Tips for good credit score: మీ క్రెడిట్ స్కోర్ బావుండాలంటే తప్పకుండా ఈ టిప్స్ ఫాలో కండి..

Tips for good credit score: రుణం తీసుకోవడమైనా, కొత్త క్రెడిట్ కార్డుకు దరఖాస్తు చేసినా బ్యాంకులు మీ దరఖాస్తును ఆమోదించే ముందు మీ క్రెడిట్ స్కోర్ ను పరిశీలిస్తాయి. అధిక క్రెడిట్ స్కోర్ మీకు సౌకర్యవంతమైన షరతులతో రుణాన్ని పొందడానికి సహాయపడటమే కాకుండా, తక్కువ వడ్డీ రేటుతో రుణం పొందడానికి కూడా మీకు సహాయపడుతుంది.

650 కంటే తక్కువ ఉంటే..

మీ క్రెడిట్ స్కోర్ ను ఎప్పటికప్పుడు తనిఖీ చేయాలి. మీ స్కోరు అంతగా ఆకట్టుకోని కేటగిరీలోకి వస్తే, అంటే అది 650 కంటే తక్కువలోకి వస్తే, క్రెడిట్ స్కోర్ ను ఇంప్రూవ్ చేసుకోవడానికిి చర్యలు చేపట్టాల్సిన సమయం వచ్చిందని అర్థం. మీ స్కోరును గణనీయంగా మెరుగుపరచడంలో మీకు సహాయపడే కొన్ని ఉపయోగకరమైన చిట్కాలను ఇక్కడ మేము పంచుకుంటాము.

మంచి క్రెడిట్ స్కోర్ కోసం 5 చిట్కాలు

మీ బిల్లులను సకాలంలో చెల్లించండి

ముందుగా, మీ చెల్లింపులను పెండింగ్ లో పెట్టకండి. మీ బిల్లులను సకాలంలో క్లియర్ చేసేలా చూసుకోవాలి. మొత్తంతో సంబంధం లేకుండా - పెద్దదైనా లేదా చిన్నదైనా - గడువు తర్వాత బకాయి మొత్తం సున్నాకు చేరాలని గుర్తుంచుకోండి. కొన్ని తీవ్రమైన పరిస్థితులలో, మీరు కనీస మొత్తం చెల్లించాలనుకోవచ్చు. కానీ, ప్రతీ చెల్లింపునకు అదే పద్ధతి ఫాలో కాకండి. మీరు బిల్లు చెల్లింపును ఆలస్యం చేసినప్పుడు, అది మీ క్రెడిట్ స్కోరుపై ప్రతికూల ప్రభావాన్ని చూపుతుంది.

సీయూఆర్ ను ఆప్టిమమ్ గా ఉంచుకోండి

మీ క్రెడిట్ స్కోర్ ను ప్రభావితం చేసే మరో కీలక అంశం మీ క్రెడిట్ యుటిలైజేషన్ రేషియో (CUR). అద్భుతమైన క్రెడిట్ స్కోర్ ను నిర్వహించడానికి, మీరు మీ సియుఆర్ ను 30 శాతం కంటే తక్కువగా ఉంచాలి. సీయూఆర్ అంటే మీరు క్రెడిట్ కార్డుతో ఖర్చు చేసిన మొత్తం, మరియు మీ మొత్తం క్రెడిట్ లిమిట్ ల నిష్పత్తి. ఉదాహరణకు, మీకు అందుబాటులో ఉన్న క్రెడిట్ లిమిట్ రూ .10 లక్షలు అయితే, అందులో మీరు రూ .4 లక్షలు ఉపయోగిస్తే, అప్పుడు మీ సియుఆర్ 40 శాతం ఉంటుంది. మీ సీయూఆర్ ను 30% లోపు ఉండేలా చూసుకోండి. 30% దాటితే క్రెడిట్ స్కోర్ పై ప్రతికూల ప్రభావం పడుతుంది.

తగిన సంఖ్యలో కార్డులను ఉంచుకోండి

పైన పేర్కొన్నట్లుగా, సీయూఆర్ 30% గా ఉండాలంటే, ఒకటికి మించిన కార్డులను మెయింటైన్ చేయండి. అంటే, ఒక కార్డుపై సీయూఆర్ 30% మించి ఉంటే, ఆ ఖర్చును వేరే కార్డుతో చేయండి. కార్డు వినియోగదారులు తమ CUR పరిధిలో ఖర్చు చేయాలి. అందువల్ల, మీ అవసరం మొత్తం క్రెడిట్ పరిమితి కంటే ఎక్కువగా ఉంటే, మీ క్రెడిట్ పరిమితిని పెంచడానికి మీరు మరొక క్రెడిట్ కార్డును తీసుకోవచ్చు. దీని అర్థం మరిన్ని కార్డులు మీ క్రెడిట్ స్కోర్ ను మెరుగుపరచడంలో మీకు సహాయపడతాయి.

రుణ మొత్తం

క్రెడిట్ స్కోర్ మెయింటైన్ చేయడానికిమరో ముఖ్య చిట్కా ఏమిటంటే, మీకు అవసరమైన మొత్తాన్ని మాత్రమే రుణంగా తీసుకోవాలి. అవసరానికి మించి రుణం తీసుకోకూడదు. ఎందుకంటే రుణ మొత్తం ఎంత ఎక్కువగా ఉంటే దీర్ఘకాలంలో తిరిగి చెల్లించడం కష్టమవుతుంది. భవిష్యత్తులో మీకు నిజంగా నిధులు అవసరమైనప్పుడు రుణం తీసుకునే మీ సామర్థ్యాన్ని కూడా ఇది ప్రభావితం చేస్తుంది.

రైట్ క్రెడిట్ మిక్స్

మంచి క్రెడిట్ స్కోర్ మెయింటైన్ చేయడానికిమరో ముఖ్యమైన చిట్కా ఆరోగ్యకరమైన క్రెడిట్ మిక్స్ కలిగి ఉండటం. ఆరోగ్యకరమైన క్రెడిట్ మిక్స్ లో సెక్యూర్డ్ రుణాలు, అన్ సెక్యూర్డ్ రుణాలు, క్రెడిట్ కార్డ్ డెట్ వంటి వివిధ కేటగిరీల రుణాలు ఉన్నాయి.