Best budget car : ఈ కారు ధర రూ.9లక్షల లోపే! లేటెస్ట్ అప్డేట్స్తో మిడిల్ క్లాస్కి పర్ఫెక్ట్ ఛాయిస్..
22025 Tata Tiago NRG : 2025 టియాగో ఎన్ఆర్జీ వచ్చేసింది. ఇందులో అనేక కొత్త ఫీచర్స్, సీఎన్జీ ఏఎంటీ ఆప్షన్ కూడా వస్తోంది. పూర్తి వివరాలను ఇక్కడ తెలుసుకోండి..
2025 టాటా టియాగో ఎన్ఆర్జీ తాజాగా మార్కెట్లోకి అడుగుపెట్టింది. లేటెస్ట్ వర్షెన్లో కొత్త ఫీచర్లు, స్టైలింగ్ అప్డేట్స్, కొత్త ట్రాన్స్మిషన్ ఆప్షన్ని టాటా మోటార్స్ ప్రవేశపెట్టింది. 2025 టాటా టియాగో ఎన్ఆర్జీ ధర ఇప్పుడు రూ .7.2 లక్షల నుంచి రూ .8.75 లక్షల (ఎక్స్-షోరూమ్) వరకు ఉంది. టాప్-స్పెక్ ఎక్స్జెడ్ వేరియంట్లో మాత్రమే లభిస్తుంది. ఎంట్రీ లెవల్ ఎక్స్టీ వేరియంట్ని సంస్థ నిలిపివేసింది. 2025 టియాగో మాదిరిగానే, కొత్త టియాగో ఎన్ఆర్జీ పెద్ద ఇన్ఫోటైన్మెంట్ స్క్రీన్ పొందుతుంది. ఈ నేపథ్యంలో ఈ మోడల్ విశేషాలను ఇక్కడ తెలుసుకుందాము..
2025 టాటా టియాగో ఎన్ఆర్జీ: కొత్తదేంటి?
2025 టాటా టియాగో ఎన్ఆర్జీ మైక్రో స్టైలింగ్ అప్డేట్స్తో వస్తుంది. ఇందులో కొత్త మ్యాట్ బ్లాక్ క్లాడింగ్తో రీడిజైన్ చేసిన బంపర్, ఫ్రెంట్- రేర్ భాగంలో మందపాటి సిల్వర్ స్కిడ్ప్లేట్ ఉన్నాయి. 15 ఇంచ్ స్టీల్ వీల్స్కు వేర్వేరు కవర్లు వస్తున్నాయి. టియాగో ఎన్ఆర్జీ సైడ్స్లో బ్లాక్ క్లాడింగ్ వస్తుంది. పైకప్పు నలుపు రంగులో ఉంటుంది.
2025 టాటా టియాగో ఎన్ఆర్జీ: ఇంటీరియర్ అప్డేట్స్..
వైర్లెస్ ఆండ్రాయిడ్ ఆటో, యాపిల్ కార్ప్లేతో కూడిన పెద్ద 10.25-ఇంచ్ ఇన్ఫోటైన్మెంట్ యూనిట్ సహా క్యాబిన్ మరింత గుర్తించదగిన మార్పులను పొందుతుంది. ఈ సెగ్మెంట్లోనే ఇదే అతిపెద్ద యూనిట్. రివర్స్ కెమెరా, ఆటో హెడ్ల్యాంప్, వైపర్స్, డిజిటల్ ఇన్స్ట్రుమెంట్ కన్సోల్ వంటి ఫీచర్లు ఇందులో ఉన్నాయి. ప్రామాణిక టియాగోతో పోలిస్తే, టియాగో ఎన్ఆర్జీలో సీట్లు, డోర్ ప్యాడ్లు, డ్యాష్బోర్డ్ సహా ఆల్-బ్లాక్ క్యాబిన్ ఉంది. 2025 టాటా టియాగో ఎన్ఆర్జీ కొత్త టూ-స్పోక్ స్టీరింగ్ వీల్.. ప్రకాశవంతమైన టాటా లోగో కలిగి ఉంది.
స్పెసిఫికేషన్లు..
టాటా టియాగో ఎన్ఆర్జీ 84.8 బీహెచ్పీ కోసం ట్యూన్ చేసిన 1.2-లీటర్ నేచురల్ ఆస్పిరేటెడ్ పెట్రోల్ ఇంజిన్య ఇది 5-స్పీడ్ మాన్యువల్. ఏఎంటీ యూనిట్తో కనెక్ట్ చేసి ఉంటుంది. సీఎన్జీ వర్షెన్ 71బీహెచ్పీ పవర్ని ఉత్పత్తి చేస్తుంది. 5-స్పీడ్ మాన్యువల్, ఏఎంటీ యూనిట్తో ఇది కనెక్ట్ చేసి ఉంటుంది. సీఎన్జీ-ఏఎంటీ మోడల్ సరికొత్త ఆప్షన్. గత సంవత్సరం టియాగో సిఎన్జిలో కూడా వచ్చిది.
ఈ అప్డేటెడ్ టాటా టియాగో ఎన్ఆర్జీ మారుతీ సుజుకీ స్విఫ్ట్, హ్యుందాయ్ గ్రాండ్ ఐ 10 నియోస్ సహా అనేక ఆఫర్లతో పోటీపడుతుంది.
Sharath Chitturi
సంబంధిత కథనం