేరియంట్ల కోసం), స్మార్ట్​ఫోన్ వైర్లెస్ ఛార్జర్, స్మార్ట్ కీ రిమోట్ ఇంజిన్ స్టార్ట్ ఉన్నాయి.

కియా క్యారెన్స్ క్లావిస్: హెచ్​టీఎక్స్..

బెస్ట్​ ఫ్యామిలీ ఎంపీవీ కియా క్యారెన్స్​ క్లావిస్​ హెచ్​టీఎక్స్ వేరియంట్ ప్రీమియం ఫీచర్లు, అప్​గ్రేడెడ్ టెక్నాలజీతో సమృద్ధిగా ఉంది. నేవిగేషన్, ఓటీఏ అప్డేట్స్​తో కూడిన 12.25 ఇంచ్​ హెచ్​డీ టచ్​స్క్రీన్​ ఇన్ఫోటైన్​మెంట్ సిస్టెమ్, 12.25 ఇంచ్​ హెచ్​డీ ఇన్​స్ట్రుమెంట్ క్లస్టర్, డ్యూయెల్ కెమెరా స్మార్ట్ డాష్​క్యామ్, 360 డిగ్రీల కెమెరా సిస్టెమ్ ఉన్నాయి.

కియా కనెక్ట్​తో స్మార్ట్ కీ, ఆటో యాంటీ గ్లేర్ రేర్ వ్యూ మిర్రర్ ద్వారా విండోస్ ఆల్-అప్/డౌన్ ఫంక్షనాలిటీని కలిగి ఉంది. డ్యూయెల్-ప్యాన్ పనోరమిక్ సన్​రూఫ్ (టర్బో-పెట్రోల్ వేరియంట్), స్కై లైట్ ఎలక్ట్రిక్ సన్​రూఫ్ (డీజిల్ వేరియంట్), ఎల్ఈడీ పర్సనల్ ల్యాంప్స్, ఏక్యూఐ ఇండికేషన్​తో ఎయిర్ ప్యూరిఫైయర్ ఉన్నాయి. ఇంటీరియర్ ట్రిటాన్ నేవీ- బీజ్ డ్యూయెల్-టోన్ సెమీ-లెథరెట్ సీట్లు, ప్యాడ్ ప్రింట్​తో హై-క్వాలిటీ డ్యాష్​బోర్డ్ గార్నిష్​తో వస్తుంది.

డివైస్ హోల్డర్లతో సీట్​బ్యాక్​ టేబుల్స్, టెంపరేచర్ కంట్రోల్ అండ్ ఇన్ఫోటైన్​మెంట్ స్వాప్ స్విచ్, యూవీ కట్ సోలార్ గ్లాస్ విండోస్, డోర్ గార్నిష్ ఇన్సర్ట్ సైడ్, రెండో వరుసలో కూలింగ్ క్యాన్ హోల్డర్, టిల్టింగ్, టెలిస్కోపింగ్ అడ్జెస్టెబుల్ పవర్ స్టీరింగ్ వంటి సౌకర్యాలు ఉన్నాయి.

కియా క్యారెన్స్ క్లావిస్: హెచ్​టీఎక్స్+

హెచ్​టీఎక్స్+ అనేది కియా క్యారెన్స్​లో టాప్​ ఎండ్​ వేరియంట్. ఇందులో హెచ్​టీఎక్స్​లోని ఫీచర్స్​తో పాటు మరెన్నో ఎలిమెంట్స్​ ఉన్నాయి. ఇందులో ప్యాడిల్ షిఫ్టర్లు (డీసీటీ వేరియంట్ల కోసం), ఫోర్ వే పవర్డ్ డ్రైవర్ సీట్​, వాక్-ఇన్ లివర్, రెయిన్ సెన్సింగ్ వైపర్లు, ఫ్రంట్ వెంటిలేటెడ్ సీట్లు ఉన్నాయి. ఇది డ్యూయెల్ కెమెరాతో స్మార్ట్ డాష్​క్యామ్​ని నిలుపుకుంటుంది. ముందు ప్యాసింజర్ సీటుకు స్లైడింగ్ లివర్​ని సంస్థ ఇచ్చింది. మధ్య వరుసలో ఆరు సీట్ల మోడల్లో స్లైడ్, రెక్లైన్, డంబ్లింగ్ ఫీచర్లతో కెప్టెన్ సీట్లు ఉన్నాయి. ఆడియో సిస్టెమ్​ని ఎనిమిది స్పీకర్ల బోస్ ప్రీమియం సిస్టమ్​కు అప్​గ్రేడ్ చేశారు. కియా లోగో ప్రొజెక్షన్​తో కూడిన పుడిల్ ల్యాంప్స్​ను కూడా వెనుక డోర్లలో చేర్చారు. ఈ ఫీచర్ ప్యాక్డ్ ప్రీమియం మోడల్​ను పూర్తి చేస్తుంది.