Apple event 2023 : యాపిల్ లవర్స్​ గెట్​ రెడీ-​ మెగా ఈవెంట్​ నేడే.. ఐఫోన్​ 15​ వచ్చేస్తోంది!

Apple event 2023 live : యాపిల్​ మెగా ఈవెంట్​కు సమయం ఆసన్నమైంది. ఐఫోన్​ 15 సిరీస్​.. మరికొన్ని గంటల్లో లాంచ్​కానుంది. ఐఫోన్​తో పాటు ఇతర గ్యాడ్జెట్స్​ను సంస్థ ప్రకటించనుంది. ఈ నేపథ్యంలో ఈ యాపిల్​ 'వండర్​లస్ట్​' 2023 ఈవెంట్​ పూర్తి వివరాలను ఇక్కడ తెలుసుకుందాము..

యాపిల్​ ఈవెంట్​ టైమింగ్స్​ ఇవే..

కొవిడ్​ కారణంగా గత కొన్నేళ్లు ఈ యాపిల్​ ఈవెంట్​ ఆన్​లైన్​ మోడ్​లో జరిగింది. కానీ ఈసారి డైరక్ట్​గా ఈవెంట్​ను నిర్వహించాలని నిర్ణయించుకుంది సంస్థ. ఇందుకోసం కాలిఫోర్నియాలోని స్టీవ్​ జాబ్స్​ థియేటర్​ను సిద్ధం చేసింది.

యాపిల్​ సంస్థ అధికారిక ప్రకటన ప్రకారం ఈ వండర్​లస్ట్​ ఈవెంట్​.. కాలిఫోర్నియాలో ఉదయం 10 గంటలకు ప్రారంభమవుతుంది. భారత కాలమానం ప్రకారం అయితే.. రాత్రి 10:30 గంటలకు మొదలవుతుంది. సంస్థ అధికారిక వెబ్​సైట్​, యూట్యూబ్​ ఛానెల్​లో ఈ ఈవెంట్​ లైవ్​స్ట్రీమింగ్​ చూడవచ్చు.

ఏవేవి లాంచ్​ అవుతాయి?

Apple Wonderlust event 2023 : ఈ యాపిల్​ వండర్​లస్ట్​ ఈవెంట్​లో లాంచ్​ చేసే ప్రాడక్ట్స్​ వివరాలను సంస్థ ఇంకా అధికారికంగా ప్రకటించలేదు. కానీ.. ఇందులో ఐఫోన్​ 15, ఐఫోన్​ 15 ప్లస్​, ఐఫన్​ 15 ప్రో, ఐఫోన్​ 15 ప్రో మ్యాక్స్​ మోడల్స్​ బయటకి వస్తాయని మార్కెట్​లో అంచనాలు ఉన్నాయి. వీటితో పాటు యాపిల్​ వాచ్​ 9 సిరీస్​, యాపిల్​ వాచ్​ 2 అల్ట్రా, యాపిల్​ ఎయిర్​పాడ్స్​ వంటి ప్రాడక్ట్స్​ కూడా ప్రజల ముందుకు వస్తాయని మార్కెట్​ వర్గాలు భావిస్తున్నాయి.

మరోవైపు ఐఫోన్​ 15 ప్రో మ్యాక్స్​ లాంచ్​ ఆలస్యమయ్యే అవకాశం ఉందని వార్తలు చక్కర్లు కొడుతున్నాయి. సప్లై చెయిన్​ వ్యవస్థలో ఇబ్బందులు తలెత్తడమే ఇందుకు కారణమని సమాచారం. ఇదే నిజమైనా.. యాపిల్​ ఈవెంట్​పై ఎలాంటి ప్రభావం చూపించదు. అదే సమయంలో.. ధరకు సంబంధించిన వివరాలు ఆన్​లైన్​లో కనిపించాయి. ఈ గ్యాడ్జెట్​ ధర 1199- 1299 డాలర్ల మధ్యలో ఉండొచ్చని టాక్​ నడుస్తోంది. గతంలో ప్రో మ్యాక్స్​లో 128జీబీ స్టోరేజ్​ అనేది బేస్​ వేరియంట్​గా ఉండేది. ఇప్పుడది 256జీబీకి పెరిగుతుందని సమాచారం. దీనిపై అధికారిక ప్రకటన వెలువడాల్సి ఉంది.

ఇదీ చూడండి:- iPhone 15 ultra : యాపిల్​ ఈవెంట్​కు ముందు.. 'ఐఫోన్​ 15 అల్ట్రా​'పై కీలక అప్డేట్​!

అంతర్జాతీయంగా ఐఫోన్​ గ్యాడ్జెట్స్​ లాంచ్​ అయిన చాలా రోజులకు.. అవి ఇండియాలోకి వచ్చేవి. అయితే ఈసారి.. ఇండియాతో పాటు అంతర్జాతీయ మార్కెట్​లో ఏకకాలంలో డెలివరీలు చేయాలని సంస్థ భావిస్తున్నట్టు సమాచారం. యాపిల్​ సంస్థ.. ఇప్పటికే ముంబైలో ఓ స్టోర్​ ఓపెన్​ చేసిన విషయం తెలిసిందే.

ఐఫోన్​ 16 సిరీస్​పై అప్డేట్​ ఉంటుందా?

iPhone 15 series launch : సాధారణంగా యాపిల్​ ఈవెంట్​ వస్తోందంటే.. అప్పుడు లాంచ్​ చేసే ఐఫోన్​ సిరీస్​తో పాటు ఆ తర్వాత వచ్చే సిరీస్​పైనా ఆసక్తి ఉంటుంది. ఈ క్రమంలో ఇప్పుడు ఐఫోన్​ 16 సిరీస్​పైనా బజ్​ నెలకొంది. దీనిపై ఈ వండర్​లస్ట్​ ఈవెంట్​లో సంస్థ ఏదైనా ప్రకటన చేస్తుందా? అని యాపిల్​ లవర్స్​లో ఆసక్తి పెరిగింది.

ఐఫోన్​ 16 ప్రోలో 6.3 ఇంచ్​, ఐఫోన్​ 16 ప్రో మ్యాక్స్​లో 6.9 ఇంచ్​ డిస్​ప్లేలు ఉంటాయని రూమర్స్​ వస్తున్నాయి. ప్రో మోడల్​లో ఏ18 బయానిక్​ చిప్​సెట్​ ఉంటుందని సమాచారం. ఇందులో 48ఎంపీ ప్రైమరీ, 12ఎంపీ అల్ట్రావైడ్​ కెమెరా ఉండొచ్చని టాక్​ నడుస్తోంది.

ఐఫోన్​ 14 సిరీస్​.. గతేడాది ఇదే టైమ్​లో లాంచ్​ అయ్యింది. అప్పటి నుంచి ఐఫోన్​ 15 సిరీస్​పై విపరీతమైన రూమర్స్​ నడిచాయి. ఈ సిరీస్​లో ఆ ఫీచర్​ ఉంటుంది, ఈ మార్పులు ఉంటాయని.. తెగ వార్తలు వచ్చాయి. వీటిలో ఎంత నిజం ఉందనేది.. ఇంకొన్ని గంటల్లో తేలిపోనుంది!