సరికొత్తగా ప్రీమియం 7 సీటర్ ఎస్యూవీ- 2025 స్కోడా కొడియాక్ లాంచ్..
స్కోడా ఆటో ఇండియా తన ఫ్లాగ్షిప్ ఆఫర్ కొడియాక్ ఎస్యూవీకి చెందిన 2025 వర్షెన్ని తాజాగా భారతదేశంలో రూ. 46.89 లక్షల (ఎక్స్-షోరూమ్)కు లాంచ్ చేసింది. ఇందులో రెండు వేరియంట్లు అందుబాటులో ఉన్నాయి. పూర్తి వివరాల్లోకి వెళితే..
సెకెండ్ జనరేషన్ స్కోడా కొడియాక్ ఎస్యూవీ ఇండియాలో తాజాగా లాంచ్ అయ్యింది. ఈ ఫ్లాగ్షిప్ మోడల్ ఎక్స్షోరూం ధర రూ. 46.89 వద్ద ప్రారంభమవుతుంది. దిల్లీలో జరిగిన భారత్ మొబిలిటీ గ్లోబల్ ఎక్స్పో 2025లో తొలిసారి ప్రదర్శించిన ఈ స్కోడా కొడియాక్ని భారత్లోనే అసెంబుల్ చేయనున్నారు. కొత్తగా లాంచ్ అయిన ఎస్యూవీని స్పోర్ట్లైన్, లారిన్ అండ్ క్లెమెంట్ అనే రెండు వేరియంట్లలో అందిస్తున్నారు. లారిన్ అండ్ క్లెమెంట్ వేరియంట్ ఎక్స్ షోరూమ్ ధర రూ.48.69 లక్షలు.
సరికొత్త డిజైన్, ప్రీమియం ఫీచర్లు, పనితీరుతో 2025 స్కోడా కొడియాక్ భారతదేశ ప్రీమియం ఎస్యూవీ సెగ్మెంట్లో ఉన్న పోటీని మరింత పెంచనుంది. టయోటా ఫార్చ్యూనర్, వోక్స్ వ్యాగన్ టిగువాన్ ఆర్-లైన్, జీప్ మెరిడియన్ వంటి మోడళ్లకు గట్టి పోటీ ఇవ్వనుంది. ఈ నేపథ్యంలో ఈ ఎస్యూవీ వివరాలను ఇక్కడ తెలుసుకోండి..
2025 స్కోడా కొడియాక్: ఇంజిన్..
కొడియాక్ ఎస్యూవీలో 2.0-లీటర్, 4 సిలిండర్, టర్బోఛార్జ్డ్ పెట్రోల్ ఇంజిన్ ఉంటుంది. ఇది 201 బీహెచ్పీ పవర్, 320 ఎన్ఎమ్ గరిష్ట టార్క్ని జనరేట్ చేస్తుంది. ఈ యూనిట్ ప్రస్తుత కొడియాక్ కంటే 14 బీహెచ్పీ ఎక్కువ శక్తిని అందిస్తుంది. 7-స్పీడ్ డీసీటీ ఆటోమేటిక్ ట్రాన్స్మిషన్ ఇందులో ఉంటుంది. అదనంగా, ఈ కొత్త తరం కొడియాక్ లీటరుకు 14.86 కిలోమీటర్ల మైలేజ్ ఇస్తుందని కార్ల తయారీ సంస్థ పేర్కొంది.
2025 స్కోడా కొడియాక్: ఎక్స్టీరియర్
కొత్త కొడియాక్ స్కోడా ఎస్యూవీ లేటెస్ట్, మోడర్న్ సాలిడ్ డిజైన్ లాంగ్వేజ్ని కలిగి ఉంది, ఇది షార్ప్ అండ్ కమాండింగ్ రోడ్ ప్రెసన్స్ని ఇస్తుంది. బోల్డ్ బటర్ ఫ్లై గ్రిల్, ఫాగ్ ల్యాంప్స్తో కూడిన యాంగ్యులర్ హెడ్ల్యాంప్స్, టెయిల్ గేట్ అంతటా అట్రాక్టివ్ లైట్స్ట్రిప్ని కలిగి ఉన్న రీడిజైన్డ్ రేర్ లైట్లు వంటి అప్గ్రేడ్స్ ఈ ఎస్యూవీకి లభించాయి.
