Best smartphones : 20వేల బడ్జెట్​లో ఈ రెండు స్మార్ట్​ఫోన్స్​కి సూపర్​ డిమాండ్​- మరి ఏది కొనాలి?

సరసమైన స్మార్ట్​ఫోన్​ కోసం చూస్తున్నారా? శాంసంగ్ ఇటీవల గెలాక్సీ ఏ16 పేరుతో కొత్త మిడ్ రేంజ్ స్మార్ట్​ఫోన్​ని లాంచ్ చేసింది. అయితే ఆకర్షణీయమైన స్పెసిఫికేషన్లు, ఫీచర్లతో ఈ స్మార్ట్​ఫోన్.. వన్​ప్లస్ నార్డ్ సీఈ4 లైట్​తో పోటీ పడుతోంది. ఈ నేపథ్యంలో ఈ రెండింటినీ పోల్చి, ఏది బెస్ట్​? ఏది వాల్యూ ఫర్​ మనీ? వంటి వివరాలను ఇక్కడ తెలుసుకుందాము..

శాంసంగ్ గెలాక్సీ ఏ16 వర్సెస్ వన్​ప్లస్​ నార్డ్ సీఈ4 లైట్:

డిజైన్- డిస్​ప్లే:శాంసంగ్ గెలాక్సీ ఏ16 మునుపటి మాదిరిగానే ఫ్లాట్ డిజైన్, ట్రిపుల్ కెమెరా సెటప్​ కలిగి ఉంది. ఈ స్మార్ట్​ఫోన్​ 164.4 x 77.9 x 7.9 ఎంఎం కొలతలు, 200 గ్రాముల బరువుతో వస్తుంది. మరోవైపు, వన్​ప్లస్​ నార్డ్ సీఈ4 లైట్ రెండు కెమెరా సెన్సార్లు, ఎల్ఇడి ఫ్లాష్​తో పిల్ ఆకారంలో ఉన్న కెమెరాతో ప్రత్యేకమైన డిజైన్​ని కలిగి ఉంది. రక్షణ కోసం, రెండు స్మార్ట్​ఫోన్స్​ ఐపీ54 రేటింగ్​తో వస్తాయి.

శాంసంగ్​ గెలాక్సీ ఏ16 స్మార్ట్​ఫోన్​లో 6.7 ఇంచ్​ ఫుల్​హెచ్​డీ+ సూపర్ అమోఎల్ఈడీ డిస్​ప్లే, 90 హెర్ట్జ్ రిఫ్రెష్ రేట్, 800నిట్స్ పీక్ బ్రైట్నెస్ ఉన్నాయి. నార్డ్ సీఈ4 లైట్ 6.67 ఇంచ్​ ఫుల్​హెచ్​డీ+ అమోలెడ్ 120 హెర్ట్జ్ రిఫ్రెష్ రేట్, 1200నిట్స్ వరకు బ్రైట్నెస్ కలిగి ఉంది. అందువల్ల, వన్​ప్లస్​ వేగవంతమైన నావిగేషన్ బ్రైట్నెన్​ని అందిస్తుంది, కానీ శాంసంగ్ హెచ్​డీఆర్​ కంటెంట్​ని అందిస్తుంది.

కెమెరా: గెలాక్సీ ఏ16 ట్రిపుల్ కెమెరా సెటప్​ని కలిగి ఉంది. ఇందులో ఇఐఎస్ సపోర్ట్​తో 50 మెగాపిక్సెల్ ప్రధాన కెమెరా, 5 మెగాపిక్సెల్ అల్ట్రావైడ్ కెమెరా,2 మెగాపిక్సెల్ మాక్రో లెన్స్ ఉన్నాయి. మరోవైపు, వన్​ప్లస్​ నార్డ్ సీఈ4 లైట్ డ్యూయెల్ కెమెరా సెటప్​తో వస్తుంది. ఇది 50 మెగాపిక్సెల్ ప్రధాన కెమెరా విత్ ఓఐఎస్- 2 మెగాపిక్సెల్ డెప్త్ సెన్సార్​ని అందిస్తుంది. ముందువైపు శాంసంగ్ 13 మెగాపిక్సెల్ సెల్ఫీ కెమెరాను అందిస్తుండగా, వన్​ప్లస్​ 16 మెగాపిక్సెల్ ఫ్రంట్ కెమెరాను అందిస్తోంది.

పర్ఫార్మెన్స్​, బ్యాటరీ: శాంసంగ్ గెలాక్సీ ఏ16లో మీడియాటెక్ డైమెన్సిటీ 6300 ప్రాసెసర్, 8 జీబీ ర్యామ్, 256 జీబీ వరకు స్టోరేజ్ ఉన్నాయి. వన్​ప్లస్ నార్డ్ సీఈ4 లైట్​లో క్వాల్కమ్ స్నాప్​డ్రాగన్ 695, 8 జీబీ ర్యామ్, 256 జీబీ వరకు స్టోరేజ్ ఉన్నాయి.

ఛార్జింగ్ పరంగా, గెలాక్సీ ఏ16 25 వాట్ ఛార్జింగ్​కు మద్దతు ఇస్తుంది. వన్​ప్లస్ నార్డ్ సీఈ 4 లైట్ 80 వాట్ ఫాస్ట్ ఛార్జింగ్​కు సపోర్ట్​ చేస్తుంది.

ధర: శాంసంగ్ గెలాక్సీ ఏ16 8 జీబీ ర్యామ్ + 128 జిబి స్టోరేజ్ వేరియంట్ ప్రారంభ ధర రూ .18999. వన్​ప్లస్​ నార్డ్ సీఈ4 లైట్ 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.19,999 నుంచి ప్రారంభమవుతోంది.