Mutual funds investment : ఇది తెలుసుకోకపోతే.. మ్యూచువల్​ ఫండ్​ ఇన్​వెస్ట్​మెంట్​లో నష్టపోతారు!

Mutual Fund Fees and Charges in India : నూతన ఏడాది రిసొల్యూషన్​లో భాగంగా.. ఇన్​వెస్ట్​మెంట్​ను ప్రారంభిద్దామని చూస్తున్నారా? మ్యూచువల్​ ఫండ్స్​లో పెట్టుబడులు.. దీర్ఘకాలంలో మంచి రిటర్నులు ఇస్తాయని విన్నారా? మంచి మ్యూచువల్​ ఫండ్​ కోసం వెతుకుతున్నారా? అయితే.. మంచి మ్యూచువల్​ ఫండ్​ను వెతికి, అందులో ఇన్​వెస్ట్​ చేస్తే మీ పని ముగిసినట్టు కాదు. సాధారణంగా.. ఒక మ్యూచువల్​ ఫండ్​ ఎంత రిటర్నులు ఇచ్చిందనే విషయాన్ని చూడటం ఎంత అవసరమో.. సంబంధిత ఫండ్​ 'ఖర్చులు' ఎంత ఉన్నాయన్నది తెలుసుకోవడం కూడా ముఖ్యమే. ఈ క్రమంలో.. ఇండియాలోని మ్యూచువల్​ ఫండ్స్​ వేసే ఛార్జీలు, మనకి అదనంగా అయ్యే ఖర్చుల వివరాలను ఇక్కడ తెలుసుకుందాము..

ఎంట్రీ లోడ్​..

Mutual Fund entry load : మ్యూచువల్​ ఫండ్​ ఖర్చుల్లో ముందుగా వినిపించే మాట ఈ ఎంట్రీ లోడ్​. మొదటి సారి సంబంధిత స్కీమ్​లో ఇన్​వెస్ట్​ చేస్తే.. గతంలో ఈ ఎంట్రీ లోడ్​ పడేది. మ్యూచువల్​ ఫండ్​ స్కీమ్​ను ప్రమోట్​ చేయడం కోసం.. సంబంధిత సంస్థ చేసిన ఖర్చులను ఈ ఎంట్రీ లోడ్​తో రికవరీ చేస్తాయి.

2009కి ముందు.. ఇండియాలోని ఒక్క అసెట్​ మేనేజ్​మెంట్​ కంపెనీ.. ఒక్కో విధంగా ఈ ఎంట్రీ లోడ్​ను విధించేది. అత్యధికంగా 2.5శాతం వరకు ఎంట్రీ లోడ్​ ఉండేది. అయితే.. 2009 తర్వాత సెబీ నిబంధనలు అమల్లోకి రావడంతో ఇప్పుడు.. ఎంట్రీ లోడ్​ అనేది పూర్తిగా మాయమైపోయింది! మ్యూచువల్​ ఫండ్​ హౌజ్​లు కస్టమర్లపై ఎంట్రీ లోడ్​ భారాన్ని వేయకూడని సెబీ స్పష్టం చేసింది.

2023 Investment tips : ఈ ఏడాది పాటించాల్సిన కొన్ని ఇన్​వెస్ట్​మెంట్​ టిప్స్​ వివరాల కోసం ఇక్కడ క్లిక్​ చేయండి.

ఎగ్జిట్​ లోడ్​..

What is exit load in mutual fund : మ్యూచువల్​ ఫండ్​ను కొనుగోలు చేసిన కొంత టైమ్​ పీరియడ్​కు.. దానిని ఉపసంహరించుకుంటే.. ఎగ్జిట్​ లోడ్​ పడుతుంది. ఇది ఫండ్​ హౌజ్​కు ఒకింత లాభాన్ని కలిగించేదే! టైమ్​ పీరియడ్​పై ఉన్న ఎగ్జిట్​ లోడ్​ను చూసుకుని ఫండ్​ను ఉపసంహరించుకోవాలంటే చాలా ఆలోచిస్తారు. సాధారణంగా.. రిడెంప్షన్​ వాల్యూపై 1శాతం వరకు ఎగ్జిట్​ లోడ్​ను విధిస్తాయి మ్యూచువల్​ ఫండ్స్​. ఏడాది టైమ్​ పీరియడ్​లోపు రిడీమ్​ చేసుకుంటే ఎగ్జిట్​ లోడ్​ పడుతుంది. ఏడాది తర్వాత ఎలాంటి ఎగ్జిట్​ లోడ్​ ఉండదు.

ట్రాన్సాక్షన్​ ఛార్జీలు..