ఈ సెకెండ్ జనరేషన్ ఎస్యూవీ పొడవు 4,758 ఎంఎం. ఇది మునుపటితో పోలిస్తే 61 ఎంఎం ఎక్కువ! దీని వెడల్పు కొద్దిగా తగ్గి 1,864 మిల్లీమీటర్లకు చేరింది. ఎత్తు 1,659 మిల్లీమీటర్లు కాగా, వీల్ బేస్ 2,971 ఎంఎంగా ఉంది. అదనంగా, కొడియాక్ కొత్తగా డిజైన్ చేసిన అల్లాయ్ వీల్స్ 17 నుంచి 20 ఇంచ్ పరిమాణంలో లభిస్తాయి.
2025 స్కోడా కొడియాక్: ఇంటీరియర్..
ఇంటిరీయర్ విషయానికొస్తే సరికొత్త కొడియాక్ సౌకర్యం, సాంకేతికతకు ప్రాధాన్యత ఇస్తుంది. దీని పొడిగించిన పొడవు ఎక్కువ క్యాబిన్ స్పేస్, బూట్ సామర్థ్యాన్ని ఇస్తుంది. 7-సీటర్ కాన్ఫిగరేషన్తో కొనసాగే అవకాశం ఉన్న ఈ ఎస్యూవీలో ఇప్పుడు అనేక అధునాతన ఫీచర్లు కూడా చేరాయి. ఇందులో 13 ఇంచ్ టచ్స్క్రీన్ ఇన్ఫోటైన్మెట్ సిస్టెమ్, 10.25 ఇంచ్ డిజిటల్ డ్రైవర్ డిస్ప్లే, హెడ్స్-అప్ డిస్ప్లే వంటివి ఉన్నాయి. న్యూ జనరేషన్తో స్కోడా న్యూ స్మార్ట్ డయల్ సెటప్ని సంస్థ పరిచయం చేసింది. ఇది ఇన్ఫోటైన్మెంట్ స్క్రీన్ కింద ఉంటుంది. అనేక ఫంక్షన్స్ని ఇది కంట్రోల్ చేస్తుంది. వైర్లెస్ యాపిల్ కార్ప్లే, ఆండ్రాయిడ్ ఆటో, 14-స్పీకర్ల కాంటోన్ సౌండ్ సిస్టెమ్, యాంబియంట్ లైటింగ్, హీటింగ్- కూలింగ్తో కూడిన పవర్డ్ ఫ్రెంట్ సీట్స్, పనోరమిక్ సన్రూఫ్, వైర్లెస్ ఛార్జింగ్, మల్టీ యూఎస్బీ టైప్-సి పోర్ట్స్ వంటివి ఇతర ప్రీమియం ఫీచర్లు.
2025 స్కోడా కొడియాక్: సేఫ్టీ..
ఈ ఎస్యూవీ అడ్వాన్స్డ్ డ్రైవర్ అసిస్టెన్స్ సిస్టెమ్స్ (ఏడీఏఎస్) తో వస్తుంది. ఇది లేన్ కీపింగ్ అసిస్ట్, అడాప్టివ్ క్రూయిజ్ కంట్రోల్ వంటి ఫీచర్లను అందిస్తుంది. ఇందులో తొమ్మిది ఎయిర్ బ్యాగులు, ఎలక్ట్రానిక్ స్టెబిలిటీ ప్రోగ్రామ్ (ఇఎస్పి), హిల్ హోల్డ్ కంట్రోల్ మరియు హిల్ డిసెంట్ అసిస్ట్ వంటివి ఉన్నాయి.
సంబంధిత కథనం