Tata Punch price hike : బెస్ట్​ సెల్లింగ్​ టాటా పంచ్​ ధర పెంపు- ఎంతంటే..

Tata Punch on road price in Hyderabad : ఇండియా ఆటోమొబైల్​ మార్కెట్​లో బెస్ట్​ సెల్లింగ్​ ఎస్​యూవీగా ఉన్న టాటా పంచ్​ ధరను పెంచింది టాటా మోటార్స్​. వేరియంట్ల బట్టి.. టాటా పంచ్​పై గరిష్ఠంగా రూ. 17వేల వరకు హైక్​ తీసుకుంది దిగ్గజ ఆటోమొబైల్​ సంస్థ. ఆ వివరాలను ఇక్కడ తెలుసుకుందాము..

పెరిగిన టాటా పంచ్​ ఎస్​యూవీ ధరలు..

టాటా పంచ్​లో నాలుగు వేరియంట్లు ఉన్నాయి. అవి.. ప్యూర్​, అడ్వెంచర్​, అకంప్లీష్​డ్​, క్రియేటివ్​. ఎంట్రీ లేవల్​ టాటా పంచ్​ ప్యూర్​ వేరియంట్​ ధర రూ. 13వేలు పెరిగింది. ఫలితంగా.. టాటా మోటార్స్​కి చెందిన టాటా పంచ్​ ఎస్​యూవీ ప్రారంభ ఎక్స్​షోరూం ధర రూ. 6.13లక్షలకు చేరింది. ఇతర వేరియంట్ల ధరలు గరిష్ఠంగా రూ. 10వేల వరకు పెరిగాయి.

Tata Punch price hike details : టాటా పంచ్​లో సీఎన్​జీ మోడల్​ ఉన్న విషయం తెలిసిందే. తాజాగా.. దాని ధర కూడా పెరిగింది. సీఎన్​జీ మోడల్​పై రూ. 17వేల వరకు ప్రైజ్​ హైక్​ తీసుకుంది టాటా మోటార్స్​.

ధరల పెంపుతో.. టాటా పంచ్​ ఎక్స్​షోరూం ప్రైజ్​ వివరాలు తెలుసుకోవాలనుకునే వారు అధికారిక వెబ్​సైట్​ని లేదా స్థానిక డీలర్​షిప్​ షోరూమ్​ని సందర్శించాల్సి ఉంటుంది.

టాటా పంచ్​ ఎస్​యూవీ విశేషాలు..

Tata Punch price : ఈ టాటా పంచ్​లో మస్క్యులర్​ క్యాంప్​షెల్​ బానెట్​ ఉంటుంది. ఇందులో 1.2 లీటర్​ నేచురల్లీ ఆస్పిరేటెడ్​ పెట్రోల్​ ఇంజిన్​ ఉంది. ఇది.. 84 హెచ్​పీ పవర్​ని, 113 ఎన్​ఎం టార్క్​ని జనరేట్​ చేస్తుంది. సీఎన్​జీ మోడల్​.. 72 హెచ్​పీ పవర్​ని, 103 ఎన్​ఎం టార్క్​ని జనరేట్​ చేస్తుంది. 5 స్పీడ్​ మేన్యువల్​, ఏఎంటీ గేర్​బాక్స్​ ట్రాన్స్​మిషన్​ ఆప్షన్స్​ కూడా ఇందులో ఉన్నాయి.

టాటా పంచ్​లో ఈవీ వర్షెన్​ కూడా ఉంది. గత నెలలోనే ఈ మోడల్​ని సంస్థ లాంచ్​ చేసింది.

Tata Punch EV price in Hyderabad : 2021 అక్టోబర్​లో లాంచ్​ అయ్యింది ఈ టాటా పంచ్​. ఇటీవలే.. 3 లక్షల సేల్స్​ మైలురాయిని తాకింది.

అంతేకాదు.. టాటా పంచ్​కు ఫేస్​లిఫ్ట్​ వర్షెన్​ని కూడా తీసుకురాబోతోంది టాటా మోటార్స్​ సంస్థ. 2025లో ఈ వెహికిల్​ లాంచ్​ అవుతుందని సమాచారం.

తన పోర్ట్​ఫోలియోలోని వెహికిల్స్​ని 3ఏళ్లకోసారి అప్డేట్​ చేస్తూ ఉంటుంది టాటా మోటార్స్​. ఇందులో భాగంగానే.. టాటా నెక్సాన్​, నెక్సాన్​ ఈవీ, హారియర్​, సఫారీ ఎస్​యూవీలకు 2023లో ఫేస్​లిఫ్ట్​ వర్షెన్స్​ వచ్చాయి. ఇక 2021లో లాంచ్​ అయిన టాటా పంచ్​కు 2024లో అప్డేటెడ్​ వర్షెన్​ రావాల్సి ఉంది. అయితే.. ఈ మోడల్​.. 2025 రెండో భాగంలో మార్కెట్​లోకి అడుగుపెడుతుందని టాక్​ నడుస్తోంది. పూర్తి వివరాల కోసం ఇక్కడ క్లిక్​ చేయండి.