Kawasaki Versys 650: మార్కెట్లోకి 2024 మోడల్ కవాసాకి వెర్సిస్ 650-2024 kawasaki versys 650 launched in india priced at 7 77 lakh rupees ,బిజినెస్ న్యూస్
తెలుగు న్యూస్  /  Business  /  2024 Kawasaki Versys 650 Launched In India, Priced At 7.77 Lakh Rupees

Kawasaki Versys 650: మార్కెట్లోకి 2024 మోడల్ కవాసాకి వెర్సిస్ 650

HT Telugu Desk HT Telugu
Apr 04, 2024 04:49 PM IST

2024 Kawasaki Versys 650: కొత్త 2024 కవాసాకి వెర్సిస్ 650 అడ్వెంచర్ టూరర్ ను భారత్ మార్కెట్లో లాంచ్ చేసింది. ఈ కొత్త వర్షన్ లో కూడా గతంలో వచ్చిన మోడల్స్ లోని హార్డ్ వేర్ ఉంటుంది.

2024 కవాసాకి వెర్సిస్ 650 అడ్వెంచర్ టూరర్
2024 కవాసాకి వెర్సిస్ 650 అడ్వెంచర్ టూరర్

2024 Kawasaki Versys 650: ఇండియా కవాసాకి మోటార్ 2024 మోడల్ సంవత్సరానికి అప్డేట్ చేసిన కొత్త వెర్సిస్ 650 అడ్వెంచర్ టూరర్ ను విడుదల చేసింది. 2024 కవాసాకి వెర్సిస్ 650 ధర రూ .7.77 లక్షలు (ఎక్స్-షోరూమ్) గా నిర్ణయించారు. ఈ బైక్ మెటాలిక్ ఫ్లాట్ స్పార్క్ బ్లాక్, మెటాలిక్ మ్యాట్ డార్క్ గ్రే అనే రెండు కొత్త కలర్ ఆప్షన్లలో లభిస్తుంది. ఎంవై 2023 మోడల్, ఎంవై 2024 వెర్సిస్ ల ధరల్లో ఎటువంటి మార్పు లేదు.

ట్రెండింగ్ వార్తలు

కొత్త కలర్ స్కీమ్స్

కొత్త ఎరుపు, ఆకుపచ్చ రంగులు ఇప్పుడు 2024 కవాసాకి వెర్సిస్ 650 లో భిన్నమైన నలుపు పెయింట్ స్కీమ్ తో వస్తాయి. ఈ బైక్ సైడ్ ప్యానెల్స్, హెడ్ ల్యాంప్ కౌల్ పై తెలుపు స్ట్రిప్ ఉంటుంది. ఇందులో ట్విన్ ఎల్ఈడీ హెడ్ ల్యాంప్స్, పొడవైన వైజర్ ఉన్నాయి.

649 సీసీ ప్యారలల్-ట్విన్ ఇంజన్

2024 మోడల్ వెర్సిస్ 650 లో 649 సీసీ ప్యారలల్-ట్విన్ ఇంజన్ గరిష్టంగా 66బిహెచ్ పి పవర్, 61ఎన్ఎమ్ గరిష్ట టార్క్ ను ఉత్పత్తి చేయగలదు. ఈ ఇంజన్ 6-స్పీడ్ గేర్ బాక్స్ తో పాటు స్లిప్పర్ క్లచ్ తో జతచేయబడి ఉంటుంది. ఇందులో సస్పెన్షన్ అవసరాల కోసం ప్రీలోడ్, రీబౌండ్ అడ్జస్టబిలిటీతో యూఎస్డీ ఫ్రంట్ ఫోర్కులను అమర్చారు. వెనుక భాగంలో ప్రీలోడ్-అడ్జస్టబుల్ షోవా మోనోషాక్ ఉంటుంది. బ్రేకింగ్ విషయానికి వస్తే ముందు భాగంలో డ్యూయల్ 300 ఎంఎం డిస్క్, వెనుక భాగంలో 220 ఎంఎం డిస్క్ బ్రేకులు ఉన్నాయి.

17 అంగుళాల అల్లాయ్ వీల్స్

వెర్సిస్ 650 బైక్ 120/70 సెక్షన్ ఫ్రంట్, 160/60 సెక్షన్ రియర్ టైర్లు ఉంటాయి. ఇవి 17-అంగుళాల అల్లాయ్ వీల్స్ పై ఉంటాయి. ఇందులో బ్లూటూత్ కనెక్టివిటీతో కూడిన టీఎఫ్టీ ఇన్స్ట్రుమెంట్ కన్సోల్, యూఎస్బీ ఛార్జింగ్ పోర్ట్, స్విచ్చబుల్ ట్రాక్షన్ కంట్రోల్, డ్యూయల్ ఛానల్ ఏబీఎస్ తదితర ఫీచర్లు ఉన్నాయి. ఈ బైక్ మార్కెట్లో ట్రయంఫ్ టైగర్ స్పోర్ట్ 660, కొత్త సుజుకి వి-స్ట్రోమ్ 800 డీఈ లతో పోటీపడుతుంది.

WhatsApp channel