ఈ తక్కువ రీఛార్జ్ ప్లాన్స్‌లో ఎయిర్‌టెల్ ఓటీటీలు ఇస్తుంటే.., జియో డేటా ఎక్కువ అందిస్తోంది

ియో, ఎయిర్‌టెల్ తమ వినియోగదారులకు అనేక ప్రీపెయిడ్ ప్లాన్లను అందిస్తున్నాయి. ఈ రెండు కంపెనీల మధ్య నెంబర్ వన్‌గా నిలిచేందుకు పోటీ నెలకొంది. దీంతో వినియోగదారులు ప్రయోజనం పొందుతున్నారు. వినియోగదారులను ఆకట్టుకునేందుకు రెండు కంపెనీలు వేర్వేరు ప్లాన్లు, ఆఫర్లను అందిస్తున్నాయి. జియో తక్కువ ధరలో ఎక్కువ ప్రయోజనాలను ఇస్తుంది. ఎయిర్‌టెల్ ప్లాన్స్ కూడా జియోకు గట్టి పోటీని ఇస్తున్నాయి.

ఎయిర్‌టెల్ రూ.279 ప్లాన్ అందులో ఒకటి. నెట్ ఫ్లిక్స్ సహా 25కి పైగా ఓటీటీ యాప్స్‌కు ఈ ప్లాన్‌లో డేటాతో యాక్సెస్ కల్పిస్తోంది ఎయిర్‌టెల్. అదే సమయంలో జియో విషయానికొస్తే ఓటీటీ ప్రయోజనాల్లో ఎయిర్‌టెల్ కంటే వెనుకబడి ఉండొచ్చు కానీ డేటా పరంగా మాత్రం చాలా ముందుంది. అంతేకాదు రూ.10 ఎక్కువ. ఎయిర్‌టెల్, జియోకు చెందిన ఈ ప్లాన్ల గురించి తెలుసుకుందాం.

జియో రూ.289 ప్లాన్

జియో ఈ ప్లాన్ 30 రోజుల వాలిడిటీతో వస్తుంది. ఇందులో మీరు ఇంటర్నెట్ ఉపయోగించడానికి మొత్తం 40 జీబీ డేటాను పొందుతారు. డేటా లిమిట్ ముగిసిన తర్వాత అందించే వేగం 64 కేబీపీఎస్ అవుతుంది. ఇది డేటా ప్యాక్.

ఎయిర్‌టెల్ రూ.279 ప్లాన్

ఈ ప్లాన్లో మీకు ఒక నెల వాలిడిటీ లభిస్తుంది. ఎయిర్‌టెల్ ఈ ప్లాన్ ఇంటర్నెట్ ఉపయోగించడానికి మొత్తం డైలీ 1 జీబీ డేటాను ఇస్తుంది. ఈ ప్లాన్‌లో నెట్ ఫ్లిక్స్ బేసిక్‌కు ఉచిత యాక్సెస్ ఇస్తున్నారు. వీటితో పాటు జియో హాట్‌స్టార్ సూపర్, జీ5లకు కూడా యాక్సెస్ ఇస్తోంది. ఇది మాత్రమే కాదు.. ఈ ప్లాన్ ఎయిర్టెల్ ఎక్స్‌ట్రీమ్ ప్లే ప్రీమియంతో వస్తుంది. ఇందులో మీరు సోనీ లివ్‌తో సహా 25కి పైగా ఓటీటీ యాప్స్‌కు యాక్సెస్ పొందుతారు.