Apple watch : షుగర్ లెవల్స్ను చెప్పే యాపిల్ వాచ్ వచ్చేస్తోంది!
Apple watch sugar level : షుగర్ పరీక్ష చేయాలంటే రక్తం తీసుకోవాల్సిందే. కానీ అలాంటి అవసరమే లేకుండా.. సరికొత్త టెక్నాలజీతో శరీరంలోని గ్లూకోజ్ లెవల్స్ని చూపించే ఫీచర్ను తన వాచ్లో తీసుకొచ్చేందుకు ప్రయత్నిస్తోంది యాపిల్ సంస్థ!
Apple watch health features : ఇప్పుడు వస్తున్న స్మార్ట్వాచ్ల్లో.. టైమ్తో పాటు అనేక హెల్త్ ట్రాకింగ్ ఫీచర్స్ కూడా వస్తున్నాయి. ఈ వరుసలో యాపిల్ వాచ్లు ముందున్నాయి. హెల్త్ ట్రాకింగ్కు సంబంధించి ఎన్నో ఫీచర్స్ వీటిల్లో ఉన్నాయి. ఇక ఇప్పుడు.. మరో కొత్త ఫీచర్ను తీసుకొచ్చేందుకు యాపిల్ సంస్థ ప్రయత్నిస్తున్నట్టు తెలుస్తోంది. అదే.. 'గ్లూకోజ్ మానిటిరింగ్'.
ట్రెండింగ్ వార్తలు
సరికొత్త టెక్నాలజీతో..!
సాధారణంగా.. షుగర్ టెస్ట్ కోసం రక్తాన్ని బయటకు తీసుకొచ్చి, ఒక స్ట్రిప్ను అతకించి, ఓ డివైజ్లో పెట్టి, రీడింగ్స్ చూడాలి. ఈ కష్టాలేవీ లేకుండా.. డైరక్ట్గా వాచ్లోనే రీడింగ్స్ చూపించే విధంగా ఈ ఫీచర్ను తీసుకొచ్చేందుకు యాపిల్ ప్రయత్నిస్తున్నట్టు సమాచారం. దీనికి ఈ ఈ5 అనే సీక్రెట్ కోడ్ పెట్టినట్టు సంబంధిత వర్గాలు వెల్లడించాయి.
Apple watch sugar levels testing feature : హెల్త్ ట్రాకింగ్ పరగా.. ప్రస్తుతం యాపిల్ వాచ్లకు మార్కెట్లో మంచి డిమాండ్ ఉంది. ఇక ఈ గ్లూకోజ్ మానిటరింగ్ కూడా వస్తే.. డయాబెటిక్ రోగుల్లో ఈ వాచ్కు డిమాండ్ కనిపిస్తుందని, ఫలితంగ హెల్త్ సెక్టార్లో యాపిల్ మర్కెట్ షేర్ పెరుగుతుందని సంస్థ భావిస్తోంది. అంతేకాకుండా.. ఈ ఫీచర్ వల్ల లక్షలాది నివాసాల్లో ఈ వాచ్ ఒక కచ్చితంగా ఉండాల్సిన పరికరంగా మారిపోతుందని సంస్థ అభిప్రాయపడుతోంది.
అయితే.. ఈ గ్లూకోజ్ మానిటరింగ్కు సంబంధించిన ఫీచర్ బయటకొచ్చేందుకు ఇంకొన్నేళ్ల సమయం పట్టొచ్చు. కానీ సక్సెస్ అయితే మాత్రం.. మిలియన్ డాలర్ ఇండస్ట్రీలో యాపిల్ జాక్పాట్ కొట్టినట్టే! ఈ గ్లూకోజ్ మానిటరింగ్ కోసం ఓ ప్రత్యేకమైన చిప్ టెక్నాలజీని యాపిల్ వాడుతోంది. అదే సిలికాన్ ఫోటోనిక్స్తో కూడిన ఆప్టికల్ అబ్సార్ప్షన్ స్పెక్ట్రోస్కోపి. ఈ సిస్టెమ్.. డివైజ్ పెట్టిన చర్మం కిందకు ఓ ప్రత్యేక లెంత్కో కూడిన లైట్ను పంపిస్తుంది. ఇందులో ఇంటర్స్టీషిల్ ఫ్లూయిడ్ ఉంటుంది. దీనిని గ్లూకోజ్ గ్రహిస్తుంది. ఆ వెంటనే లైట్ అనేది రిఫ్లెక్ట్ అవుతుంది.
Apple watch Glucose monitoring feature : యాపిల్ ఎక్స్ప్లోరేటరీ డిజైన్ గ్రూప్నకు చెందిన వందలాది మంది ఈ ప్రాజెక్ట్పై పని చేస్తున్నట్టు తెలుస్తోంది. కాగా ఈ విషయంపై సంస్థ ఇంకా అధికారికంగా ఎలాంటి ప్రకటన చేయలేదు. గత దశాబ్దంలో అనేక మందిపై ఈ గ్లూకోజ్ టెక్నాలజీని పరీక్షించింది యాపిల్. తమకు షుగర్ ఉందా? లేదా? అన్నది తెలియని వారిపై కూడా ప్రయోగాలు చేసింది.
మరి ఇది ఎప్పుడొస్తుంది? ఆరోగ్య రంగంపై ఎంత మాత్రం ప్రభావం చూపిస్తుంది? అన్న ప్రశ్నలకు సమాధానం కోసం ఇంకొంత కాలం ఎదురుచూడాల్సిందే.