Suzuki Avenis 125: సరికొత్త 12 ట్రెండీ కలర్స్ తో సుజుకీ అవెనిస్ 125 లాంచ్; ధర ఎంతంటే?
అప్ గ్రేడ్ చేసిన సుజుకీ అవెనిస్ 125 స్కూటర్ 12 సరికొత్త ట్రెండీ కలర్స్ తో లాంచ్ అయింది. ధర లో ఎటువంటి మార్పు లేదు. దీని ప్రారంభ ధర రూ .92,000 (ఎక్స్-షోరూమ్, ఢిల్లీ). సుజుకి యాక్సెస్ 125 లలో ప్రవేశపెట్టిన కొత్త కలర్ ఆప్షన్ లతో పాటు సుజుకీ అవెనిస్ లో ఈ కొత్త గ్రాఫిక్ లుక్ ను తీసుకువచ్చారు.
సుజుకి మోటార్ సైకిల్ ఇండియా 2024 అవెనిస్ 125 స్కూటర్ ను కొత్త కలర్ ఆప్షన్లతో విడుదల చేసింది. 2024 సుజుకీ అవెనిస్ 125 ఇప్పుడు నాలుగు కొత్త పెయింట్ ఆప్షన్స్ లో లభిస్తుంది. అవి గ్లాసీ స్పార్కిల్ బ్లాక్ / పెర్ల్ మీరా రెడ్, ఛాంపియన్ ఎల్లో నంబర్ 2 / గ్లోసీ స్పార్కిల్ బ్లాక్, గ్లోసీ స్పార్కిల్ బ్లాక్ & గ్లోసీ స్పార్కిల్ బ్లాక్ / పెర్ల్ గ్లేసియర్ వైట్. లేటెస్ట్ గా లాంచ్ చేసిన అప్ గ్రేడెడ్ అవెనిస్ ధరలు రూ. 92,000 (ఎక్స్-షోరూమ్, ఢిల్లీ) నుండి ప్రారంభమవుతాయి.
2024 సుజుకి అవెనిస్ 125 కొత్త రంగులు
2024 సుజుకీ అవెనిస్ లోని కొత్త పెయింట్ ఎంపికలను కొత్త బాడీ గ్రాఫిక్స్ తో నవీకరించారు. ఈ కొత్త గ్రాఫిక్స్ స్పోర్టీ స్కూటర్ కు కొత్త ట్రెండీ లుక్ ను తీసుకువచ్చాయి. ముఖ్యంగా సైడ్ ప్యానెల్స్ పై బోల్డ్ గా ముద్రించిన 'సుజుకీ' అనే అక్షరాలు ఈ స్కూటర్ ను మంచి లుక్ ను తీసుకువచ్చాయి. ఇటీవల సుజుకి యాక్సెస్ 125, బర్గ్ మన్ స్ట్రీట్ 125 లలో ప్రవేశపెట్టిన కొత్త కలర్ ఆప్షన్ లతో పాటు పండుగ సీజన్ కోసం సుజుకీ అవెనిస్ లో ఈ కొత్త గ్రాఫిక్ లుక్ ను తీసుకువచ్చారు.
యువత లక్ష్యంగా..
యువత లక్ష్యంగా, జెన్ జెడ్ రైడర్లను ఆకట్టుకునేలా మరింత ట్రెండీగా మార్చడానికి సుజుకీ అవెనిస్ 125 ని కొత్త కలర్ ఆప్షన్స్ తో తీసుకువస్తున్నామని సుజుకి మోటార్ సైకిల్ ఇండియా మేనేజింగ్ డైరెక్టర్ కెనిచి ఉమేడా చెప్పారు. స్టైల్, టెక్నాలజీ, పర్ఫార్మెన్స్ మిశ్రమంతో అర్బన్ రైడింగ్ అనుభవాన్ని ఇది కచ్చితంగా మెరుగుపరుస్తుందన్నారు.
2024 సుజుకి అవెనిస్ స్పెసిఫికేషన్లు
సుజుకీ అవెనిస్ 125 మోడల్ సెగ్మెంట్ లీడర్ అయిన యాక్సెస్ 125 నుంచి స్ఫూర్తి పొందింది. ఇందులోని 124.3 సీసీ ఆల్-అల్యూమినియం సింగిల్ సిలిండర్, ఫోర్-స్ట్రోక్ ఇంజన్ 6,750 ఆర్పీఎమ్ వద్ద 8.5 బీహెచ్పీ, 5,500 ఆర్పిఎమ్ వద్ద 10 ఎన్ఎమ్ గరిష్ట టార్క్ ను ప్రొడ్యూస్ చేస్తుంది. ఇతర హార్డ్ వేర్ కాంపోనెంట్లలో టెలిస్కోపిక్ ఫ్రంట్ ఫోర్కులు, వెనుక భాగంలో సింగిల్ షాక్ ఉన్నాయి. ఈ స్కూటర్ కు డిస్క్ (ముందు), డ్రమ్ (రియర్) బ్రేక్ సెటప్ ఉంది. అవెనిస్ స్కూటర్ కు ముందు వైపు 12 అంగుళాలు, వెనుకవైపు 10 అంగుళాల అల్లాయ్ వీల్స్ ను అమర్చారు. దీని స్టోరేజ్ కెపాసిటీ 21. 8 లీటర్లు.
2024 సుజుకి అవెనిస్ ఫీచర్లు
అవెనిస్ స్పోర్టీ స్టైలింగ్ తో ప్రత్యేకతను సంతరించుకుంది. షార్ప్ లైన్స్, అగ్రెసివ్ స్టైల్ ఫ్రంట్ ఆప్రాన్, ఎల్ఈడి హెడ్ ల్యాంప్ ఈ మోడల్ కు డిఫరెంట్ లుక్ ను ఇస్తాయి. బ్లూటూత్ కనెక్టివిటీతో కూడిన డిజిటల్ ఇన్స్ట్రుమెంట్ కన్సోల్ కూడా ఇందులో ఉంది. ఇది టర్న్ బై టర్న్ నావిగేషన్, పార్కింగ్ ప్లేసెస్ ఇన్ఫర్మేషన్, ఫ్యూయల్ స్టేషన్లు, కన్వీనియన్స్ స్టోర్స్ వంటి సమాచారం అందిస్తుంది. కాల్స్, ఎస్ఎంఎస్, వాట్సప్ అలర్ట్స్ కూడా ఈ కన్సోల్ ద్వారా లభిస్తాయి. సుజుకి అవెనిస్ 125 సెగ్మెంట్లో టీవీఎస్ ఎన్టార్క్ 125, అప్రిలియా ఎస్ఆర్ 125, హోండా గ్రాజియాతో పోటీపడుతుంది.