Apple store India : భారత్​లో తొలి యాపిల్​ స్టోర్​.. డోర్​ తెరిచి కస్టమర్లకు స్వాగతం పలికిన సీఈఓ!-apple ceo tim cook opens first india store in market push ,బిజినెస్ న్యూస్
తెలుగు న్యూస్  /  బిజినెస్  /  Apple Store India : భారత్​లో తొలి యాపిల్​ స్టోర్​.. డోర్​ తెరిచి కస్టమర్లకు స్వాగతం పలికిన సీఈఓ!

Apple store India : భారత్​లో తొలి యాపిల్​ స్టోర్​.. డోర్​ తెరిచి కస్టమర్లకు స్వాగతం పలికిన సీఈఓ!

Sharath Chitturi HT Telugu
Apr 18, 2023 11:52 AM IST

Apple store India : దేశంలోనే తొలి యాపిల్​ స్టోర్​ను ఆ సంస్థ సీఈఓ టిమ్​ కుక్​ ప్రారంభించారు. డోర్స్​ ఓపెన్​ చేసి కస్టమర్లకు స్వాగతం పలికారు.

ముంబైలోని యాపిల్​ స్టోర్​ను ప్రారంభించిన సీఈఓ టిమ్​ కుక్​
ముంబైలోని యాపిల్​ స్టోర్​ను ప్రారంభించిన సీఈఓ టిమ్​ కుక్​ (REUTERS)

Apple store India : ఐఫోన్​ లవర్స్​ ఎంతగానో ఎదురుచూసిన కీలక ఘట్టానికి తెరపడింది! దేశంలోనే తొలి యాపిల్​ రీటైల్​ స్టోర్​ మంగళవారం ప్రారంభమైంది. ముంబైలోని ఈ స్టోర్​ను.. యాపిల్​ సంస్థ సీఈఓ టిమ్​ కుక్​ ప్రారంభించారు. స్వయంగా డోర్స్​ ఓపెన్​ చేసి కస్టమర్లకు స్వాగతం పలికారు.

ఆసియాలో మార్కెట్​ను పెంచుకునేందుకు యాపిల్​ సంస్థ ఇటీవలి కాలంలో కృషిచేస్తోంది. ముఖ్యంగా.. తమ వ్యాపారాలను చైనా నుంచి తరలించేందుకు ప్రయత్నిస్తోంది. ఈ తరుణంలో భారత్​లో తొలి యాపిల్​ స్టోర్​ను టిమ్​ కుక్​ లాంచ్​ చేయడం సర్వత్రా ఆసక్తి రేకెత్తించింది. దేశంలో వ్యాపార విస్తరణకు ఇది కీలక ఘట్టమని పేర్కొంది యాపిల్​ సంస్థ. ఇండియాలో 2020లోనే తొలి ఆన్​లైన్​ స్టోర్​ని ప్రారంభించిన యాపిల్​కు.. రీటైల్​ స్టోర్​ను తీసుకొచ్చేందుకు ఇంత సమయం పట్టింది. ఇక రెండో రీటైల్​ స్టోర్​ గురువారం ఢిల్లీలో ఓపెన్​కానుంది.

ఫ్యాన్స్​లో క్రేజ్​.. మామూలుగా లేదుగా..!

Apple BKC Mumbai : ముంబైలోని బాంద్రా కుర్లా కాంప్లెక్స్​ (బీకేసీ)లోని రిలయన్స్​ జియో వరల్డ్​ డ్రైవ్​ మాల్​లో ఉంది ఈ యాపిల్​ రీటైల్​ స్టోర్​. ఐఫోన్​ ప్రేమికులు భారీ సంఖ్యలో గుమిగూడి.. ఈ ఓపెనింగ్​ ఈవెంట్​లో పాల్గొన్నారు. భారీ క్యూలతో ఆ ప్రాంతం కిక్కిరిసిపోయింది. కొందరైతే ఏకంగా అర్ధరాత్రి నుంచే యాపిల్​ స్టోర్​ బయట పడిగాపులుగాచినట్టు తెలుస్తోంది. టిమ్​ కుక్​ను కలవాలని, యాపిల్​ రీటైల్​ స్టోర్​ను చూడాలని వీరందరు చాలా దూరాల నుంచి ప్రయాణం చేసి వచ్చినట్టు సమాచారం.

