రూ. 10లక్షల బడ్జెట్​లోపు ది బెస్ట్​ ఎలక్ట్రిక్​ కార్లు ఇవి- రేంజ్​లో కూడా తోపు!

భారత ఆటోమొబైల్​ మార్కెట్​లో అతి తక్కువ కాలంలోనే ఎలక్ట్రిక్​ వాహనాల సెగ్మెంట్​కు విపరీతమైన డిమాండ్​ పెరిగింది. రోడ్ల మీద ఒకప్పుడు ఒకటి, రెండుగా కనిపించే ఈవీల సంఖ్య ఇప్పుడు బాగా పెరిగింది. అందుకు తగ్గట్టుగానే కొత్త కొత్త మోడల్స్​ని ఆటోమొబైల్​ సంస్థలు లాంచ్​ చేస్తున్నాయి. పైగా, ఎలక్ట్రిక్​ వాహనాల ధరలు ఎప్పటికప్పుడు దిగొస్తున్నాయి కూడా! రూ. 10లక్షల బడ్జెట్​లో ఇప్పుడు దేశంలో మంచి ఎలక్ట్రిక్​ కార్లు అందుబాటులో ఉన్నాయి. మీరు ఒకవేళ ఈవీని తీసుకోవాలని ప్లాన్​ చేస్తుంటే.. ఈ డేట్​ మీకు కచ్చితంగా ఉపయోగపడుతుంది. పూర్తిగా చూడండి..

రూ. 10లక్షల బడ్జెట్​లో ఎలక్ట్రిక్​ కార్లు..

టాటా పంచ్​- టాటా పంచ్ ఈవీ​లో రెండు ప్యాక్​ ఆప్షన్స్​ ఉన్నాయి. ఒకటి 25 కేడబ్ల్యూహెచ్​, ఇంకొకటి 35 కేడబ్ల్యూహెచ్​. 25 కేడబ్ల్యూహెచ్​ బ్యాటరీని ఒక్కసారి ఛార్జ్​ చేస్తే 315 కి.మీ వరకు రేంజ్​ని ఇస్తుంది. 35 కేడబ్ల్యూహెచ్​ బ్యాటరీతో 421 కి.మీ దూరం ప్రయాణించవచ్చు. టాటా పంచ్​ ఈవీ బూట్​ స్పేస్​ 366 లీటర్లు. పవర్​ స్టీరింగ్​, పవర్​ విండోస్​, ఏబీఎస్​, ఈసీ, డ్రైవర్​ ఎయిర్​బ్యాగ్​, ప్యాసింజర్​ ఎయిర్​బ్యాగ్​, ఆటోమెటిక్​ క్లైమేట్​ కంట్రోల్​, అలాయ్​ వీల్స్​ వంటి కీలక ఫీచర్లు ఇందులో ఉన్నాయి. ఈ టాటా ఈవీ ప్రారంభ ఎక్స్​షోరూం ధర రూ. 9.99లక్షలుగా ఉంది.

ఎంజీ కామెట్​ ఈవీ- నగరాల్లో వినియోగానికి ఉపయోగపడే విధంగా రూపొందించిన ఈ ఎంజీ కామెట్​ ఈవీ ఎక్స్​షోరూం ధర రూ. 7.36 లక్షల నుంచి రూ. 9.86 లక్షల వరకు ఉంటుంది. దీని సైజు చాలా చిన్నది. ఇందులో 17.3 కేడబ్ల్యూహెచ్​ బ్యాటరీ ప్యాక్​ ఉంటుంది. దీన్ని ఒక్కసారి ఛార్జ్​ చేస్తే 230 కి.మీ వరకు రేంజ్​ని ఇస్తుందని సంస్థ చెబుతోంది. పవర్​ స్టీరింగ్​, ఏబీఎస్​, పవర్​ విండోస్​, ఏసీ, డ్రైవర్​ ఎయిర్​బ్యాగ్​, ప్యాసింజర్​ ఎయిర్​బ్యాగ్​, ఇంజిన్​ స్టార్ట్​/ స్టాప్​ బటన్​ వంటివి కొన్ని కీలక ఫీచర్లు.

