2025 Toyota Camry : సరికొత్తగా ప్రీమియం సెడాన్​ టయోటా కామ్రీ- లాంచ్​ ఎప్పుడంటే..

ఇండియాలో టయోటా కామ్రీ లేటెస్ట్​ వర్షెన్​ లాంచ్​కి రెడీ అవుతోంది. డీ- సెగ్మెంట్​ సెడాన్​ విభాగంలో కామ్రీ డిసెంబర్​ 11న ఇండియాలో అడుగుపెట్టనుంది. విడుదల తర్వాత, కొత్త తరం టయోటా కామ్రీ సెడాన్ తాజా స్కోడా సూపర్బ్, బీవైడీ సీల్ ఈవీ వంటి మోడళ్లతో పోటీ పడుతుంది.

తొమ్మిదో తరం కామ్రీని భారత్ లో స్థానికంగా ఉత్పత్తి చేయనున్నారు. 11ఏళ్ల క్రితం ఈ మోడల్​ తొలిసారి ఇండియాలో అడుగుపెట్టింది. అప్పటి నుంచి సంస్థకు బెస్ట్​ సెల్లింగ్​ మోడల్స్​లో ఒకటిగా నిలిచింది.

రాబోయే టయోటా కామ్రీ భారతదేశంలో అందుబాటులో ఉన్న ప్రస్తుత మోడల్​తో పోలిస్తే పూర్తిగా రీడిజైన్ పొందుతోందని చెప్పాలి. ఇది విశాలమైన ఫ్రంట్ గ్రిల్, యాంగ్యులర్​ హెడ్ ల్యాంప్​లను కలిగి ఉంది. ఇది దాని మునుపటి మోడల్​ కంటే భిన్నంగా ఉంటుంది! వెనుక డిజైన్ లెక్సస్ నుంచి ప్రేరణ పొందుతుంది. హెడ్ ల్యాంప్​లు ఇంటిగ్రేటెడ్ ఎల్​ఈడీ డేటైమ్ రన్నింగ్ లైట్లను కలిగి ఉన్నాయి. రేడియేటర్ గ్రిల్ ఆకర్షణీయమైన రూపాన్ని పొందుతుంది.

2025 టయోటా కామ్రీ- ఫీచర్లు..

ఎక్స్​టీరియర్ స్టైలింగ్​తో పాటు ఇంటీరియర్​లోనూ గణనీయమైన మార్పులు కనిపించొచ్చు. సెడాన్​లోని కొత్త క్యాబిన్ డ్యూయల్-డిజిటల్ డిస్​ప్లేతో వస్తుంది. అయినప్పటికీ సెంటర్ కన్సోల్​ని కొద్దిగా మాత్రమే మార్చారు. వెనుక సీటు బ్యాక్ స్క్రీన్లు, టైప్-సీ యూఎస్బీ ఛార్జింగ్ పోర్ట్స్​, విండో కర్టెన్లుస జేబీఎల్ ఆడియో సిస్టమ్ వంటి ఫీచర్లు ఈ సెడాన్​లో ఉన్నాయి. అదనంగా, వెనుక ప్రయాణీకులకు వ్యక్తిగత క్లైమేట్ జోన్లు లభిస్తాయి. కారు భారీ వీల్ బేస్ తగినంత లెగ్ రూమ్​ని తెస్తుంది.

2025 టయోటా కామ్రీ: ఇంజిన్- స్పెసిఫికేషన్లు..

కొత్త తరం టయోటా కామ్రీ సెడాన్ 2.5-లీటర్ నాలుగు సిలిండర్ల ఇంజన్ ను కలిగి ఉంది. ఇది గరిష్టంగా 222 బీహెచ్​పీ పవర్​ని ఉత్పత్తి చేస్తుంది. టయోటా కామ్రీ సెడాన్ అంతర్జాతీయ వేరియంట్ ఫ్రంట్-వీల్-డ్రైవ్ కాన్ఫిగరేషన్​ని కలిగి ఉన్నప్పటికీ, ఇది భారత మార్కెట్లో లభించే అవకాశం లేదు.

భారతదేశంలో విక్రయించే ప్రస్తుత టయోటా కామ్రీ 2.5 లీటర్ నాలుగు సిలిండర్ల పెట్రోల్ హైబ్రిడ్ ఇంజిన్​ని కలిగి ఉంది. ఇది 175.6 బీహెచ్​పీ పవర్​, 221 ఎన్ఎమ్ టార్క్ ఉత్పత్తి చేస్తుంది. రాబోయే జనరేషన్​లో ఇంధన సామర్థ్యం మెరుగుపడుతుందని భావిస్తున్నారు.