Electric scooter : బజాజ్​ ఆటో నుంచి కొత్త ఎలక్ట్రిక్​ స్కూటర్​! చేతక్​ కన్నా తక్కువ ధరకే..

బజాజ్ ఆటో కొత్త ఎలక్ట్రిక్ స్కూటర్​ని లాంచ్​ చేసేందుకు ప్లాన్​ చేస్తోంది. ఇది ఇండియాలో బెస్ట్​ సెల్లింగ్​ మోడల్​గా కొనసాగుతున్న చేతక్​ ఈ-స్కూటర్​ కన్నా తక్కువ ధర ఉంటుందని సమాచారం. కొత్త బజాజ్ ఎలక్ట్రిక్ స్కూటర్ టెస్ట్ మ్యూల్ ఇప్పటికే పబ్లిక్ రోడ్లపై చక్కర్లు కొట్టింది. ఈ నేపథ్యంలో ఈ మోడల్​పై ఇప్పటివరకు వివరాలను ఇక్కడ తెలుసుకుందాము..

కొత్త ఎలక్ట్రిక్​ స్కూటర్​పై ఆశలు​..

భారతదేశంలోని దాదాపు అన్ని ప్రధాన ఎలక్ట్రిక్ ద్విచక్ర వాహన తయారీదారులు గత కొంతకాలంగా సరసమైన ప్రయాణికుల విభాగంలో తమ ఉత్పత్తులను విడుదల చేస్తున్నారు. ఓలా ఎలక్ట్రిక్, ఏథర్ ఎనర్జీతో పాటు మరికొన్ని ఇప్పటికే ఈ వ్యూహాన్ని అనుసరించాయి. బజాజ్ ఆటో ఒక ప్రధాన ద్విచక్ర వాహన బ్రాండ్. పెరుగుతున్న కమ్యూటర్ ఎలక్ట్రిక్ స్కూటర్ స్పేస్​లో మార్కెట్​ షేరును సాధించాలని లక్ష్యంగా పెట్టుకుంది. ఆ వ్యూహంలో భాగంగా రాబోయే ఈవీ కీలక పాత్ర పోషిస్తుందని భావిస్తున్నారు.

బజాజ్ ఎలక్ట్రిక్ స్కూటర్: డిజైన్..

రాబోయే బజాజ్ ఎలక్ట్రిక్ స్కూటర్​లో చేతక్ లైనప్​లో కనిపించే మాదిరిగానే ఎల్​ఈడీ యూనిట్​తో కూడిన సర్క్యులర్ హెడ్​ల్యాంప్​ ఉండొచ్చు. బజాజ్ చేతక్​లో కనిపించే డ్యూయల్ టెయిల్​లైట్ సెటప్​కు బదులుగా కొత్త ఈ-స్కూటర్​లో సింగిల్-పాడ్ ఎల్ఈడీ టెయిల్​లైట్ ఉంటుంది. ఓవల్ ఆకారంలో వింగ్ మిర్రర్స్​, ఫ్రెంట్ ఫోర్క్ కవర్లను కలిగి ఉంటాయి. ఇది ఈవీకి మరింత ప్రీమియం వైబ్​ని జోడిస్తుంది. రాబోయే ఎలక్ట్రిక్ స్కూటర్ అనేక కనెక్టివిటీ ఆప్షన్స్​తో పాటు ఫుల్లీ డిజిటల్ ఇన్​స్ట్రుమెంట్ క్లస్టర్​ని కలిగి ఉంటుందని ఆశించవచ్చు. ఫ్రెంట్ ఆప్రాన్ హుక్ ఉంటుంది. ఇది చిన్న వస్తువులను తీసుకెళ్లడానికి ఉపయోగపడుతుంది.

బజాజ్ ఎలక్ట్రిక్ స్కూటర్: పర్ఫార్మెన్స్​..

ఈ బజాజ్ ఎలక్ట్రిక్ స్కూటర్​ టాప్​ స్పీడ్​ 50 కిలోమీటర్లు అని తెలుస్తోంది. ఇది ఎలక్ట్రిక్ స్కూటర్ ప్రధానంగా నగరం, చుట్టుపక్కల రోజువారీ ప్రయాణానికి అనుకూలంగా ఉంటుంది. ఈ ఎలక్ట్రిక్ స్కూటర్​లో హబ్-మౌంటెడ్ మోటారును అమర్చే అవకాశం ఉంది. ఇది మిడ్-మౌంటెడ్ మోటారుతో పోలిస్తే చాలా తక్కువ ఖర్చుతో కూడుకున్నది.

బజాజ్ ఎలక్ట్రిక్ స్కూటర్: హార్డ్​వేర్

రాబోయే బజాజ్ ఎలక్ట్రిక్ స్కూటర్ సస్పెన్షన్ డ్యూటీ కోసం ఫ్రంట్ ఫోర్క్స్, డ్యూయల్ రేర్ షాక్ అబ్జార్బర్లతో వస్తుంది. బ్రేకింగ్ కోసం ఈవీలో ఫ్రెంట్ డిస్క్ బ్రేక్, రేర్ డ్రమ్ యూనిట్ ఉంటాయి. ఇది రెండు వైపులా 12 ఇంచ్​ చక్రాలతో వస్తుంది.

ఇక ఈ కొత్త స్కూటర్​ రేంజ్​, ఫీచర్స్​తో పాటు ఇతర వివరాలు రానున్న రోజుల్లో అందుబాటులోకి వచ్చే అవకాశం ఉంది.