Apple share price : 2 రోజుల్లో 200 బిలియన్​ డాలర్లు ఆవిరి.. యాపిల్​ షేర్లపై 'చైనా' ఎఫెక్ట్​!

Apple share price : ఐఫోన్స్​పై చైనా తీసుకున్న నిర్ణయంతో అమెరికా స్టాక్​ మార్కెట్​లో యాపిల్​ సంస్థ షేర్ల పతనం కొనసాగుతోంది. సంస్థకు చెందిన మార్కెట్​ క్యాపిటల్​.. 2 రోజుల్లో ఏకంగా 200 బిలియన్​ డాలర్లు పడిపోయింది!

చైనా నిర్ణయంతో భారీ ఎఫెక్ట్​..

దేశంలోని ప్రభుత్వ అధికారులు, ప్రభుత్వ ఆధారిత కంపెనీల్లోని సభ్యులు.. ఐఫోన్స్​ని వాడకూడదని.. కొన్ని రోజుల క్రితం ఆదేశాలు జారీ చేసింది చైనా. ఈ నిషేధాన్ని ఇతర రంగాలకు కూడా విస్తరించే యోచనలో అక్కడి ప్రభుత్వం ఉన్నట్టు వార్తలు వస్తున్నాయి. ఈ నేపథ్యంలో బుధవారం నాడు యాపిల్​ స్టాక్​ 4శాతం పతనమైంది. గురువారం.. 3శాతం నష్టపోయింది. ఫలితంగా 2 రోజుల్లో 200 బిలియన్​ డాలర్ల మార్కెట్​ వాల్యూ ఆవిరైపోయిందని బ్లూమ్​బర్గ్​ పేర్కొంది.

Apple china ban news : అమెరికా నాస్​డాక్​లో యాపిల్​ ఒక హెవీవెయిట్​. ఈ స్టాక్​ ఇంతలా పడుతుండటంతో.. మొత్తం ఇండెక్స్​ మీదే నెగిటివ్​ ప్రభావం పడింది. నాస్​డాక్​ సైతం తీవ్ర ఒడిదొడుకులకు లోనవుతోంది.

ఇదీ చూడండి:- iPhone 15 launch: ఈ ఒక్క కారణం వల్లనే 63 శాతం ఐ ఫోన్ యూజర్లు కొత్త ఫోన్ కొనాలని అనుకుంటున్నారట..

చైనాపై యాపిల్​ సంస్థ ఇంతకాలం ఫోకస్​ చేస్తూ వచ్చింది. అక్కడ ఒక సామ్రాజ్యాన్నే నిర్మించుకుందని చెప్పుకోవాలి. ముఖ్యంగా చైనాలో ఐఫోన్​ సేల్స్​ చాలా ఎక్కువగా ఉంటాయి. చైనా, హాంగ్​కాంగ్​, తైవాన్​ని కలుపుకుంటే.. ఇక్కడ యాపిల్​ రెవెన్యూ 394 బిలియన్​ డాలర్లుగా ఉంది. అలాంటిది.. ఐఫోన్స్​ వాడకూడదని చైనా ప్రభుత్వం ఆదేశాలివ్వడం, తదుపరి చర్యలు ఎలా ఉంటాయో తెలియని సందిగ్ధం నేపథ్యంలో.. యాపిల్​ సంస్థ ఆదాయం భారీగా పడిపోవచ్చని మార్కెట్​లో భయాలు నెలకొన్నాయి. అందుకే స్టాక్​ పతనవుతోందని మార్కెట్​ నిపుణులు చెబుతున్నారు.

China bans Apple iPhones : ఐఫోన్స్​ వాడకాన్ని చైనా నిషేధిస్తే.. ఈ ఎఫెక్ట్​ ఒక్క యాపిల్​ మీదే కాకుండా.. అనేక అమెరికా ఆధారిత టెక్ సంస్థలపైనా పడుతుంది. ముఖ్యంగా చైనాలో సేల్స్​, ప్రొడక్షన్​పై దృష్టిపెట్టిన సంస్థల ఆదాయానికి భారీగా గండిపడొచ్చు. ఈ వార్తతో.. ప్రపంచవ్యాప్తంగా ఉన్న యాపిల్​ సప్లయర్లకు సంబంధించిన స్టాక్స్​.. నష్టాల్లోకి జారుకున్నాయి.

కాగా.. ఐఫోన్స్​పై చైనా నిషేధం వ్యవహారం మీద యాపిల్​ సంస్థ ఇంకా స్పందించలేదు.