Best retro bike : ఇది కదా అసలు సిసలైన రెట్రో బైక్ అంటే! యువతకు పిచ్చెక్కించే డిజన్తో..
యువతకు పిచ్చెక్కించే డిజైన్, లుక్స్తో సరికొత్త రెట్రో స్టైల్డ్ బైక్స్ ఇండియాలో లాంచ్కు రెడీ అవుతున్నాయి. వీటితో ఇండియన్ స్కౌట్ సిక్స్టీ ఇండియాలో రీ-లంచ్ అవుతోంది. ఆ వివరాలు..
ఇండియన్ స్కౌట్ సిక్స్టీ ఇండియాలో రీ-లంచ్ అవుతోంది! అదిరిపోయే రెట్రో లుక్స్తో రెండు కొత్త బైక్స్ని జనవరి 2025లో సంస్థ లాంచ్ చేయనుంది. వీటి పేర్లు స్కౌట్ సిక్స్టీ క్లాసిక్, స్కౌట్ సిక్స్టీ బాబర్. ఇవి యూరో5+ ప్రమాణాలకు అనుగుణంగా కొత్త ఇంజిన్తో వస్తున్నాయి. రెండు బైక్స్ ఆధునిక ఫీచర్లు, కొత్త డిజైన్ని కలిగి ఉన్నాయి.
స్కౌట్ సిక్స్టీ క్లాసిక్ యూఎస్ తయారీదారుకు చెందిన సిగ్నేచర్ ఫ్లేర్డ్ ఫెండర్లతో పాటు ప్రీమియం క్రోమ్ టచ్ని తెస్తుంది. క్లాసిక్ 654 ఎంఎం సీట్ హైట్తో రిలాక్స్డ్ ఎర్గోనామిక్స్, 16-ఇంచ్ మెషిన్డ్ అల్లాయ్స్ కలిగి ఉంది.
స్కౌట్ సిక్స్టీ బాబర్ 649 ఎంఎం సోలో బాబర్-స్టైల్ సీటుతో మరింత ఆకర్షణీయంగా కనిపిస్తోంది. ఇది 16-ఇంచ్ కాస్ట్ అల్లాయ్ వీల్స్పై ప్రయాణిస్తుంది. బాబర్ సౌందర్యాన్ని నొక్కిచెప్పే మినిమలిస్టిక్ విధానాన్ని అందిస్తుంది. రెండు మోడళ్లలో 120 ఎంఎం టెలిస్కోపిక్ ఫ్రంట్ ఫోర్కులు ఉండగా, క్లాసిక్ 76 ఎంఎం డ్యూయల్ రేర్ షాక్ అబ్సార్బర్స్ని కలిగి ఉంది. బాబర్కి ది 51 ఎంఎం.
2025 ఇండియన్ స్కౌట్ సిక్స్టీ: కొత్త ఇంజిన్..
2025 స్కౌట్ సిక్స్టీ శ్రేణిలో రీడిజైన్ చేసిన స్పీడ్ప్లస్ 999 సీసీ ఇంజిన్ ఉంది. ఇది కొత్త రైడర్ల కోసం అప్రోచబుల్ పవర్ట్రెయిన్ని తీసుకురావాలని లక్ష్యంగా పెట్టుకుంది. ఈ లిక్విడ్ కూల్డ్ వీ-ట్విన్ ఇంజిన్ 85 బీహెచ్పీ పవర్, 87 ఎన్ఎమ్ టార్క్ ఉత్పత్తి చేస్తుంది. వీ-ట్విన్ 5-స్పీడ్ గేర్ బాక్స్తో వస్తుంది. మల్టీ-ప్లేట్ క్లచ్తో కనెక్ట్ చేసి ఉంటుంది.
2025 ఇండియన్ స్కౌట్ సిక్స్టీ: వేరియంట్లు..
బాబర్, క్లాసిక్ రెండూ.. స్టాండర్డ్ అండ్ లిమిటెడ్ అని పిలిచే రెండు వేరియంట్స్లో అందుబాటులోకి వస్తాయి. స్టాండర్డ్ వేరియంట్తో రెండు మోడళ్లకు ఏబీఎస్ ఫంక్షనాలిటీ, ఎల్ఈడీ లైటింగ్ ఉంది. ఈ బైక్లు రీజనరేటెడ్ టెక్ సూట్ కోసం కొత్త ఫ్యూయల్ గేజ్ని, పెద్ద బ్యాటరీని కలిగి ఉంటాయి. రెట్రో బైక్స్ని అనలాగ్ క్లస్టర్కు పరిమితం చేయడం జరిగింది. కానీ ఇండియన్ ఆప్షనల్ యాడ్-ఆన్గా రైడ్ కమ్ టచ్స్క్రీన్ డిస్ప్లేను అందిస్తుంది.
ఛార్జింగ్ కోసం యూఎస్బీ పోర్ట్, క్రూయిజ్ కంట్రోల్- ట్రాక్షన్ కంట్రోల్ వంటి ఫీచర్లు ఉండనున్నాయి. భిన్న రైడింగ్ పరిస్థితులకు అనుగుణంగా మూడు విభిన్న థ్రోటెల్ రెస్పాన్స్ కాన్ఫిగరేషన్లతో రైడ్ మోడ్లను ఈ వేరియంట్లలో ప్రామాణికంగా అందిస్తున్నారు. లిమిటెడ్ వేరియంట్లో ప్రత్యేకమైన 999 సీసీ ఇంజిన్, ఫ్రేమ్ బ్యాడ్జింగ్ ఉన్నాయి.
క్లాసిక్ ట్రిమ్లో రెండు మోడళ్లు బ్లాక్ మెటాలిక్ కలర్ ఆప్షన్ను పొందుతుండగా, లిమిటెడ్ ప్రతిదానికి ఒక అదనపు ఆప్షన్ని తీసుకువస్తుంది. ఇండియన్ స్కౌట్ సిక్స్టీ బాబర్ లిమిటెడ్ హెవీ మెటల్ కలర్ స్కీమ్ని కలిగి ఉండగా, స్కౌట్ సిక్స్టీ క్లాసిక్ ఫ్రాస్ట్ సిల్వర్ ఎంపికను పొందుతుంది. భారతదేశంలో రెండు మోడళ్ల ధరల వివరాలు ప్రస్తుతం అందుబాటులో లేవు. లాంచ్ టైమ్కి క్లారిటీ వస్తుంది.
