7th Pay Commission : ప్రభుత్వ ఉద్యోగులకు షాక్​! గ్రాట్యుటీ పెంపును హోల్డ్​లో పెట్టిన ఈపీఎఫ్​ఓ..-7th pay commission epfo keeps 25 increase in gratuity due to da hike on hold ,బిజినెస్ న్యూస్
తెలుగు న్యూస్  /  బిజినెస్  /  7th Pay Commission : ప్రభుత్వ ఉద్యోగులకు షాక్​! గ్రాట్యుటీ పెంపును హోల్డ్​లో పెట్టిన ఈపీఎఫ్​ఓ..

7th Pay Commission : ప్రభుత్వ ఉద్యోగులకు షాక్​! గ్రాట్యుటీ పెంపును హోల్డ్​లో పెట్టిన ఈపీఎఫ్​ఓ..

Sharath Chitturi HT Telugu
May 20, 2024 03:57 PM IST

Gratuity increase news : రిటైర్మెంట్​ గ్రాట్యుటీ, డెత్​ గ్రాట్యుటీ లిమిట్​ని రూ. 25 లక్షలకు పెంచాలన్న నిర్ణయాన్ని ఈపీఎఫ్​ఓ హోల్డ్​లో పెట్టింది. ఆ వివరాలను ఇక్కడ తెలుసుకోండి..

ప్రభుత్వ ఉద్యోగులకు ఈపీఎఫ్​ఓ షాక్​..!
ప్రభుత్వ ఉద్యోగులకు ఈపీఎఫ్​ఓ షాక్​..!

Gratuity increase news : డీఏ (డియర్​నెస్​ అలొవెన్స్​) పెంపునకు అనుగుణంగా.. రిటైర్మెంట్​ గ్రాట్యుటీ, డెత్​ గ్రాట్యుటీలను 25శాతానికి పెంచుతున్నట్టు గత నెలలో ఓ సర్క్యులర్​ని జారీ చేసింది ఈపీఎఫ్​ఓ (ఎంప్లాయీ ప్రావిడెంట్​ ఫండ్​ ఆర్గనైజేషన్​). కాగా.. ప్రభుత్వ ఉద్యోగులతో పాటు వివిధ రంగాల్లో పనిచేస్తున్న వారికి షాక్​ ఇస్తూ.. ఇప్పుడు ఈ సర్క్యులర్​ని ఈపీఎఫ్​ఓ హోల్డ్​లో పెట్టింది.

గతంలో 20లక్షలుగా ఉన్న రిటైర్మెంట్​ గ్రాట్యుటీ, డెత్​ గ్రాట్యుటీలను రూ. 25లక్షలకు పెంచుతూ 2024 ఏప్రిల్​ 30న ఆదేశాలు జారీ చేసింది ఈపీఎఫ్​ఓ.

Gratuity increase on Hold : కానీ.. ఈ నిర్ణయాన్ని, గ్రాట్యుటీ పెంపు ఆదేశాలను హోల్డ్​లో పెడుతున్నట్టు.. మే 7న మరో సర్క్యులర్​ని విడుదల చేసింది. మరి ఇందుకు గల కారణాలను ఈపీఎఫ్​ఓ తన ఆదేశాల్లో వెల్లడించలేదు.

ఇదీ చూడండి:- Personal loan for business : వ్యాపారం కోసం పర్సనల్​ లోన్​ తీసుకుంటున్నాారా? తప్పు చేసినట్టే!

డీఏ పెంపుతో..

డీఏ, డీఆర్​లను 4శాతం మేర పెంచుతున్నట్టు 2024 మార్చ్​లో ప్రకటించింది కేంద్ర ప్రభుత్వం. ఫలితంగా.. కేంద్ర ప్రభుత్వ ఉద్యోగులు, పింఛనుదారులకు ఊరట లభించింది.

7th Pay Commission DA hike : రూల్స్​ ప్రకారం.. డీఏ 50శాతం సీలింగ్​కి చేరిన తర్వాత, గ్రాట్యుటీ లిమిట్​తో పాటు ఇతర ఆలోవెన్స్​లను ఆటోమెటిక్​గా సవరించాలి. డీఏ పెంపుతో 50శాతం సీలింగ్​ని తాకింది కాబట్టి.. ఇతర అలోవెన్స్​లు కూడా ఆటోమెటిక్​గా మారుతాయని భావించారు. కానీ.. ఈపీఎఫ్​ఓ తాజా చర్యలు చూస్తుంటే, అలా జరిగేలా కనిపించడం లేదు. ఇది ప్రభుత్వ ఉద్యోగులకు కాస్త నిరాశను కలిగించే విషయమే.

మరి ఈ గ్రాట్యుటీ పెంపు ఎంత కాలం హోల్డ్​లో ఉంటుంది? అసలు గ్రాట్యుటూ పెంపు ఉంటుందా? లేదా? అనేది తెలియాల్సి ఉంది. ఈ విషయంపై కొన్ని రోజుల్లో స్పష్టత వచ్చే అవకాశం ఉంది.

ఇంకో విషయం! హెచ్​టీ తెలుగు ఇప్పుడు వాట్సప్ ఛానల్స్​లో అందుబాటులో ఉంది! పర్సనల్​ ఫైనాన్స్​​ ప్రపంచం నుంచి ఎటువంటి అప్​డేట్స్​​ని మీరు మిస్ కాకుండా ఉండటానికి హెచ్​టీ తెలుగు వాట్సాప్​ ఛానెల్​ని ఇప్పుడే సబ్​స్క్రైబ్​ చేసుకోండి.

WhatsApp channel

సంబంధిత కథనం