Changes from May 1 : మే 1 నుంచి ఈ విషయాల్లో భారీ మార్పులు.. కచ్చితంగా తెలుసుకోవాలి-4 key money changes to come into effect from may 1 check list here ,బిజినెస్ న్యూస్
తెలుగు న్యూస్  /  బిజినెస్  /  Changes From May 1 : మే 1 నుంచి ఈ విషయాల్లో భారీ మార్పులు.. కచ్చితంగా తెలుసుకోవాలి

Changes from May 1 : మే 1 నుంచి ఈ విషయాల్లో భారీ మార్పులు.. కచ్చితంగా తెలుసుకోవాలి

Sharath Chitturi HT Telugu
Apr 30, 2024 01:45 PM IST

Changes from May 1 : యెస్ బ్యాంక్, ఐసీఐసీఐ బ్యాంక్, హెచ్​డీఎఫ్​సీ బ్యాంక్ వంటి ప్రధాన ఆర్థిక సంస్థలు మే 1, 2024 నుంచి సేవింగ్స్ ఖాతా ఛార్జీలు, క్రెడిట్ కార్డ్ నిబంధనలను మార్చుతున్నాయి. ఆ వివరాలు..

4 key money changes in May 2024
4 key money changes in May 2024

Changes from May 1 2024 : మే 1 నుంచి పలు ఆర్థికపరమైన విషయాల్లో కీలక మార్పులు చోటుచేసుకోనున్నాయి. యెస్ బ్యాంక్, ఐసిఐసిఐ బ్యాంక్ వంటి పెద్ద సంస్థలు తమ పొదుపు ఖాతా ఛార్జీలు, క్రెడిట్ కార్డు నిబంధనల్ మే 1 నుంచి మార్పులు చేయనున్నాయి. ఇదిలా ఉంటే, హెచ్​డీఎఫ్​సీ బ్యాంక్ సీనియర్ సిటిజన్స్ స్పెషల్ ఎఫ్​డీ మే 10 తో ముగియనుంది. వచ్చే నెల నుంచి మిమ్మల్ని ప్రభావితం చేసే అన్ని ఫైనాన్షియల్ అప్​డేట్స్​ని ఇక్క తెలుసుకోండి..

ఐసీఐసీఐ బ్యాంక్ సేవింగ్స్ అకౌంట్ సర్వీస్ ఛార్జీలు..

ఐసీఐసీఐ బ్యాంక్ ఇటీవల చెక్ బుక్ జారీ, ఐఎంపీఎస్, ఈసీఎస్/ఎన్ఏసీహెచ్ డెబిట్ రిటర్న్స్, స్టాప్ పేమెంట్ ఛార్జీలు సహా వివిధ సేవలకు సర్వీస్ ఛార్జీలను సవరించింది. ఈ అప్​డేట్స్​ మే 1, 2024 నుంచి అమల్లోకి వస్తాయని ఐసీఐసీఐ బ్యాంక్ వెబ్​సైట్​లో ఉంది. ఈ విషయాన్ని ముందే తెలుసుకుంటే మీరు షాక్​ అవ్వాల్సిన పని ఉండదు.

హెచ్​డీఎఫ్​సీ బ్యాంక్ సీనియర్ సిటిజన్ కేర్ ఎఫ్ డీకి గడువు పొడిగింపు..

Money changes from May 1 : సీనియర్ సిటిజన్ల కోసం ప్రత్యేకంగా రూపొందించిన ఫిక్స్​డ్ డిపాజిట్ స్కీమ్​లో ఇన్వెస్ట్ చేయడానికి హెచ్​డీఎఫ్​సీ బ్యాంక్ గడువును పొడిగించింది. సీనియర్ సిటిజన్ కేర్ ఎఫ్​డీగా పిలిచే ఈ ప్రత్యేక పథకం అధిక వడ్డీ రేట్లను అందిస్తుంది. మే 2020 లో ప్రారంభించిన ఈ స్కీమ్​లో పెట్టుబడి పెట్టేందుకు మే 10, 2024 వరకు గడువు ఉంది.

యుటిలిటీ ట్రాన్సాక్షన్ ఫీజు మార్పు..

ఐడీఎఫ్​సీ ఫస్ట్ బ్యాంక్.. యుటిలిటీ ట్రాన్సాక్షన్​ ఫీజును తీసుకొచ్చింది. యుటిలిటీ బిల్లు చెల్లింపులకు సంబంధించి ఐడీఎఫ్​సీ ఫస్ట్ బ్యాంక్ తన క్రెడిట్ కార్డు విధానంలో మార్పును మే 1, 2024 నుంచి అమలు చేస్తుంది. కొత్త విధానం ప్రకారం, స్టేట్మెంట్ సైకిల్లో రూ .20,000 కంటే ఎక్కువ యుటిలిటీ బిల్లులకు క్రెడిట్ కార్డు చెల్లింపులకు జీఎస్​టీతో పాటు 1% సర్ఛార్జ్ వర్తిస్తుంది. అయితే, ఫస్ట్ ప్రైవేట్ క్రెడిట్ కార్డు, ఎల్ఐసీ క్లాసిక్ క్రెడిట్ కార్డు, ఎల్ఐసీ సెలెక్ట్ క్రెడిట్ కార్డును ఉపయోగించి చేసే లావాదేవీలకు ఈ సర్ఛార్జ్ వర్తించదు.

యెస్ బ్యాంక్

  1. Financial changes from May 1 2024 సేవింగ్స్ అకౌంట్ ఛార్జీలు: ప్రైవేట్ రంగ రుణదాత అయిన యస్ బ్యాంక్ తన పొదుపు ఖాతా ఛార్జీల షెడ్యూల్​ని అప్డేట్ చేసింది. 2024 మే 1 నుంచి ఈ మార్పులు అమల్లోకి వస్తాయని యెస్ బ్యాంక్ వెబ్​సైట్​లో ఉన్న అధికారిక ప్రకటన తెలిపింది. బ్యాంక్ కొన్ని ఖాతా రకాలను కూడా నిలిపివేసింది.

2. క్రెడిట్ కార్డ్ యుటిలిటీ ట్రాన్సాక్షన్ ఫీజులో మార్పులు: 'ప్రైవేట్' క్రెడిట్ కార్డ్ రకం మినహా.. మే 1, 2024 నుంచి యెస్ బ్యాంక్ తన క్రెడిట్ కార్డు పాలసీలలోని వివిధ అంశాలను సవరించింది.

యెస్ బ్యాంక్ వెబ్​సైట్​లో తాజా అప్డేట్ ప్రకారం, గ్యాస్ చెల్లింపులతో సహా ఒకే స్టేట్మెంట్ సైకిల్లో మొత్తం రూ .15,000 కంటే ఎక్కువ యుటిలిటీ లావాదేవీలు, విద్యుత్, ఇతర సేవలకు జీఎస్​టీతో పాటు 1 శాతం పన్ను చెల్లించాల్సి ఉంటుంది. అయితే, యెస్ బ్యాంక్ ప్రైవేట్ క్రెడిట్ కార్డును ఉపయోగించి చేసే లావాదేవీలకు ఈ అదనపు రుసుము వర్తించదు.

WhatsApp channel

సంబంధిత కథనం