Family scooter : కొత్త అప్డేట్స్​తో బెస్ట్​​ ఫ్యామిలీ స్కూటర్​ లాంచ్​- హోండా యాక్టివా ధర ఎంతంటే..

హోండా మోటార్ సైకిల్ అండ్ స్కూటర్ ఇండియా (హెచ్ఎంఎస్ఐ) 2025 యాక్టివా 110 స్కూటర్​ని విడుదల చేసింది. 2025 హోండా యాక్టివా ధర రూ .80,950 (ఎక్స్-షోరూమ్) నుంచి ప్రారంభమవుతుంది. ఈ స్కూటర్​ ఇప్పుడు ఓబీడీ -2బీ కంప్లైంట్. డిజిటల్ ఇన్​స్ట్రుమెంట్ కన్సోల్​ సహా కొత్త ఫీచర్లు ఇందులో వస్తున్నాయి.

2025 హోండా యాక్టివా: అప్​గ్రేడ్స్​..

అప్​డేటెడ్ యాక్టివా అదే సుపరిచిత డిజైన్​ని కలిగి ఉంది. ఇందులో మూడు వేరియంట్లు ఉన్నాయి. అవి.. ఎస్​టీడీ, డీఎల్ఎక్స్, హెచ్-స్మార్ట్. హెచ్-స్మార్ట్ ట్రిమ్​తో పాటు డీఎల్​ఎక్స్ వేరియంట్​లో.. అల్లాయ్ వీల్స్​ఉంటాయి. పెర్ల్ ప్రెసియస్ వైట్, డీసెంట్ బ్లూ మెటాలిక్, పెర్ల్ ఇగ్నియస్ బ్లాక్, మ్యాట్ యాక్సిస్ గ్రే మెటాలిక్, రెబల్ రెడ్ మెటాలిక్, పెర్ల్ సైరన్ బ్లూ వంటి కలర్స్​లో ఈ స్కూటర్​ అందుబాటులోకి రానుంది.

లాంచ్​ సందర్భంగా హెచ్ఎంఎస్ఐ సేల్స్ అండ్ మార్కెటింగ్ డైరెక్టర్ యోగేష్ మాథుర్ మాట్లాడుతూ.. “యాక్టివా కేవలం స్కూటర్ మాత్రమే కాదు. ఇది భారతదేశంలోని కోట్లాది కుటుంబాలకు నమ్మకమైన సహచారి. 'స్కూటర్ బోలే తో యాక్టివా' అనే ట్యాగ్​లైన్​కి సగర్వంగా కట్టుబడి ఉంది,” అని అన్నారు. “బ్లూటూత్ కనెక్టివిటీ- నావిగేషన్​తో కూడిన 4.2-ఇంచ్​ టిఎఫ్​టీ డిస్​ప్లే, ఐడ్లింగ్ స్టాప్ సిస్టమ్, యూఎస్బీ టైప్-సీ ఛార్జింగ్ పోర్ట్ వంటి స్మార్ట్ ఫీచర్లతో కొత్త 2025 యాక్టివా వస్తోంది. భారతదేశానికి ఎంతో ఇష్టమైన స్కూటర్​గా, యాక్టివా ఎల్లప్పుడూ సౌలభ్యం, విశ్వసనీయతకు పర్యాయపదంగా ఉంది. ఓబీడీ2బీ మోడల్​ను ప్రవేశపెట్టడం ద్వారా పరిశుభ్రమైన భవిష్యత్తు దిశగా మరో అడుగు ముందుకు వేయడం సంతోషంగా ఉంది,” అని తెలిపారు.

2025 హోండా యాక్టివా స్పెసిఫికేషన్లు

కొత్త యాక్టివాలో 109.51 సీసీ సింగిల్ సిలిండర్ ఇంజిన్ ఉంది. ఇది తాజా ఓబీడీ -2బీ ఉద్గార నిబంధనలకు అనుగుణంగా ఉంటుంది. ఇది స్కూటర్​పై టెయిల్ పైప్ ఉద్గారాల మెరుగైన రీడబిలిటీని నిర్ధారిస్తుంది. 8,000 ఆర్​పీఎమ్ వద్ద ఈ స్కూటర్​ 7.8 బీహెచ్​పీ పవర్, 5,500 ఆర్​పీఎమ్ వద్ద 9.05 ఎన్ఎమ్ గరిష్ట టార్క్​ని ఉత్పత్తి చేస్తుంది. ఇంధన సామర్థ్యాన్ని పెంచడం యాక్టివాలో కొత్తగా ఐడిల్ స్టార్ట్/స్టాప్ సిస్టమ్​ని యాడ్​ చేశారు.

2025 హోండా యాక్టివా ఫీచర్లు..

ఈ యాక్టివా స్కూటర్​లో కనిపించే పెద్ద అప్​డేట్.. బ్లూటూత్ కనెక్టివిటీతో కొత్త 4.2-ఇంచ్​ టిఎఫ్​టీ డిస్​ప్లే. ఇది ఇప్పుడు భారతదేశంలో హోండా ద్విచక్ర వాహన శ్రేణిలో దాదాపు ప్రామాణికంగా ఉంది! డ్యాష్​బోర్డ్ హోండా రోడ్ సింక్ యాప్​నకు అనుకూలంగా ఉంటుంది. ఇది నావిగేషన్, కాల్ / ఎస్ఎంఎస్ అలర్ట్​లతో పాటు మరెన్నో విధులను అందిస్తుంది. ఈ స్కూటర్​లో యూఎస్బీ టైప్-సీ ఛార్జింగ్ పోర్ట్ కూడా ఉంది. 2025 హోండా యాక్టివా ఇప్పుడు దేశవ్యాప్తంగా ఉన్న హెచ్ఎంఎస్ఐ డీలర్​షిప్స్​లో అందుబాటులో ఉంది. ఈ స్కూటర్ టీవీఎస్ జూపిటర్, హీరో ప్లెజర్ ప్లస్ తదితర మోడళ్లకు గట్టి పోటీనిస్తుంది.