Best 5G smartphones : అతి తక్కువ ధరకే ఫీచర్​ లోడెడ్​ 5జీ స్మార్ట్​ఫోన్స్​ ఇవే..

ఈ ఏడాది చాలా ఎంట్రీ లెవల్​ 5జీ స్మార్ట్​ఫోన్స్​ భారత మార్కెట్​లోకి అడుగుపెట్టాయి. సంస్థ పోటీపడి మరీ, తక్కువ ధరకు ఫీచర్​ లోడెడ్​ గ్యాడ్జెట్స్​ని కస్టమర్స్​ కోసం తీసుకొచ్చాయి. ఇది వినియోగదారులకు మంచి విషయం! ఇక ఇప్పుడు రూ. 15వేల బడ్జెట్​లో ది బెస్ట్​, ఫీచర్​ లోడెడ్​ స్మార్ట్​ఫోన్స్​ వివరాలను ఇక్కడ తెలుసుకోండి. మీరు కొనే సమయంలో యూజ్​ అవుతుంది.

రూ. 15వేల బడ్జెట్​లో ది బెస్ట్​ స్మార్ట్​ఫోన్స్​..

ఇన్ఫీనిక్స్ హాట్ 50:- సెప్టెంబర్​లో లాంచ్ అయిన ఇన్ఫీనిక్స్ హాట్ 50లో 5జీ కెపాసిటీ ఉన్న మీడియాటెక్ డైమెన్సిటీ 6300 చిప్​సెట్​తో పాటు 8 జీబీ ర్యామ్, 5000 ఎంఏహెచ్ భారీ బ్యాటరీ ఉన్నాయి. 4 జీబీ ర్యామ్ + 128 జీబీ స్టోరేజ్ వేరియంట్ ధర రూ.10,000 లోపు ఉంది. ఇది స్లీక్ బ్లాక్, వయొలెట్ బ్లూ, డ్రీమీ పర్పుల్, సేజ్ గ్రీన్​తో సహా వివిధ ఫినిషింగ్​లలో ఎంట్రీ లెవల్ 5జీ ఫోన్​గా మంచి అనుభవాన్ని అందిస్తుంది ఈ బడ్జెట్​ స్మార్ట్​ఫోన్​. డిస్​ప్లే 6.7 ఇంచ్​ హెచ్​డీ+ 120 హెర్ట్జ్ ప్యానెల్, చిన్న పంచ్ హోల్, యాపిల్ డైనమిక్ ఐలాండ్​కి పోటీగా డైనమిక్ బార్ వంటి ఫీచర్లు ఇందులో ఉన్నాయి.

నథింగ్ సిఎమ్ఎఫ్ ఫోన్ 1:- సీఎమ్ఎఫ్ అనేది నథింగ్ సబ్-బ్రాండ్. దాని ఫ్లాగ్​షిప్​ మోడళ్ల మాదిరిగానే ఓఎస్ అనుభవాన్ని అందిస్తుంది. ఈ సంవత్సరం ప్రారంభంలో లాంచ్ చేసిన ఈ స్మార్ట్​ఫోన్​​, ఈ జాబితాలోని అన్ని ఫోన్లలో అత్యంత ఆకర్షణీయమైన డిజైన్​ని కలిగి ఉంది. బ్లాక్, ఆరెంజ్, లైట్ గ్రీన్​ సహా అనేక రంగులలో లభించే ఇది మాడ్యులర్ బ్యాక్ ప్యానెల్లను కూడా కలిగి ఉంది. ఆండ్రాయిడ్ 14 ఆపరేటింగ్ సిస్టంపై పనిచేసే ఈ ఓఎస్ ఈ విభాగంలో ఉత్తమమైనది. మీడియాటెక్ డైమెన్సిటీ 7300 చిప్సెట్ (4 ఎన్ఎం చిప్​సెట్), 8 జీబీ ర్యామ్​తో ఈ ఫోన్ పనిచేస్తుంది. రేర్​ కెమెరాల్లో 50 మెగాపిక్సెల్ వైడ్ కెమెరా, 16 మెగాపిక్సెల్ ఫ్రంట్ కెమెరా ఉన్నాయి. డిస్​ప్లే 6.67 ఇంచ్​ సూపర్ అమోలెడ్ ప్యానెల్, 120 హెర్ట్జ్ రిఫ్రెష్ రేట్, 2000 నిట్స్ పీక్ బ్రైట్​నెస్​తో ఉంది. డబ్బు కోసం, ఇది అద్భుతమైన వాల్యూ ఫోన్​. ఇప్పుడు రూ .15,000 కంటే తక్కువ ధరకే లభిస్తోంది.

