Multibagger penny stock : రెండేళ్లల్లో.. రూ. 1లక్షను రూ. 3.4కోట్లుగా మార్చిన స్టాక్​!

Multibagger penny stock : స్టాక్​ మార్కెట్​లో మల్టీబ్యాగర్​ స్టాక్స్​కు మంచి డిమాండ్​ ఉంటుంది! అనేకమంది మదుపర్లు మల్టీబ్యాగర్​ స్టాక్స్​లో ఇన్​వెస్ట్​మెంట్​ కోసం ప్రయత్నిస్తుంటారు. ఇలాంటి ఒక్క స్టాక్​ తగిలినా.. లైఫ్​ సెట్​ అని భావిస్తుంటారు. ఈ విషయంలో కాస్త రిస్క్​ ఎక్కువగా ఉన్నా.. మదుపర్ల ఆలోచనలు నిజమే! అందుకు ఉదాహరణ.. రాజ్​ రేయన్​ ఇండస్ట్రీస్​ స్టాక్​. ఈ పెన్నీ స్టాక్​.. రూ. 1లక్షను రెండేళ్లల్లోనే ఏకంగా రూ. 3.46కోట్లుగా మార్చేసింది.

రాజ్​ రేయన్​ ఇండస్ట్రీస్​ షేర్లు..

Raj Rayon share price history : రెండేళ్లల్లో ఈ రాజ్​ రేయన్​ ఇండస్ట్రీస్ పెన్నీ​ షేరు ధర రూ. 0.20 నుంచి రూ. 69.20కు పెరిగింది. అంటే మదుపర్లకు ఏకంగా 3,45,000శాతం రిటర్నులు తెచ్చిపెట్టినట్టు!

గత నెల రోజులుగా ఈ మల్టీబ్యాగర్​ పెన్నీ స్టాక్​ ధర 10శాతం పడింది. కానీ ఈ ఏడాదిలో ఇప్పటివరకు 85శాతం రిటర్నులు ఇచ్చింది. రూ. 36.9 నుంచి రూ. 69.2కు పెరిగింది. ఇక గత ఆరు నెలల్లో ఈ రాజ్​ రేయన్​ ఇండస్ట్రీస్​ స్టాక్​ రూ. 16.20 నుంచి రూ. 69.20కి చేరింది. అంటే మదుపర్లు ఏకంగా 325శాతం రిటర్నులు అందుకున్నట్టు. ఏడాది కాలంలో ఈ స్టాక్​ రూ. 1.65 నుంచి రూ. 69.20కి వృద్ధిచెందడం విశేషం. 4,100శాతం పెరిగినట్టు! ఇక రెండేళ్ల క్రితం రూ. 0.20 వద్ద ఉన్న స్టాక్​.. 3,45,000శాతం పెరిగి రూ. 69.20కి చేరింది. రెండేళ్ల పాటు ఇన్​వెస్ట్​ చేసిన వారికి సంతోషాన్నిచ్చింది.

Raj Rayon Industries share price : వాస్తవానికి ఈ స్టాక్​ 52 వీక్​ హై రూ. 89.75. ఈ ఏడాది మార్చ్​లో ఆల్​ టైమ్​ హైని తాకింది. అక్కడి నుంచి రూ. 69.20 (శుక్రవారం ట్రేడింగ్​ సెషన్​ ముగింపు)కి చేరింది.

రూ. 1లక్ష = రూ. 3.46కోట్లు..!

రాజ్​ రేయన్​ ఇండస్ట్రీస్​ పెన్నీ స్టాక్​లో నెల రోజుల ముందు రూ. 1లక్ష పెట్టుబడి పెట్టి ఉంటే.. దాని విలువ ఇప్పుడు రూ. 90వేలుగా ఉండేది. కానీ ఈ ఏడాది తొలినాళ్లల్లో రూ. 1లక్ష పెట్టి ఉంటే, దాని విలువ ఇప్పుడు రూ. 1.85లక్షలుగా మారేది. మరోవైపు ఆరు నెలల క్రితం చేసిన రూ. 1లక్ష ఇన్​వెస్ట్​మెంట్​.. ఇప్పుడు రూ. 4.25లక్షలకు చేరేది. రాజ్​ రేయన్​ ఇండస్ట్రీస్​ షేరులో ఏడాది క్రితం రూ. 1లక్ష పెట్టి ఉంటే.. దాని విలువ ఇప్పుడు రూ. 42లక్షలకు పెరిగేది.

Raj Rayon Industries stock news : అదే విధంగా.. రెండేళ్ల క్రితం ఈరాజ్​ రేయన్​ ఇండస్ట్రీస్​ పెన్నీ స్టాక్​లో రూ. 1లక్ష పెట్టి ఉంటే.. అది కాస్త ఇప్పుడు రూ. 3.46కోట్లుగా మారేది.

(ఇది సమాచారం కోసం రూపొందించిన కథనం మాత్రమే. పెన్నీ స్టాక్స్​ అంటే అత్యంత రిస్క్​తో కూడుకున్న వ్యవహారం. ఏదైనా పెట్టుబడి పెట్టే ముందు మీ ఫైనాన్షియల్​ ఎడ్వైజర్​ను సంప్రదించడం శ్రేయస్కరం.)