టాటా టియాగో ఈవీ- బడ్జెట్​ ఎలక్ట్రిక్​ కార్ల సెగ్మెంట్​లో టాటా మోటార్స్​కి చెందిన మరో కారు ఈ టాటా టియాగో ఈవీ. దీని ఎక్స్​షోరూం ధర రూ. 7.99లక్షలు. రూ. 11.14లక్షల ఎక్స్​షోరూం ధరకు టాప్​ ఎండ్​ మోడల్​ కూడా వస్తుంది. ఇందులో రెండు బ్యాటరీ ప్యాక్​ ఆప్షన్స్​ ఉన్నాయి. అవి 19.2 కేడబ్ల్యూహెచ్​- 24 కేడబ్ల్యూహెచ్​. మొదటి బ్యాటర్​ని ఒక్కసారి ఛార్జ్​ చేస్తే 250 కి.మీ వరకు రేంజ్​ని ఇస్తుంది. రెండో బ్యాటరీ ఫుల్​ ఛార్జ్​తో 315 కి.మీ వరకు ప్రయాణించగలదు. ఈ ఈవీ బూట్​ స్పేస్​ 240 లీటర్లు. పవర్​ స్టీరింగ్​, పవర్​ విండోస్​, ఏబీఎస్​, ఏసీ, డ్రైవర్​ ఎయిర్​బ్యాగ్​, ప్యాసింజర్​ ఎయిర్​బ్యాగ్​, వీల్​ కవర్స్​, ఆటోమెటిక్​ క్లైమేట్​ కంట్రోల్​ వంటివి కొన్ని కీలక ఫీచర్లుగా ఉన్నాయి.

బెస్ట్​ ఎలక్ట్రిక్​ కార్లు- ఛార్జింగ్​ టైమ్​..

టాటా పంచ్​ ఈవీని 50డీసీ ఛార్జర్​తో 56 నిమిషాలు ఛార్జ్​ చేస్తే 10-80శాతం ఛార్జ్​ అవుతుంది.

ఎంజీ కామెట్​ ఈవీని 7.5 కేడబ్ల్యూతో ఛార్జ్​ చేస్తే 10-100శాతం చేరుకునేందుకు 3 గంటల 5 నిమిషాల సమయం పడుతుంది.

ఇక టాటా టియాగో ఈవీని 7.3 కేడబ్ల్యూతో ఛార్జ్​ చేస్తే 100శాతానికి చేరుకునేందుకు 3 గంటల 6నిమిషాల సమయం పడుతుంది.

ఈ ఎలక్ట్రిక్​ కారు ధర రూ. 5లక్షల లోపే!

వైవ్​ మొబిలిటీ ఈవీ- ఇది కూడా ఒక చిన్న కారు. అంతేకాదు, ఇది భారత దేశ తొలి సోలార్​ ఆధారిత ఎలక్ట్రిక్​ కారు. ఇది మార్కెట్​లో లాంచ్​ అయ్యింది కానీ, ప్రొడక్షన్​- డెలివరీలు ఇంకా మొదలవ్వలేదు. కానీ ఈ ఈవీ కూడా చాలా ఆకర్షణీయంగా ఉంది. డెలివరీలు ప్రారంభమైన తర్వాత ఇతర మోడల్స్​కి ఇది మంచి పోటీ ఇవ్వొచ్చు. ఇందులో 9 కేడబ్ల్యూహెచ్​, 12.6 కేడబ్ల్యూహెచ్​, 18 కేడబ్ల్యూహెచ్​ బ్యాటరీ ప్యాక్స్​ ఉన్నాయ. వీటి రేంజ్​ వరుసగా 125 కి.మీ, 175 కి.మీ, 250 కి.మీ. వీటీ ఎక్స్​షోరూం ధరలు వరుసగా రూ. 3.25 లక్షలు, రూ. 3.99 లక్షలు, రూ. 4.49 లక్షలుగా ఉన్నాయి. ఏసీ, పవర్​ విండోస్​, డ్రైవర్​ ఎయిర్​బ్యాగ్​, టైర్​ ప్రెజర్​ మానిటరింగ్​ సిస్టెమ్​, ల్యాప్​టాప్​ ఛార్జర్​, పార్కింగ్​ సెన్సార్​ వంటి కీలక ఫీచర్లు ఇందులో ఉన్నాయి.