Stocks to buy today : నేటి స్టాక్స్​ టు బై లిస్ట్​ ఇదే..!

Stocks to buy today : అంతర్జాతీయ ప్రతికూలతల నేపథ్యంలో దేశీయ స్టాక్​ మార్కెట్లు గురువారం ట్రేడింగ్​ సెషన్​లో తీవ్ర ఒడుదొడుకులకు లోనయ్యాయి. చివరికి నష్టాల్లో ముగిశాయి. 30 పాయింట్లు కోల్పోయిన ఎన్​ఎస్​ఈ నిఫ్టీ.. 18,052 వద్ద స్థిరపడింది. బీఎస్​ఈ సెన్సెక్స్​.. 69పాయింట్ల నష్టంతో 60,836 వద్ద ముగిసింది. బ్యాంక్​ నిఫ్టీ మాత్రం 151 పాయింట్లు వృద్ధిచెంది 41,298 వద్దకు చేరింది. మిడ్​ క్యాప్​, స్మాల్​ క్యాప్​ సూచీలు స్వల్పంగా లాభపడ్డాయి.

స్టాక్​ మార్కెట్​ నిపుణుల ప్రకారం.. మదుపర్లు 'బై ఆన్​ డిప్​' స్ట్రాటజీని అమలు చేయవచ్చు. అయితే.. 18,200 లెవల్స్​ వద్ద నిఫ్టీకి బలమైన రెసిస్టెన్స్​ ఉంది. అది బ్రేక్​ చేస్తే.. ఇంకా పైకి వెళ్లొచ్చు. ఈ లెవల్​ వద్ద మార్కెట్​ను జాగ్రత్తగా గమనించాల్సి ఉంటుంది.

Stocks market news today ; "హయ్యర్​ హైస్​, హయ్యర్​ లోస్​ పాటర్న్​ రూపుదిద్దుకుంటున్నట్టు కనిపిస్తోంది. అయితే మరో 1,2 సెషన్స్​లో ఒడుదొడుకులు ఎదురవచ్చు. నిఫ్టీ సపోర్టు 17,950- 17,900 లెవల్స్​ వద్ద ఉన్నాయి," అని హెచ్​డీఎఫ్​సీ సెక్యూరిటీస్​ టెక్నికల్​ రీసర్చ్​ అనలిస్ట్​ నాగరాజ్​ శెట్టి తెలిపారు.

అయితే.. అంతర్జాతీయ మార్కెట్లు అంత సానుకూలంగా లేవు. ముఖ్యంగా ఫెడ్​ వడ్డీ రేట్ల పెంపు తర్వాత.. అమెరికా నాస్​డాక్​ పతనమవుతోంది. రీసెంట్​ స్వింగ్​ ‘లో’ బ్రేక్​ అయ్యే అవకాశం ఉంది. ఇదే జరిగితే.. నాస్​డాక్​ ఇంకా కిందకు పడుతుంది. ఈ పరిణామాలు ఎదురైతే.. అంతర్జాతీయంగా మార్కెట్లు నెగిటివ్​గా మారే అవకాశం లేకపోలేదు. అందుకే షార్ట్​ టర్మ్​ ట్రేడర్లు అప్రమత్తంగా ఉండాలి.

ఎస్​జీఎక్స్​ నిఫ్టీ..

దేశీయ స్టాక్​ మార్కెట్లు.. శుక్రవారం ట్రేడింగ్​ సెషన్​ను నష్టాలతో ప్రారంభించవచ్చు. ఎస్​జీఎక్స్​ నిఫ్టీ.. దాదాపు 20పాయింట్ల నష్టంలో ఉండటమే ఇందుకు కారణం.

స్టాక్స్​ టు బై..

Stocks to buy : ఫెడరల్​ బ్యాంక్​:- బై కరెంట్​ మార్కెట్​ ప్రైజ్​, స్టాప్​ లాస్​ రూ. 132, టార్గెట్​ రూ. 145

యూపీఎల్​:- బై కరెంట్​ మార్కెట్​ ప్రైజ్​, స్టాప్​ లాస్​ రూ. 710, టార్గెట్​ రూ. 745- 750

మహీంద్రా హాలిడేస్​ అండ్​ రిసార్ట్స్​:- బై రూ. 278, స్టాప్​ లాస్​ రూ. 269, టార్గెట్​ రూ. 295

బిర్లాసాఫ్ట్​:- బై రూ. 279, స్టాప్​ లాస్​ రూ. 273, టార్గెట్​ రూ. 289

స్టేట్​ బ్యాంక్​ ఆఫ్​ ఇండియా:- బై కరెంట్​ మార్కెట్​ ప్రైజ్​, స్టాప్​ లాస్​ రూ. 565, టార్గెట్​ రూ. 610

ఔరబిందో ఫార్మా:- బై రూ. 558, స్టాప్​ లాస్​ రూ. 554, టార్గెట్​ రూ. 580

(గమనిక:- ఇవి నిపుణులు సూచనలు మాత్రమే. ఇది కేవలం సమాచారం కోసం రాసిన కథనం మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ట్రేడ్​ తీసుకునే ముందు ట్రేడర్లకు సొంతంగా ఎనాలసిస్​ ఉండటం శ్రేయస్కరం.)