New Royal Enfield bikes : రాయల్ ఎన్ఫీల్డ్ కొత్త బైక్స్ లిస్ట్- ఓ లుక్కేయండి!
New Royal Enfield bikes 2022 : రాయల్ ఎన్ఫీల్డ్ కొత్త బైక్స్ లాంచ్ చేసేందుకు సన్నద్ధమవుతోంది. ఆ వివరాలు చూసేయండి..
New Royal Enfield bikes 2022 : రాయల్ ఎన్ఫీల్డ్.. ఈ పేరు వింటేనే బైక్ లవర్స్కు కిక్ వచ్చేస్తుంది! ఇక రాయల్ ఎన్ఫీల్డ్ బైక్ మీద చక్కర్లు కొట్టాలని యువత కలలు కంటుంది. అందుకు తగ్గట్టుగానే కొత్త బైక్స్తో ఎప్పటికప్పుడు భారతీయులను పలకరిస్తుంది రాయల్ ఎన్ఫీల్డ్. ఇక ఇప్పుడు రాయల్ ఎన్ఫీల్డ్కి సంబంధించి అదిరిపోయే వార్త ఒకటి బయటకొచ్చింది. ఇండియా మార్కెట్లోకి త్వరలోనే కొత్త బైక్స్ను లాంచ్ చేసేందుకు రాయల్ ఎన్ఫీల్డ్ సన్నద్ధమవుతోంది! బైక్స్ వివరాలు చూసేద్దామా..
ట్రెండింగ్ వార్తలు
బుల్లెట్ 350
Royal Enfield Bullet 350 : జే ఫ్లాట్ఫామ్ మీద వస్తున్న చివరి బైక్ ఈ బుల్లెట్ 350. ప్రస్తుతం ఉన్న యూసీఈ బుల్లెట్ 350ని ఇది రిప్లేస్ చేస్తుంది. ఇటీవలే లాంచ్ అయిన హంటర్ 350 కన్నా మించి ఇది ఉంటుందని మార్కెట్లో అంచనాలు ఉన్నాయి. దీని ఇంజిన్, ఛాసీస్ క్లాసిక్ 350తో పోలి ఉంటుందని, అయితే డిజైన్లో మార్పులు ఉండొచ్చని తెలుస్తోంది.
హిమాలయన్ 450
Royal Enfield Himalayan 450 : హిమాలయన్ కొత్త వర్షెన్పై రాయల్ ఎన్ఫీల్డ్ కసరత్తులు చేస్తోంది. ప్రస్తుతం ఉన్న దాని కన్న కొత్త వర్షెన్ మరింత పవర్ఫుల్ అని తెలుస్తోంది. ఇది 450సీసీ కెపాసిటీ బైక్ అని సమాచారం. ప్రస్తుతం 411సీసీ కెపాసిటీ మాత్రమే ఉంది. మరీ ముఖ్యంగా.. హిమాలయన్ 450లో లిక్విడ్ కూల్డ్ ఇంజిన్ ఉంటుందని తెలుస్తోంది. ఇదే నిజమైతే.. రాయల్ ఎన్ఫీల్డ్ ఇలాంటి ఇంజిన్ను వాడటం ఇదే తొలిసారి అవుతుంది.
స్క్రామ్ 450
Royal Enfield Scram 450 : హిమాలయన్ 450ని కొద్దిగా మాడిఫై చేసి స్క్రామ్ 450ని తీసుకొచ్చేందుకు రాయల్ ఎన్ఫీల్డ్ ప్రణాళికలు రచిస్తోంది! అలాయ్ వీల్స్, సింగిల్ పీస్ డిజైన్ ఇందులో ఉండొచ్చు.
సూపర్ మెటియోర్ 650
Royal Enfield Super Meter 650 : ఇది రాయల్ ఎన్ఫీల్డ్ ఫ్లాగ్షిప్ క్రూజర్. ఫార్వర్డ్ సీట్ ఫుట్పెగ్స్, అప్ స్విఫ్ట్ హ్యాండిల్ బార్, స్కూప్డ్ ఔట్ సీట్ ఇందులో ఉంటాయని తెలుస్తోంది.
షార్ట్గన్ 650
Royal Enfield Shortgun 650 : ఎస్జీ650 కాన్సెప్ట్ను రాయల్ ఎన్ఫీల్డ్ ప్రదర్శించింది. దీనిని షార్ట్గన్ 650గా పిలుస్తారని తెలుస్తోంది. ఇందులో సింగిల్ సీట్, ఛాప్డ్ ఫెండర్, సెంటర్ సెట్ ఫుట్ పెగ్స్ ఉండొచ్చు.
స్క్రాంబిల్ 650
Royal Enfield Scramble 650 : చెన్నైలో స్క్రాంబిల్ 650 టెస్ట్ డ్రైవ్ జరిగినట్టు తెలుస్తోంది. ఇది చాలా ఆకర్షణీయమైన డిజైన్తో వస్తోంది.
కాంటినెంటల్ జీటీ 650
Continental GT 650 : ఇది కూడా టెస్ట్ డ్రైవ్ జరిగినట్టు సమాచారం ఉంది. ఇందులో టెయిల్ ల్యాంప్ డిజైన్ కొత్తగా ఉంది.
ఒక్కో వర్షెన్కు సంబంధించి ప్రస్తుతం పూర్తి వివరాలు లేవు. రాయల్ ఎన్ఫీల్డ్.. వీటిపై డిటైల్స్ను ప్రకటించాల్సి ఉంది. అప్పుడే కొత్త మోడల్స్పై మరింత సమాచారం లభిస్తుంది.
సంబంధిత కథనం
టాపిక్