Budget cars : ధర రూ. 5లక్షలే అని తక్కువ చేయకండి- మిడిల్​ క్లాస్​ వారికి ఈ కార్స్​ బెస్ట్​ ఛాయిస్​!

జీవితంలో ఒక ఇల్లు కొనాలని, సొంతంగా ఒక కారు కొనుక్కోవాలని మిడిల్​ క్లాస్​ ప్రజలు కలలు కంటూ ఉంటారు. కలలను నెరవేర్చేందుకు సంవత్సరాల తరబడి సేవింగ్స్​ చేస్తుంటారు. అయితే, ఇటీవలి కాలంలో ఇండియాలో బడ్జెట్​ ఫ్రెండ్లీ వాహనాలకు కూడా డిమాండ్​ పెరుగుతోంది. ఫలితంగా ఆటోమొబైల్​ సంస్థలు కూడా ఈ సెగ్మెంట్​పై ఫోకస్​ చేస్తున్నాయి. ఈ నేపథ్యంలో రూ. 5లక్షలు, అంతకన్నా తక్కువ ధరకు లభిస్తున్న కొన్ని కార్ల వివరాలను ఇప్పుడు మేము మీకు చెబుతాము. ధర రూ. 5లక్షలే అని తక్కువ చేసి చూసే విధంగా ఇవి అస్సలు ఉండవు! మార్కెట్​లో వీటికి మంచి సేల్స్​ ఉన్నాయి.

రూ. 5లక్షల్లో బెస్ట్​ కారు..

టాటా టియాగో- టాటా మోటార్స్​ నుంచి వచ్చిన అఫార్డిబుల్​ కార్స్​లో ఈ టాటా టియాగో ముందు వరుసలో ఉంటుంది. దాదాపు 10ఏళ్లుగా ఇది మార్కెట్​లో ఉంది. టాటా టియాగో ప్రారంభ ధర రూ. 4.99లక్షలు. టాప్​ ఎండ్​ వేరియంట్​ రూ. 8.45 లక్షల వరకు ఉంటుంది. ఇందులో 1199 సీసీ ఇంజిన్​ ఉంటుంది. సీఎన్జీ, పెట్రోల్​ వేరియంట్స్​లో ఇది అందుబాటులో ఉంది. టాటా టియాగో 19 కేఎంపీఎల్​ నుంచి 20 కేఎంపీఎల్​ వరకు మైలేజ్​ని ఇస్తుంది. చిన్నగా ఉండటంతో టియాగో పార్కింగ్​కి కూడా ఎక్కువ స్పేస్​ అవసరం ఉండదు.

మారుతీ ఆల్టో కే10- చిన్న వాహనాలకు పెట్టింది పేరుగా ఉన్న మారుతీ సుజుకీ సంస్థలో మారుతీ ఆల్టో కే10కి సపరేట్​ ఫ్యాన్​బేస్​ ఉందనే చెప్పుకోవాలి. 15 సంవత్సరాలు గడుస్తున్నా, ఈ మోడల్​కి డిమాండ్​ తగ్గలేదు. ఈ చిన్న కారు ప్రారంభ ధర రూ. 4.23 లక్షలు. టాప్​ ఎండ్​ మోడల్​ ధర రూ. 6.2లక్షల వరకు ఉంటుంది. ఇందులో 998 సీసీ పెట్రోల్​ ఇంజిన్​ ఉంటుంది. పైగా అన్ని వేరియంట్స్​కి సేఫ్టీని పెంచుతూ, 6 ఎయిర్​బ్యాగ్స్​ని స్టాండర్డ్​గా ఇస్తున్నట్టు సంస్థ గత నెలలోనే ప్రకటించింది.

రెనాల్ట్​ క్విడ్​- ఇండియాలో ఎంట్రీ లెవల్​ హ్యాచ్​బ్యాక్​గా రెనాల్ట్​ క్విడ్​కి మంచి గుర్తింపు ఉంది. రెనాల్ట్​కి ఉన్న బెస్ట్​ సెల్లింగ్​ మోడల్స్​లో ఇదొకటి. ఇందులో 999 సీసీ పెట్రోల్​ ఇంజిన్​ ఉంటుంది. దీని ప్రారంభ ధర రూ. 4.70లక్షలు. టాప్​ ఎండ్​ వేరియంట్​ ధర రూ. 6.45లక్షల వరకు ఉంటుంది. రెనాల్ట్​ క్విడ్​ 21.5- 22.3 కేఎంపీఎల్​ మైలేజ్​ ఇస్తుంది. ఇందులో 999 సీసీ పెట్రోల్​ ఇంజిన్​ ఉంటుంది.

మారుతీ సుజుకీ ఎస్​-ప్రెస్సో:- మారుతీ సుజుకీ నుంచి వచ్చిన మరో చిన్న కారు ఈ ఎస్​-ప్రెస్సో. దీని ప్రారంభ ధర రూ. 4.2లక్షలు. టాప్​ ఎండ్​ వేరియంట్​ ధర రూ. 6.12లక్షల వరకు ఉంటుంది. ఇందులో 998 సీసీ ఇంజిన్​ ఉంటుంది. ఈ మోడల్​ 24- 25.3 కేఎంపీఎల్​ మైలేజ్​ ఇస్తుంది.

* పైన చెప్పినవి ఎక్స్​షోరూం ధరలు అని గుర్తుపెట్టుకోవాలి. ఆన్​రోడ్​ ప్రైజ్​ కాస్త ఎక్కువగా ఉంటుంది.

ఏదైనా కారుకు ఎక్స్​షోరూం ధరలను సంస్థ చెబుతుంది. ఆన్​రోడ్​ ప్రైజ్​ వేరుగా ఉంటుంది. వివిధ రాష్ట్రాల్లో ట్యాక్స్​లు వేరువేరుగా ఉండటం ఇందుకు కారణం. ఈ నేపథ్యంలో సమీప డీలర్​షిప్​ షోరూమ్స్​ని సందర్శిస్తే ఆన్​రోడ్​ ప్రైజ్​ వివరాలతో పాటు ఆఫర్స్​, డిస్కౌంట్స్​పై క్లారిటీ వస్తుంది. అవి తెలుసుకుని బడ్జెట్​ని ప్లాన్​ చేసుకుంటే బెస్ట్​. షోరూమ్​కి వెళితే వెహికిల్​ని టెస్ట్​ డ్రైవ్​ కూడా చేయవచ్చు.

ధర రూ. 5లక్షలు కాబట్టి చాలా వరకు ఎంట్రీ లెవల్​ వేరియంట్లు వస్తాయి. హై- ఎండ్​లో వచ్చే అనేక ఫీచర్స్​ ఇందులో ఉండకపోవచ్చు. కాగా, కంఫర్ట్​ కన్నా, ఎక్కువ సేఫ్టీ ఫీచర్స్​ ఉన్న మోడల్స్​ని ఎంచుకోవడం బెటర్​!