రెడ్ మీ నోట్ 13 5జీ:- రెడ్ మీ ఫోన్లు డబ్బుకు విలువను అందిస్తాయి. రెడ్​మీ నోట్ 13 కూడా ఇందుకు మినహాయింపేమీ కాదు! రూ.15,000 లోపు ధరలో లభించే ఈ ఫోన్​లలో ఆక్టాకోర్ మీడియాటెక్ డైమెన్సిటీ 6080 చిప్​సెట్, 108 మెగాపిక్సెల్ వైడ్ కెమెరా, 8 మెగాపిక్సెల్ అల్ట్రావైడ్ కెమెరా, 2 మెగాపిక్సెల్ డెప్త్ సెన్సార్​ సహా సాలిడ్ కెమెరా సెటప్ ఉన్నాయి. సెల్ఫీల కోసం ముందువైపు 16 మెగాపిక్సెల్ కెమెరాను అందించారు. 6.67 ఇంచ్​ అమోఎల్ఈడీ డిస్​ప్లే 120 హెర్ట్జ్ రిఫ్రెష్ రేట్​తో ఫుల్ హెచ్​డీ+ రిజల్యూషన్ను అందిస్తుంది. 6 జీబీ ర్యామ్​తో వస్తున్న ఈ ఫోన్ పలు రంగుల్లో అందుబాటులో ఉంది.

మోటరోలా జీ45 5జీ:- ఇందులో 120 హెర్ట్జ్ రిఫ్రెష్ రేట్​తో 6.5 ఇంచ్​ కాంపాక్ట్ డిస్​ప్లేను అందించారు. స్నాప్​డ్రాగన్ 6 జెన్ 3 చిప్​సెట్​తో పనిచేసే ఈ ఫోన్ లో 4 జీబీ ర్యామ్​ను అందించారు. 
వీటిలో ప్రధాన కెమెరా సామర్థ్యం 50 మెగా పిక్సెల్ కాగా, దీంతోపాటు 2 మెగా పిక్సెల్ డెప్త్ సెన్సార్ కూడా ఉంది. 5000 ఎంఏహెచ్ బ్యాటరీ ఫాస్ట్ ఛార్జింగ్​కు సపోర్ట్ చేస్తుంది. ఈ డివైజ్ ప్రీమియం అనుభూతిని కలిగి ఉంది. 

మోటరోలా జీ64 5జీ:- మోటరోలా జీ45 మాదిరిగానే, జీ64 ఎక్కువ ర్యామ్- మెరుగైన బ్యాటరీ సహా అనేక అదనపు ఫీచర్లను అందిస్తుంది. ఇందులో మీడియాటెక్ డైమెన్సిటీ 7025 చిప్​సెట్, 8 జీబీ ర్యామ్, 128 జీబీ స్టోరేజ్ ఉన్నాయి. వీటిలో ప్రధాన కెమెరా సామర్థ్యం 50 మెగా పిక్సెల్ కాగా, దీంతోపాటు 8 మెగా పిక్సెల్ అల్ట్రావైడ్ షూటర్ కూడా ఉంది. సెల్ఫీల కోసం ముందువైపు 16 మెగాపిక్సెల్ కెమెరాను అందించారు. 33వాట్ ఫాస్ట్ ఛార్జింగ్ సపోర్ట్ చేసే 6000 ఎంఏహెచ్ బ్యాటరీని ఇందులో అందించారు.