Condoms sales: 2024 లో ఈ విషయంలోనూ బెంగళూరే టాప్; వెల్లడించిన స్విగ్గీ ఇన్స్టామార్ట్ నివేదిక

Condoms sales: పట్టణ భారతదేశంలో శీఘ్ర-వాణిజ్య రంగం వేగవంతమైన వృద్ధిని చూస్తోంది. వినియోగదారులు తమ ఇంటి నుండి నిత్యావసరాలను ఆర్డర్ చేసే సౌలభ్యానికి ప్రాధాన్యత ఇస్తున్నారు. స్విగ్గీ తన ఇన్స్టామార్ట్ విభాగం వార్షిక డేటాను వెల్లడించింది. అత్యధిక కండోమ్ అమ్మకాలు ఉన్న నగరాల పరంగా బెంగళూరు అగ్రస్థానంలో నిలిచిందని వెల్లడించింది. రాత్రి 10 గంటల నుంచి 11 గంటల మధ్య కండోమ్ ల అమ్మకాలు భారీగా పెరిగాయని స్విగ్గీ వెల్లడించింది.

2024 లో బెంగళూరు ఏమి ఆర్డర్ చేసింది?

తన ఇన్ స్టామార్ట్ లో వచ్చిన ప్రతి 140 ఆర్డర్లలో ఒకటి సెక్సువల్ వెల్నెస్ కు సంబంధించిన ప్రొడక్ట్ అని స్విగ్గీ తన వార్షిక నివేదికలో తెలిపింది. ఈ ఏడాది కండోమ్స్ కోసం అత్యధికంగా ఖర్చు చేసిన వ్యక్తి బెంగళూరుకు చెందినవాడు. కండోమ్స్ తో పాటు మసాలా చిప్స్, కుర్కురేలను కూడా అర్ధరాత్రి సమయంలో బెంగళూరు ప్రజలు ఎక్కువగా ఆర్డర్ చేశారు. రాత్రి 10-11 గంటల మధ్య మసాలా ఫ్లేవర్డ్ చిప్స్, కుర్కురే, ఫ్లేవర్డ్ కండోమ్స్ కు ఆర్డర్డ్స్ అధికంగా వచ్చాయని తెలిపింది.

ఇన్నర్ వేర్ కూడా..

స్విగ్గీ ఇన్స్టామార్ట్ లో ఈ ఏడాది అత్యధిక ఇన్నర్ వేర్ అమ్మకాలు బెంగళూరు నుంచే జరిగాయి. హైదరాబాద్ (hyderabad), ముంబైతో సమానంగా లోదుస్తులను బెంగళూరు ఆర్డర్ చేసిందని తెలిపింది. మరోవైపు, బెంగళూరు ప్రజలు పూజ సామగ్రి, నిత్యావసరాలను కూడా ఎక్కువగా ఆర్డర్ చేశారు. ఇతర నగరాలతో పోలిస్తే దీపావళి వేడుకల సందర్భంగా బెంగళూరు వినియోగదారులు 1.8 రెట్లు అధికంగా మద్యం, షాట్ గ్లాసులను ఆర్డర్ చేశారు. భారతదేశంలో మరే ఇతర నగర ప్రజల కంటే బెంగళూరు ప్రజలు ఎక్కువ టూత్ బ్రష్ లను ఆర్డర్ చేశారు.

బెంగళూరుకు పోటీగా..

స్విగ్గీ ఇన్స్టామార్ట్ లో నిత్యావసరాల ఆర్డర్ విషయంలో హైదరాబాద్, ముంబై, ఢిల్లీ వంటి నగరాలు బెంగళూరు (bengaluru news) కు గట్టి పోటీ ఇచ్చాయి. 2024లో ఎక్కువ మంది ఇష్టపడే ఆహార పదార్థాల డేటాను కూడా స్విగ్గీ వెల్లడించింది. బెంగళూరుకు చెందిన ఓ వ్యక్తి 2024లో పాస్తా కోసం రూ.49,900 ఖర్చు చేసినట్లు ఫుడ్ డెలివరీ దిగ్గజం స్విగ్గీ (SWIGGY) తెలిపింది.