SKODA ENYAQ iV : ఇండియాలోకి స్కోడా ఎలక్ట్రిక్ ఎస్యూవీ- ఎన్యాక్ ఐవీ విశేషాలివే..
SKODA ENYAQ iV Electric : ఎన్యాక్ ఐవీ పేరుతో.. ఓ ఎలక్ట్రిక్ ఎస్యూవీని భారతీయులకు పరిచయం చేసింది దిగ్గజ ఆటోమొబైల్ సంస్థ స్కోడా. ఇదొక ప్రీమియం ఈవీ అనే చెప్పుకోవాలి. దీని రేంజ్ 500కి.మీలు కన్నా ఎక్కువే! ఈ ఎలక్ట్రిక్ ఎస్యూవీ ఇతర వివరాలు మీకోసం..
SKODA ENYAQ iV India launch : ఇండియా ఆటోమొబైల్ మార్కెట్లోని ఎలక్ట్రిక్ వెహికిల్స్ సెగ్మెంట్పై ఫోకస్ చేసిన స్కోడా సంస్థ.. తన పోర్ట్ఫోలియోలోని ఎలక్ట్రిక్ వెహికిల్ని రివీల్ చేసింది. దిల్లీ వేదికగా జరిగిన 2024 భారత్ మొబిలిటీ గ్లోబల్ ఎక్స్పోలో.. ఈ ఎన్యాక్ ఐవీ ఎలక్ట్రిక్ ఎస్యూవీని ప్రదర్శించింది. ఈ నేపథ్యంలో.. ఈ ఎన్యాక్ ఐవీ విశేషాలను ఇక్కడ తెలుసుకుందాము..

స్కోడా ఎన్యాక్ ఐవీ ఫీచర్స్..
స్కోడా కొత్త ఎలక్ట్రిక్ ఎస్యూవీలో 77 కేడబ్ల్యూహెచ్ బ్యాటరీ ఉంటుంది. ఇది.. డ్యూయెల్ మోటార్ సెటప్కి కనెక్ట్ చేసి ఉంటుంది. ఈ మోటార్.. 265 హెచ్పీ పవర్ని జనరేట్ చేస్తుంది. ఈ బ్యాటరీని ఒక్కసారి ఛార్జ్ చేస్తే.. 513 కి.మీల దూరం ప్రయాణిస్తుందని సంస్థ చెబుతోంది. ఈ స్కోడా ఎన్యాక్ ఐవీ ఈవీకి 125కేడబ్ల్యూ డీసీ ఫాస్ట్ ఛార్జింగ్ సపోర్ట్ సైతం లభిస్తుందని స్పష్టం చేసింది. 10శాతం నుంచి 80శాతం ఛార్జింగ్కి కేవలం 28 నిమిషాల సమయమే పడుతుందని అంటోంది.
SKODA ENYAQ iV electric suv : ఈ స్కోడా ఎన్యాక్ ఐవీ ఎలక్ట్రిక్ వెహికిల్లో.. 360 డిగ్రీ కెమెరాతో పాటు అనేక లెవల్-2 అడాస్ ఫంక్షన్స్ ఉంటాయి. ఇన్స్ట్రుమెంట్ కన్సోల్, ఇన్ఫోటైన్మెంట్ సిస్టెమ్ కోసం డ్యూయెల్ స్క్రీన్స్, లెథర్ అప్హోలిస్ట్రీ ఈ కారుకు లభిస్తున్నాయి.
ఇదీ చూడండి :- Citroen C3 Aircross automatic : సీ3 ఎయిర్క్రాస్ ‘ఆటోమెటిక్’ మోడల్ని లాంచ్..
వోక్స్వ్యాగన్ గ్రూప్కి చెందిన ఎంఈబీ ప్లాట్ఫామ్పై ఈ ఎన్యాక్ ఐవీ ఎలక్ట్రిక్ ఎస్యూవీని రూపొందించింది స్కోడా. ఈ వెహికిల్.. ఆల్ వీల్ డ్రైవ్ కాన్ఫిగరేషన్లో ఇండియాలోకి రావొచ్చు. 0-100 కేఎంపీహెచ్ని కేవలం 6.7 సెకన్లలో అందుకోగలదు ఈ స్కోడా కారు.
ఈ స్కోడా ఎన్యాక్ ఐవీ ఈవీ పొడవు 4,648ఎంఎం. వెడల్పు 1,877ఎంఎం. చూస్తుంటే.. ఇది స్కోడా కోడియాక్ కన్నా కాస్త తక్కువగానే కనిపిస్తోంది.
స్కోడా ఎన్యాక్ ఐవీ ధర ఎంత?
SKODA ENYAQ iV India launch date : స్కోడా ఎన్యాక్ ఐవీ లాంచ్తో పాటు ధరకు సంబంధించిన వివరాలు తెలియాల్సి ఉంది. కానీ ఇది కచ్చితంగా ఒక ప్రీమియం ఈవీ అని అనడంలో సందేహం లేదు. హ్యుందాయ్ ఐయానిక్ 5, కియా ఈవీ6 ఎస్యూవీలకు గట్టి పోటీనిచ్చే విధంగా ఈ మోడల్ ఉంది కాబట్టి.. దీని ఎక్స్షోరూం ధర రూ. 30లక్షలు, రూ .40లక్షల కన్నా ఎక్కువగానే ఉండొచ్చని మార్కెట్ వర్గాలు భావిస్తున్నాయి.
లాంచ్తో పాటు ధర వివరాలపై సంస్థ త్వరలోనే ఓ ప్రకటన చేసే అవకాశం ఉంది.
సంబంధిత కథనం