Tim Cook pay cut : యాపిల్ సీఈఓ జీతంలో 40శాతం కట్!
Tim Cook pay cut : యాపిల్ సీఈఓ టిమ్ కుక్ జీతంలో 40శాతం కోత పడనుంది! 2023లో ఆయన 49 మిలియన్ డాలర్లు విలువ చేసే ప్యాకేజీని పొందనున్నారు.
Apple CEO Tim Cook pay cut : సంస్థ సీఈఓ టిమ్ కుక్ జీతంలో భారీ కోత విధించేందుకు యాపిల్ సంస్థ సిద్ధమవుతోందని తెలుస్తోంది. మొత్తం మీద.. టిమ్ కుక్కు అందే ప్యాకేజీలో 40శాతం కోత పడే అవకాశం ఉన్నట్టు ఇన్వెస్టర్ గైడెన్స్ నివేదిక పేర్కొంది. అయితే.. తన ప్యాకేజీలో కోత విధించాలని టిమ్ కుక్.. స్వయంగా సంస్థకు చెప్పినట్టు సమాచారం.
ట్రెండింగ్ వార్తలు
49 మిలియన్ డాలర్ల ప్యాకేజీ..
2022లో టిమ్ కుక్ బేస్ శాలరీ కింద 3 మిలియన్ డాలర్లు. స్టాక్స్, బోనస్ రూపంలో మరో 83 మిలియన్ డాలర్లు పొందారు. మొత్తం మీద 2022లో టిమ్ కుక్ 99.4 మిలియన్ డాలర్లు చెల్లించింది యాపిల్. 2021లో అది 98.7 మిలియన్ డాలర్లుగా ఉండేది. ఇక ఇప్పుడు.. 2023లో యాపిల్ సంస్థ ప్రదర్శన బట్టి టిమ్ కుక్ వద్ద ఉన్న స్టాక్ యూనిట్లు 50శాతం నుంచి 75శాతానికి చేరుతాయి.
Tim Cook pay cut : షేర్హోల్డర్ల ఫీడ్బ్యాక్, యాపిల్ ప్రదర్శన, టిమ్ కుక్ సిఫార్సు మేరకు.. సీఈఓ జీతంలో కోత విధిస్తున్నట్టు యాపిల్ సంస్థ పేర్కొంది.
సీఈఓ ప్యాకేజీపై విమర్శలు..!
టిమ్ కుక్కు యాపిల్ చెల్లిస్తున్న కాంపెన్సేషన్పై మార్కెట్ వర్గాల నుంచి విమర్శలు వెల్లువెత్తుతున్నాయి. గతేడాది.. ఆయన కాంపెన్సేషన్ ప్యాకేజీకి ఆమోదం లభించినా.. ఇన్స్టిట్యూషనల్ షేర్హోల్డర్ సర్వీసెస్ వంటి బృందాలు విమర్శల వర్షం కురిపించాయి. ప్రదర్శన ఆధారంగా టిమ్ కుక్ కాంపెన్సేషన్ ప్యాకేజీ లేదని ఆరోపించాయి. యాపిల్ షేర్ ప్రైజ్ పతనమవుతున్నా.. ఆయనకు అంత మొత్తంలో జీతం ఎలా ఇస్తారని ప్రశ్నించాయి.
Tim Cook salary news : తాజా పరిణామాలతో 2023లో టిమ్ కుక్ కాంపెన్సేషన్.. 49 మిలియన్ డాలర్లకు పడిపోనుంది! ఇందులోనే 3 మిలియన్ డాలర్ల బేస్ శాలరీ, 6 మిలియన్ డాలర్ల బోనస్ ఉండనున్నాయి. 40 మిలియన్ డాలర్లు విలువ చేసే ఈక్విటీ కూడా ఈ కాంపెన్సేషన్లో భాగం. 2022లో ఆ విలువ 75 మిలియన్ డాలర్లుగా ఉండేది.
62ఏళ్ల యాపిల్ సీఈఓ టిమ్ కుక్.. తన సంపదను ఛారిటీ కార్యక్రమాలకు అంకితం చేస్తానని ప్రతిజ్ఞ చేసిన విషయం తెలిసిందే.
గతేడాదిలో యాపిల్ సంస్థ షేర్లు 27శాతం పతనమయ్యాయి. నాస్డాక్తో పోల్చుకుంటే ఇది తక్కువే! యాపిల్ సంస్థ షేర్లు ఈ ఏడాదిలో ఇప్పటికే దాదాపు 2.8శాతం పెరిగాయి.
Apple share price : తమ జీతాల్లో కోత విధంచాలని సీఈఓలే చెప్పడం చాలా అరుదైన విషయం. వాస్తవానికి కొన్నేళ్లుగా సీఈఓల జీతాలు పెరుగుతూ వచ్చాయి. బ్లూమ్బర్గ్ డేటా ప్రకారం.. చాలా మంది సీఈఓలు 2021లో రికార్డు స్థాయిలో జీతాలు తీసుకున్నారు.
సంబంధిత కథనం