Ather Rizta : ఏథర్​ రిజ్టా వర్సెస్​ ఓలా ఎస్​1- టీవీఎస్​ ఐక్యూబ్​.. ధరలు చెక్​ చేయండి..

Ather Rizta electric scooter : ఫ్యామిలీ కస్టమర్లను టార్గెట్​ చేసిన ఏథర్​ ఎనర్జీ సంస్థ.. సరికొత్త ఏథర్​ రిజ్టా ఎలక్ట్రిక్​ స్కూటర్​ని లాంచ్​ చేసిన విషయం తెలిసిందే. మరింత స్పేస్, మరింత ఫీచర్ ప్యాక్డ్ మోడల్​కు అప్​గ్రేడ్ అవ్వాలనుకునే కమస్టర్లకు ఈ ఈ-స్కూటర్​ మంచి ఆప్షన్​ అవుతుందని మార్కెట్​ వర్గాలు భావిస్తున్నాయి. రిజ్టా ప్రారంభ ధర రూ .1.10 లక్షలు (ఎక్స్-షోరూమ్). మూడు వేరియంట్లు, రెండు బ్యాటరీ ప్యాక్​లలో లభించే రిజ్టా ధరలు.. రూ .1.45 లక్షలు (ఎక్స్-షోరూమ్) వరకు ఉన్నాయి. భారతదేశ ఎలక్ట్రిక్ స్కూటర్ సెగ్మెంట్​లో.. ఓలా ఎస్​1 ఎయిర్, ఎస్ 1 ప్రో, విడా వీ1 ప్రో, టీవీఎస్ ఐక్యూబ్, బజాజ్ చేతక్ వంటి ప్రత్యర్థులతో ఏథర్ రిజ్టా పోటీ పడనుంది. ఈ నేపథ్యంలో ఈ ఎలక్ట్రిక్​ స్కూటర్ల ధరల వివరాలను ఇక్కడ చూసేయండి..

ఏథర్​ రిజ్టా వర్సెస్​ ఇతర ఎలక్ట్రిక్​ స్కూటర్లు..

ఏథర్ రిజ్టాని.. భారతదేశంలో ఫ్యామిలీ ఎలక్ట్రిక్ స్కూటర్​గా లాంచ్ చేసింది సంస్థ. ఇది 900 ఎంఎం పరిమాణంలో అతిపెద్ద సీటును కలిగి ఉంది. ఈ-స్కూటర్ 2.9 కిలోవాట్​, 3.7 కిలోవాట్​ బ్యాటరీ ప్యాక్​ని కలిగి ఉంది. విడా వీ1 ప్రో.. 165 కిలోమీటర్ల రేంజ్​ని అందిస్తోంది. ఆ తర్వాత..  ఒక్కసారి ఛార్జ్ చేస్తే 160 కిలోమీటర్ల రేంజ్​ ఇచ్చే రెండో ఎలక్ట్రిక్ వాహనం ఇదే. రిజ్టా గరిష్టంగా గంటకు 80 కిలోమీటర్ల వేగంతో ప్రయాణిస్తుంది. ఎస్1 ప్రోతో ఓలా ఎలక్ట్రిక్ అందిస్తున్న దానితో సమానంగా ఇది సీట్ల కింద 34 లీటర్ల వరకు స్టోరేజ్ సామర్థ్యాన్ని కూడా అందిస్తోంది.

Ather Rizta price in Hyderabad : రిజ్టా ఎలక్ట్రిక్ స్కూటర్ లోపల ప్యాక్ చేసిన ఫీచర్లను పరిగణనలోకి తీసుకొని.. ఏథర్ ఎనర్జీ దాని ధరను పెంచింది. ఏథర్ ఎనర్జీ రిజ్టాను రెండు వేరియంట్లలో అందిస్తోంది. ఇది మూడు వేరియంట్లుగా విభజించింది సంస్థ. ఎంట్రీ లెవల్ ఎస్ వేరియంట్ చిన్న బ్యాటరీ ప్యాక్, 123 కిలోమీటర్ల పరిధితో వస్తుంది. రూ.1.10 లక్షల ధర కలిగిన రిజ్టా ఎస్ ధర.. ఓలా ఎస్1 ఎయిర్ కంటే రూ.5,000 ఎక్కువే! అయితే బజాజ్ చేతక్, టీవీఎస్ ఐక్యూబ్ వంటి వాటితో పోలిస్తే మాత్రం.. రిజ్టా ఎస్ వేరియంట్​ ధర రూ.26,000 వరకు తక్కువగా ఉంటుంది. చేతక్ ధర రూ.1.22 లక్షలు కాగా.. టీవీఎస్​ ఐక్యూబ్ ధర రూ.1.36 లక్షలు.

Ather Rizta launch : ఏథర్​ రిజ్టా ఎలక్ట్రిక్​ స్కూటర్​ మిడ్ వేరియంట్ మోడల్, చిన్న బ్యాటరీతో రూ .1.25 లక్షలకు లభిస్తుంది. 3.7 కిలోవాట్ల బ్యాటరీ కలిగిన టాప్ ఎండ్ జెడ్ వేరియంట్ ధర రూ.1.45 లక్షలు! ఎలక్ట్రిక్ స్కూటర్ టాప్-ఎండ్ వేరియంట్​.. ఓలా ఎస్​1 ప్రో కంటే ఖరీదైనది. ఓలా ఈ-స్కూటర్​ ధర రూ .1.30 లక్షలు. పైగా ఇందులో పెద్ద 4 కిలోవాట్ల బ్యాటరీ ప్యాక్ ఉంటుంది. 3.44 కిలోవాట్ల సామర్థ్యం, 3.94 కిలోవాట్ల బ్యాటరీ ప్యాక్ కలిగిన విడా వీ1 ప్రో ప్రారంభ ధర రూ.1.26 లక్షలు. ఇది మిడ్-స్పెక్ రిజ్టా కంటే కొంచెం ఎక్కువే. టాప్-ఎండ్ విడా వీ1 ప్రో ధర రూ .1.43 లక్షలు. ఇది ఏథర్​ రిజ్టా టాప్-ఎండ్ వెర్షన్ కంటే సుమారు రూ .2,000 తక్కువ.

మరి మీరు ఏ ఎలక్ట్రిక్​ స్కూటర్​ని కొనాలని ప్లాన్​ చేస్తున్నారు?