iPhone 15 price in India : ఇండియాలో ఐఫోన్​ 15 ధర ఎంతంటే..!

iPhone 15 price in India : మరికొన్ని గంటల్లో ఐఫోన్​ 15 సిరీస్​ ప్రపంచం ముందుకు రానుంది. వివిధ మోడల్స్​ను లాంచ్​ చేసేందుకు పూర్తి ఏర్పాట్లు చేసింది యాపిల్​ సంస్థ. ఇందుకు సంబంధించిన ఈవెంట్​.. భారత కాలమానం ప్రకారం రాత్రి 10:30 గంటలకు మొదలవుతుంది. అయితే, ఈవెంట్​కు ముందు ఇండియాలో ఐఫోన్​ 15 ధరకు సంబంధించిన ఓ వార్త బయటకి వచ్చింది. ఆ వివరాలు..

ఇండియాలో ఐఫోన్​ 15 ధర ఎంత ఉంటుంది?

యాపిల్​ ఐఫోన్​ 15 సిరీస్​లో ఐఫోన్​ 15, ఐఫోన్​15 ప్లస్​, ఐఫోన్​ 15 ప్రో, ఐఫోన్​ 15 ప్రో మ్యాక్స్​ వంటి మోడల్స్​ ఉంటాయని సమాచారం. ఐఫోన్​ 15 ధర 799 డాలర్లు, ఐఫోన్​ 15 ప్లస్​ ధర 899 డాలర్లుగా ఉండొచ్చని రూమర్స్​ బయటకు వచ్చాయి. మిగిలిన రెండు మోడల్స్​ ధరలు.. వీటి కన్నా ఎక్కువగా ఉంటాయని తెలుస్తోంది.

iPhone 15 launch date : ఈ లెక్కన చూసుకుంటే.. ఇండియాలో యాపిల్​ ఐఫోన్​ 15 ప్రారంభ ధర రూ. 79,900గా ఉండొచ్చని టెక్​ వర్గాలు భావిస్తున్నాయి. ఐఫోన్​ 15 ప్లస్​ ధర రూ. 89,900 వరకు ఉండొచ్చని అంచనా వేస్తున్నాయి. గతేడాది లాంచ్​ అయిన ఐఫోన్​ 14 సిరీస్​ ప్రారంభ ధర కూడా ఇంచుమించు ఇదే విధంగా ఉంది.

ప్రస్తుతానికైతే ఇవి రూమర్స్​ మాత్రమే. సంస్థ అధికారిక ప్రకటన చేయాల్సి ఉంది. మంగళవారం రాత్రి జరగనున్న యాపిల్​ ఈవెంట్​లో మోడల్స్​, వాటి ధరలపై ఓ క్లారిటీ వచ్చేస్తుంది.

ఇదీ చూడండి:- iPhone 15 ultra : యాపిల్​ ఈవెంట్​కు ముందు.. 'ఐఫోన్​ 15 అల్ట్రా​'పై కీలక అప్డేట్​!

యాపిల్​ ఈవెంట్​ ఎక్కడ చూడాలి..?

యాపిల్​ సంస్థ అధికారిక ప్రకటన ప్రకారం ఈ వండర్​లస్ట్​ ఈవెంట్​.. కాలిఫోర్నియాలో ఉదయం 10 గంటలకు ప్రారంభమవుతుంది. భారత కాలమానం ప్రకారం అయితే.. మంగళవారం రాత్రి 10:30 గంటలకు మొదలవుతుంది. సంస్థ అధికారిక వెబ్​సైట్​, యూట్యూబ్​ ఛానెల్​లో ఈ ఈవెంట్​ లైవ్​స్ట్రీమింగ్​ చూడవచ్చు.

Apple iPhone 15 price : కొవిడ్​ కారణంగా గత కొన్నేళ్లు ఈ యాపిల్​ ఈవెంట్​ ఆన్​లైన్​ వేదికగా జరిగింది. కానీ ఈసారి ఈవెంట్​ను డైరక్ట్​గా నిర్వహించాలని నిర్ణయించుకుంది సంస్థ. ఇందుకోసం కాలిఫోర్నియాలోని స్టీవ్​ జాబ్స్​ థియేటర్​ సిద్ధమైంది.

మరోవైపు ఐఫోన్​ 15 ప్రో మ్యాక్స్​ మోడల్​ లాంచ్​ ఆలస్యమయ్యే అవకాశం ఉందన్న వార్తలు ఆన్​లైన్​లో చక్కర్లు కొడుతున్నాయి. సప్లై చెయిన్​ వ్యవస్థలో సమస్యలు తలెత్తడమే ఇందుకు కారణమని సమాచారం. ఇదే నిజమైనా.. యాపిల్​ ఈవెంట్​పై ఎలాంటి ప్రభావం చూపించదు. పూర్తి వివరాల కోసం ఇక్కడ క్లిక్​ చేయండి.