Mahindra Scorpio N : స్కార్పియో- ఎన్​ ధర పెంచి.. ఫీచర్స్​ని కట్​ చేసిన మహీంద్రా!

Mahindra Scorpio N on road price Hyderabad : కొన్ని రోజుల క్రితం.. స్కార్పియో ఎన్​ ధరను పెంచిన దిగ్గజ ఆటోమొబైల్​ సంస్థ మహీంద్రా అండ్​ మహీంద్రా సంస్థ.. ఇప్పుడు ఈ ఎస్​యూవీలోని ఫీచర్స్​ని సైలెంట్​గా కట్​ చేసేసింది! ఇందుకు సంబంధించిన డాక్యుమెంట్​ ఒకటి లీక్​ అయ్యింది. మహీంద్రాకు చెందిన ఇంటిగ్రేటెడ్​ మెటీరియల్​ కాస్ట్​ రిడక్షన్​ ప్రక్రియలో భాగంగా.. ఈ నిర్ణయం తీసుకుంది. 2024 జనవరి 1 తర్వాత నుంచి వచ్చిన బుకింగ్స్​కి.. తాజా మార్పులు అమలవుతాయి. ఇంతకీ అసలు ఏ వేరియంట్​లో, ఏ ఫీచర్స్​ మారాయంటే..

మహీంద్రా స్కార్పియో ఎన్​ ఫీచర్స్​ కట్​..

మహీంద్రా స్కార్పియో ఎన్​ ఎంట్రీ లెవల్​ వేరియంట్​ జెడ్​2ని సంస్థ టచ్​ చేయలేదు. జెడ్​4, జెడ్​6 వేరియంట్లలో మాత్రం ఇప్పుడు ఇక కోల్డ్​ గ్లోవ్​ బాక్స్​ రావట్లేదు. ఇక ఎస్​యూవీకి చెందిన జెడ్​6 వేరియంట్​లోనూ కీలక మార్పులు చేసింది మహీంద్రా. గతంలో వచ్చిన ఇన్​స్ట్రుమెంట్​ క్లస్టర్​, ఇప్పుడు ఇందులో కనిపించదు. జెడ్​4లో ఉన్న ఇన్​స్ట్రుమెంట్​ క్లస్టర్​ మాత్రమే ఇందులో ఉంటుంది.

Mahindra Scorpio N features cut : మరోవైపు.. మహీంద్రా స్కార్పియో ఎన్​ జె4 ఫీచర్స్​లో భారీ మార్పులే కనిపిస్తున్నాయి! గతంలో వచ్చిన ఆడ్రెనోఎక్స్​ సూట్​, బిల్ట్​ ఇన్​ అలెక్సా, కలర్డ్​ ఇన్​స్ట్రుమెంట్​ క్లస్టర్​లు ఇప్పుడు ఇందులో కనిపించడం లేదు.

మహీంద్రా స్కార్పియో ఎన్​ ఎస్​యూవీ ధరలు పెంచుతున్నట్టు సంస్థ ప్రకటించిన కొన్ని రోజులకే.. ఇలా ఫీచర్స్​ కట్ అయ్యాయి అన్న వార్త బయటకి రావడం గమనార్హం. జనవరిలో.. స్కార్పియో ఎన్​ ధరను రూ. 39,300 పెంచింది మహీంద్రా అండ్​ మహీంద్రా.

Mahindra Scorpio N features : మహీంద్రా స్కార్పియోకు అనేక మార్పులు చేసి, స్కార్పియో ఎన్​ని తీసుకొచ్చింది మహీంద్రా సంస్థ. 2022 జూన్​లో ఇది లాంచ్​ అయ్యింది. ఇప్పటివరకు 1 లక్ష సేల్స్​ మైలురాయిని తాకింది. స్కార్పియో క్లాసిక్​తో పాటు ఈ మోడల్​ని లాంచ్​ చేసింది దిగ్గజ ఆటోమొబైల్​ సంస్థ.

మహీంద్రా స్కార్పియో ఎన్​లో 6 వేరియంట్లు ఉన్నాయి. ఈ ఎస్​యూవీ ఎక్స్​షోరూం ధర ఇప్పుడు రూ. 13.60లక్షలు- రూ. 20.62లక్షల మధ్యలో ఉంది. పెట్రోల్​తో పాటు డీజిల్​ ఆప్షన్​లోను లభిస్తోంది. ఇందులో 5 కలర్​ ఆప్షన్స్​ కూడా ఉన్నాయి.