Batmobile sale : ‘బ్యాట్​మొబైల్​’లో రయ్​రయ్​ అంటూ దూసుకెళ్లాలా? ఇది మీకోసమే..

క్రిస్టోఫర్ నోలన్ దర్శకత్వం వహించిన ది డార్క్ నైట్ ట్రయాలజీకి సపరేట్​ ఫ్యాన్​ బేస్​ ఉంటుంది. మరీ ముఖ్యంగా ఆ సినిమాల్లో వినియోగించిన ఆయుధాలు, వాహనాలు చూసి చాలా మంది వావ్​! అనుకున్నారు. బ్యాట్​మొబైల్​తో బ్యాట్​మాన్​ చేసిన విన్యాసాలకు ఫిదా అయిపోయిన వారిలో మీరూ ఉన్నారా? అయితే ఇది మీకోసమే! బ్యాట్​మొబైల్​ తొలిసారి సేల్​లోకి వచ్చింది. 10 మంది అదృష్టవంతులే దీన్ని దక్కించుకోగలరు. ఈ నేపథ్యంలో ఈ బ్యాట్​మొబైల్​ విశేషాలను ఇక్కడ తెలుసుకోండి..

బ్యాట్​మొబైల్​ సేల్​..

ఇది ఒరిజినల్​ కాదు! ఇదొక రెప్లికా. వార్నర్ బ్రదర్స్ డిస్కవరీ అండ్ ఇంటర్నేషనల్ ఇటీవలే టంబ్లర్ బ్యాట్​మొబైల్​ అధికారికంగా పూర్తి-పరిమాణ ప్రతిరూపాన్ని అమ్మకానికి ఇవ్వనున్నట్లు ప్రకటించింది. దీన్ని వీధుల్లో నడిపేందుకు అనుమతులు ఉండవు కానీ ఇది ఫుల్లీ ఫంక్షనల్​! యాక్షన్ వెహికల్ ఇంజనీరింగ్ నిర్మించిన ఈ కారు కేవలం 10 యూనిట్లు మాత్రమే అందుబాటులో ఉన్నాయి. ఒక్కొక్కటి ధర 2.99 మిలియన్ డాలర్లు!

టంబ్లర్ బ్యాట్​మొబైల్ రెప్లికా బుగాటి చెరాన్ వలె ఖరీదైనది! ఫెరారీ ఎస్ఎఫ్ 90 స్పైడర్ ధర కంటే నాలుగు రెట్లు ఎక్కువ. కానీ ఈ రెప్లికా కూడా సినిమాటిక్, ఆటోమోటివ్ హిస్టరీలో ఒక భాగం.

వేన్ ఎంటర్ప్రైజెస్ ఎక్స్​పీరియన్స్ లగ్జరీ బ్రాండ్ ఎకోసిస్టమ్ ద్వారా ప్రత్యేకంగా లభించే టంబ్లర్ బ్యాట్​మొబైల్ ప్రతి యూనిట్ కస్టమ్-బిల్ట్ ఇంటీరియర్లను కలిగి ఉంటుంది. కస్టమైజెబుల్ ఆప్షన్స్​తో పాటు ప్రత్యేక సంఖ్యను కలిగి ఉంటుంది.

బ్యాట్​మొబైల్ బ్లాక్ ఎక్స్​టీరియర్ పెయింట్ స్కీమ్​ను పొందుతుంది. దీని బరువు సుమారు 2,500 కిలోలు! నాలుగు చక్రాలకు పవర్ డిస్క్ బ్రేకులు లభించగా, హుడ్ కింద 6.2-లీటర్ ఇంజిన్ 517బీహెచ్​పీ పవర్, 658ఎన్ఎమ్ టార్క్​ని ప్రొడ్యూస్ చేస్తుంది. జెట్-ఫ్లేమ్ సిమ్యులేషన్ కూడా ఉన్నప్పటికీ ఎటువంటి మంటలు లేకుండా ప్యాడల్ షిఫ్టర్లతో కూడిన జీఎమ్ 4ఎల్ 85ఈ ట్రాన్స్​మిషన్​ కూడా చేర్చడం జరిగింది.

లెఫ్ట్ హ్యాండ్ డ్రైవ్ వెర్షన్​లో మాత్రమే లభించే టంబ్లర్ బ్యాట్​మొబైల్​లో డిజిటల్-పెర్ఫార్మెన్స్ డ్యాష్ బోర్డ్, ఎయిర్ కండిషనింగ్, ఐదు పాయింట్ల రేస్-కార్ సీట్లు కూడా ఉన్నాయి.

సినిమాల్లో చూపించిన మాదిరిగానే, టంబ్లర్ బ్యాట్​మొబైల్​ రెండు సీట్ల వెహికిల్​. ఇది ఫ్లాప్ యాక్చువేటర్లు, వన్-వే మిర్రర్డ్ గ్లాస్ స్క్రీన్లతో నిండి ఉంటుంది.

క్లియర్​గా చాలా ఖరీదైనది, సూపర్ ఎక్స్​క్లూజివ్ అయినప్పటికీ, టంబ్లర్ బ్యాట్​మొబైల్ పూర్తిస్థాయి రెప్లికా ఒక కలెక్షన్​ ఐటెమ్​గా మీ గ్యారేజ్​లో పెట్టుకోవచ్చు!