Archean Chemical IPO: ఈ IPO కి రేపే లాస్ట్ డేట్; అప్లై చేశారా?

Archean Chemical IPO: బ్రొమైన్, ఇండస్ట్రియల్ సాల్ట్, సల్ఫేట్, తదితర స్పెషలైజ్డ్ మెరైన్ కెమికల్స్ ను ముఖ్యంగా గుజరాత్ తీరంలో ఈ ఆర్కియన్ కెమికల్స్ ఉత్పత్తి చేస్తుంది. ఈ సంస్థకు ప్రపంచవ్యాప్తంగా కస్టమర్లు ఉన్నారు.

Archean Chemical IPO: ఐపీఓ వివరాలు..

ప్రత్యేక మెరైన్ కెమికల్ ఉత్పత్తుల సంస్థ ఆర్కియన్ కెమికల్ ఇండస్ట్రీస్ IPO కి ఇన్వెస్టర్ల నుంచి మంచి స్పందన లభించింది. IPO ఇష్యై కన్నా ముందే యాంకర్ ఇన్వెస్టర్ల నుంచి సంస్థ రూ. 658 కోట్లను సమకూర్చుకుంది.

• నవంబర్ 9న ఈ IPO ప్రారంభమైంది. నవంబర్ 11 వరకు మదుపర్లు దరఖాస్తు చేసుకోవచ్చు.
• ఈ IPO ప్రైస్ బ్యాండ్ ను రూ. 386 నుంచి రూ. 407 మధ్య నిర్ణయించారు.
• ఈ ఐపీఓలో ఒక్కో లాట్ లో 36 షేర్లు ఉంటాయి.
• రిటెయిల్ ఇన్వెస్టర్ల కేటగిరీలో రెండో రోజైన నవంబర్ 10వ తేదీననే ఫుల్ గా సబ్ స్క్రైబ్ అయింది.
• రూ. 805 కోట్ల విలువైన 1.61 కోట్ల ఈక్విటీ షర్లను ఈ ఐపీఓ ద్వారా అలాట్ చేయనున్నారు.
• నవంబర్ 21న ఈ షేర్ స్టాక్ మార్కెట్లో లిస్ట్ కానుంది.
• యాంకర్ ఇన్వెస్టర్లకు షేరుకు రూ. 407 చొప్పున 1.61 కోట్ల షేర్లను నవంబర్ 7న సంస్థ అలాట్ చేసింది. దీని ద్వారా రూ. 658 కోట్లను సంస్థ సమకూర్చుకుంది.
• యంకర్ ఇన్వెస్టింగ్ ద్వారా గోల్డ్మన్ సాచ్స్, బీఎన్పీ పారిబాస్, డీఎస్పీ స్మాల్ క్యాప్ ఫండ్, టాటా మ్యుచ్యువల్ ఫండ్, ఎస్బీఐ ఎంఎఫ్, ఆదిత్య బిర్లా సన్ లైఫ్ ఇన్సూరెన్స్ తదితర కంపెనీలు ఇందులో పెట్టుబడులు పెట్టాయి.
• ఈ ఐపీఓ గురువారం గ్రే మార్కెట్లో రూ. 75 ప్రీమియంతో ట్రేడ్ అయింది.
• ఈ ఐపీఓకు రిలయన్స్ సెక్యూరిటీస్ సబ్ స్క్రైబ్ ఆప్షన్ ను సిఫారసు చేసింది.