మ్యూచువల్​ ఫండ్​ ఇన్​వెస్ట్​మెంట్​లో కేవలం ఒక్కసారే ఈ ట్రాన్సాక్షన్​ ఛార్జీలు పడతాయి. ఇన్​వెస్ట్​మెంట్​ వాల్యూ రూ. 10వేలు అంతకన్నా ఎక్కువ ఉంటే.. రూ. 100 లేదా రూ. 150 ట్రాన్సాక్షన్​ ఫీజు పడుతుంది. సిప్​లో కూడా రూ. 10వేల పెట్టుబడి దాటితే ఈ ఛార్జీలు వసులు చేస్తారు. రూ. 10వేలలోపు పెట్టుబడులకు ఎలాంటి ట్రాన్సాక్షన్​ ఛార్జీలు ఉండవు.

మ్యూచువల్​ ఫండ్స్​లో పెట్టుబడికి ముందు తెలుసుకోవాల్సిన మరిన్ని వివరాల కోసం ఇక్కడ క్లిక్​ చేయండి.

ఎక్స్​పెన్స్​ రేషియో..

What is expense ratio in Mutual Fund : ఎక్స్​పెన్స్​ రేషియోను.. మ్యూచువల్​ ఫండ్​ ఫీజు అని కూడా అర్థం చేసుకోవచ్చు. ఎక్స్​పెన్స్​ రేషియో అంటే.. మన డబ్బులను మేనేజ్​ చేస్తున్నందుకు ఫండ్​ హౌజ్​కు తీసుకునే ఫీజు. ఇది పర్సెంటేజ్​ రూపంలో ఉంటుంది. ఇదొక యాన్యువల్​ ఫీజు. సేల్స్​, మార్కెటింగ్​ ఎక్స్​పెన్సెస్​, అడ్మనిస్ట్రేషన్​ ఫీజు, డిస్ట్రిబ్యూషన్​ ఫీజు, ఫండ్​ మేనేజర్​ ఫీజు తదితర ఛార్జీలన్నీ ఇందులోనే ఉంటాయి.

సంబంధిత ఫండ్​ స్కీమ్​ను నిర్వహిస్తున్నందుకు.. ఫండ్​ హౌజ్​కు అవుతున్న ఖర్చును.. ఫండ్​ ఏయూఎం (అసెట్​ అండర్​ మేనేజ్​మెంట్​)తో విభజించి.. ఈ ఎక్స్​పెన్స్​ రేషియోను నిర్ణయిస్తారు.

Mutual Fund SIP : ‘స్మాల్​ క్యాప్​’ మ్యూచువల్​ ఫండ్స్​ సిప్​లో చేయకూడని తప్పుల గురించి తెలుసుకోవాలంటే ఇక్కడ క్లిక్​ చేయండి.

ఎక్స్​పెన్స్​ రేషియో తక్కువగా ఉన్న మ్యూచువల్​ ఫండ్​ స్కీమ్స్​ను చూసుకుంటే.. దీర్ఘకాలంలో ఛార్జీల భారం తక్కువగా ఉంటుంది. అయితే.. రెగ్యులర్​ ప్లాన్​లో ఎక్స్​పెన్స్​ రేషియో ఎక్కువగా ఉంటుంది. డైరక్ట్​ ప్లాన్​లో తక్కువగా ఉంటుంది. ఈ వ్యత్యాసం ఎందుకు ఉంటుందనేది తెలుసుకోవడానికి.. అసలు రెగ్యులర్​ ప్లాన్​ అంటే ఏంటి? డైరక్ట్​ ప్లాన్​ అంటే ఏంటి? అన్న ప్రశ్నలకు స్పష్టత రావాలి.

రెగ్యులర్​ ప్లాన్​.. డైరక్టర్​ ప్లాన్​..

What is Direct plan in Mutual fund : రెగ్యులర్​ ప్లాన్​ అంటే.. మీరు ఓ మధ్యవర్తి ద్వారా మ్యూచువల్​ ఫండ్​ స్కీమ్​లో ఇన్​వెస్ట్​ చేయండి. ఇక్కడ మధ్యవర్తి అంటే.. డిస్ట్రిబ్యూటర్​ అవ్వొచ్చు, బ్రోకర్​ అవ్వొచ్చు లేదా ఏజెంట్​ కూడా అవ్వొచ్చు. సంబంధిత మధ్యవర్తులకు.. ఫండ్​ హౌజ్​ కమిషన్​ చెల్లించాల్సి ఉంటుంది. అందుకే.. రెగ్యులర్​ ప్లాన్​లో ఎక్స్​పెన్స్​ రేషియో ఎక్కువగా ఉంటుంది.

డైరక్ట్​ ప్లాన్​లో.. ఎలాంటి మధ్యవర్తి ఉండరు. మీకు- ఫండ్​ హౌజ్​కు మధ్య డైరక్ట్​ లింక్​ ఉంటుంది. ఫలితంగా డైరక్ట్​ ప్లాన్​ మ్యూచువల్​ ఫండ్స్​లో ఎక్స్​పెన్స్​ రేషియో తక్కువగా ఉంటుంది.