ఈ కొత్త 7 సీటర్​తో కంఫర్ట్​తో పాటు సేఫ్టీ కూడా.. ఫ్యామిలీకి బెస్ట్​ ఛాయిస్​!

ఇండియాలో 7 సీటర్​ వాహనాలకు ఇటీవలి కాలంలో డిమాండ్​ పెరుగుతోంది. ఇక ఇప్పుడు జేఎస్​డబ్ల్యూ ఎంజీ మోటార్​ నుంచి ఒక కొత్త 7 సీటర్​ ఎస్​యూవీ, మార్కెట్​లో చేరనుంది. దాని పేరు ఎంజీ మెజెస్టర్​. ఈ ఎస్​యూవీని తొలిసారిగా 2025 భారత్ మొబిలిటీ గ్లోబల్ ఆటో ఎక్స్​పోలో ప్రదర్శించగా.. ఇప్పుడు ఈ మోడల్​కి సంబంధించిన టెస్ట్​ డ్రైవ్​ ఫొటోలు సోషల్​ మీడియాలో వైరల్​గా మారాయి. ఈ నేపథ్యంలో త్వరలో ఇండియాలో లాంచ్​ అవుతున్న ఈ మోడల్​కి సంబంధించిన వివరాలను ఇక్కడ తెలుసుకుందాము..

ఎంజీ కొత్త 7 సీటర్​- వివరాలు..

కొన్ని గ్లోబల్ మార్కెట్లలో అమ్మకానికి ఉన్న మాక్సస్ డీ 90 ఎస్​యూవీ ఆధారంగా ఎంజీ మెజెస్టర్ తయారైంది. దీని ముందు భాగంలో భారీ ఫ్రంట్ గ్రిల్ ఉంటుంది. దీనికి గ్లాస్​ బ్లాక్​ ఫినిషింగ్​ వస్తుంది. స్ల్పిట్​-హెడ్ ల్యాంప్ డిజైన్ ఉంది. ఇక్కడ ఎల్ఈడి డేటైమ్ రన్నింగ్ ల్యాంప్ పైన పెట్టడం జరిగింది. ప్రధాన హెడ్​ల్యాంప్ క్లస్టర్ బంపర్​లో నిలువుగా ఉంటుంది. సైడ్​లో డైమండ్ కట్ ఫినిష్​తో 19 ఇంచ్​ అల్లాయ్ వీల్స్ ఉన్నాయి. డ్యూయల్ ఎగ్జాస్ట్ టిప్స్, కనెక్టెడ్ టెయిల్ ల్యాంప్స్ విత్ వ్రాప్​అరౌండ్​ డిజైన్, చుంకీ స్కిడ్ ప్లేట్లు ఇతర ముఖ్యమైన డిజైన్ అంశాలు ఉన్నాయి.

ఎంజీ మెజెస్టర్: స్పెసిఫికేషన్లు..

ప్రస్తుతానికి, ఎంజీ మెజెస్టర్ స్పెసిఫికేషన్లను వెల్లడించలేదు. అయితే ఇందులో గ్లోస్టర్ మాదిరిగానే ఇంజిన్​ను ఉపయోగించాలని భావిస్తున్నారు. ఇది 2.0-లీటర్ టర్బోఛార్జ్​డ్​ డీజిల్ ఇంజిన్​తో రావొచ్చు. ఇది 158.7 బీహెచ్​పీ పవర్​, 373.5 ఎన్ఎమ్ గరిష్ట టార్క్ ఉత్పత్తి చేస్తుంది. ట్విన్-టర్బో డీజిల్ ఇంజిన్ కూడా ఉండొచ్చు. ఇది 212.5 బీహెచ్​పీ పవర్​, 478.5 ఎన్ఎమ్ గరిష్ట టార్క్​ని జనరేట్​ చేస్తుంది. గేర్ బాక్స్ 8-స్పీడ్ టార్క్ కన్వర్టర్ ఆటోమేటిక్ ట్రాన్స్​మిషన్ కలిగి ఉంటుంది. 4x4 సిస్టమ్ ఉపయోగించి పవర్​ను వెనుక చక్రాలకు లేదా అన్ని చక్రాలకు ట్రాన్స్​ఫర్​ చేయవచ్చు.

7 సీటర్​ ఎంజీ మెజెస్టర్: ఫీచర్లు

ఇతర జేఎస్​డబ్ల్యూ ఎంజీ మోటార్ ఇండియా వాహనంలో ఊహించినట్లుగానే, మెజెస్టర్​లో మంచి ఫీచర్లు ఉన్నాయి. ఇందులో ఫ్రీ స్టాండింగ్ 12.3 ఇంచ్​ ఇన్ఫోటైన్మెంట్ టచ్​స్క్రీన్​, డ్రైవర్ కోసం కొత్త ఆల్-డిజిటల్ ఇన్​స్ట్రుమెంట్ క్లస్టర్ లభిస్తుంది. ఇది మొత్తం సమాచారాన్ని చూపిస్తుంది. కస్టమైజేషన్ మోడ్స్​ని పొందుతుంది.

వైర్​లెస్ ఫోన్ ఛార్జర్, ఎలక్ట్రిక్ టెయిల్ గేట్, ప్రీమియం సౌండ్ సిస్టెమ్, టైర్ ప్రెజర్ మానిటరింగ్ సిస్టెమ్, 360 డిగ్రీల కెమెరా, ఎలక్ట్రానిక్ పార్కింగ్ బ్రేక్, ఆటో హోల్డ్, లెవల్ 2 ఏడీఏఎస్ వంటి ఫీచర్లు ఇందులో ఉన్నాయి. క్యాబిన్​ను ఆల్ బ్లాక్ థీమ్​లో రూపొందించారు.

ఎంజీ మెజెస్టర్: ధర..

ఎంజీ మాజెస్టర్ ఎస్​యూవీ ఎంజీ గ్లోస్టర్ కంటే ప్రీమియంగా మార్కెట్​లోకి అడుగుపెడుతుందని భావిస్తున్నారు. మెజెస్టర్ ఎక్స్-షోరూమ్ ధర రూ .45 లక్షల నుంచి ప్రారంభమయ్యే అవకాశం ఉంది. ఈ కొత్త 7 సీటర్​ కారు.. టయోటా ఫార్చ్యునర్ లెజెండర్, నిస్సాన్ ఎక్స్-ట్రయల్​లకు గట్టి పోటీ ఇవ్వనుంది.