"ఇక్కడి వైబ్​ చాలా డిఫరెంట్​గా ఉంది. సాధారణ రీటైల్​ స్టోర్​ నుంచి వస్తువులు కొనుక్కున్న ఫీలింగ్​ కాదు ఇది. ఇది ప్రత్యేకం! అసలు పోలీకే లేదు. చాలా ఎగ్జైటింగ్​గా ఉంది," అని 23ఏళ్ల ఆన్​ షాహ్​ మీడియాతో తెలిపారు. ఇతను అహ్మదాబాద్​ నుంచి ముంబైకి వచ్చాడు.

ముంబైలో యాపిల్​ రీటైల్​ స్టోర్​.. విశేషాలివే!

Apple retail store in India : ఇండియాలో ఐఫోన్​ ఉత్పత్తులు అడుగుపెట్టిన 25వసంతాలు గడుస్తోంది. ఇదే సమయంలో యాపిల్​ తొలి రీటైల్​ స్టోర్​ ఓపెన్​ అవ్వడం ప్రత్యేకం.

లాంచ్​కి ముందు రోజు.. అంటే సోమవారం, వివిధ బ్లాగర్స్​, టెక్​ రివ్యూవర్స్​ను స్టోర్​ లోపలికి తీసుకెళ్లింది యాపిల్​. వాళ్లందరు రివ్యూలు చేసేశారు.

Apple India latest news : 2016లో తొలిసారి ఇండియాకు వచ్చారు టిమ్​ కిక్​. రీటైల్​ స్టోర్​ ఓపెనింగ్​ కోసం.. మళ్లీ 7ఏళ్ల తర్వాత ఇప్పుడు ఇండియాలో అడుగుపెట్టారు. ప్రముఖ బాలీవుడ్​ నటి మాధురీ దీక్షిత్​తో కలిసి వడాపావ్​ కూడా తిన్నారు. ఈ ఫొటోలు సామాజిక మాధ్యమాల్లో తెగ వైరల్​ అవుతున్నాయి.

ఇండియా ప్రజల అభిరుచులను దృష్టిలో పెట్టుకుని ఈ యాపిల్​ స్టోర్​లో పలు మార్పులు చేసినట్టు తెలుస్తోంది.

Tim Cook in India : యాపిల్​ బీకేసీలోని 100మంది సిబ్బంది.. 18 భారతీయ భాషల్లో మాట్లాడగలరు. ఇండియాలో 2500మందికి ఉద్యోగాలిచ్చినట్టు, యాప్​ ఎకో సిస్టెమ్​ ద్వారా 10లక్షల ఉద్యోగాలను సృష్టించేందుకు సంస్థ ప్రయత్నిస్తున్నట్టు యాపిల్​ చెబుతోంది.

యాపిల్​ స్టోర్​కు సమీపంలో.. అమెజాన్​, ఫేస్​బుక్​, గూగుల్​తో పాటు పలు ఇతర బ్రాండ్స్​ యాడ్​లు కూడా వేయలేవు. ఇంత పక్కాగా ప్లాన్​ వేసింది యాపిల్​ సంస్థ.

Apple BKC store launch :మొత్తం 20వేల చదరుపు అడుగుల్లో ఉంది ఈ రీటైల్​ స్టోర్​. దీని రెంట్​ నెలకు రూ. 42లక్షలు! వార్షికంగా 15శాతం పెరుగుతూ ఉంటుంది. వచ్చే మూడేళ్ల వరకు సంస్థ తన ఆదాయంలో 2శాతాన్ని ప్రాపర్టీ ఓనర్స్​తో పంచుకోనుంది.

WhatsApp channel

సంబంధిత కథనం